ພິທີແຂ່ງຂັນກິລາບານສົ່ງຍິງ-ຊາຍ ລະຫວ່າງ ພະແນກສຶກສາທິການ ແລະ ກິລາແຂວງ (ສກຂ) ແລະ ມ.ສ ສົມມຸງຄຸງ ເມືອງບໍລິຄັນ ແຂວງບໍລິຄໍາໄຊ ເພື່ອຂໍ່ານັບຮັບຕ້ອນ ແລະ ສະເຫຼີມສະຫຼອງວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວຄົບຮອບ 68 ປີ (14 ເມສາ 1955-14 ເມສາ 2023) ໄດ້ຈັດຂຶ້ນໃນຕອນບ່າຍຂອງວັນທີ 6 ເມສາ 2023 ທີ່ເດີ່ນກິລາຂອງໂຮງຮຽນ ມ.ສ ສົມມຸງຄຸງ ໂດຍການເຂົ້າຮ່ວມຂອງ ທ່ານ ລົມ ແພງສຸກ ຫົວໜ້າພະແນກສຶກສາທິການ ແລະ ກິລາແຂວງ ພ້ອມດ້ວຍຄະນະ, ມີຫ້ອງການສຶກສາທິການ ແລະ ກິລາເມືອງ, ຄະນະເລຂາຊາວໜຸ່ມຮາກຖານພະແນກ ສກຂ ແລະ ນັກກິລາທັງສອງພາກສ່ວນເຂົ້າຮ່ວມ.
ການສ້າງຂະບວນການແຂ່ງຂັນກິລາຄັ້ງນີ້ ມີນັກກິລາທີ່ເປັນຕົວແທນ ຊາວໜຸ່ມຮາກຖານ ສກຂ ແລະ ໂຮງຮຽນ ມ.ສ ສົມມຸງຄຸນ ທັງສອງພາກສ່ວນເຂົ້າຮ່ວມແຂ່ງຂັນທັງໝົດ 2 ທີມ ໃນນີ້ບານສົ່ງຊາຍ 1 ທີມ ແລະ ບານສົ່ງຍິງ 1 ທີມ, ຊຶ່ງຕະຫຼອດໄລຍະການແຂ່ງຂັນນັກກິລາທຸກຄົນ ແມ່ນແຂ່ງຂັນກັນດ້ວຍນໍ້າໃຈນັກກິລາ, ມີຄວາມສາມັກຄີຮັກແພງ ແລະ ປະຕິບັດຕາມລະບຽບການແຂ່ງຂັນຢ່າງເຂັ້ມງວດ ເຮັດໃຫ້ການແຂ່ງຂັນດໍາເນີນໄປດ້ວຍບັນຍາກາດຄຶກຄື້ນ, ມ່ວນຊື່ນ ແລະ ສໍາເລັດລົງຢ່າງຈົບງາມ.
ຜ່ານການແຂ່ງຂັນ ເປັນທີມສຶກສາແຂວງ ທີ່ສາມາດຍາດໄດ້ໄຊຊະນະທັງສອງທີມ ແລະ ຄວ້າແຊ້ມມາຄອງໄດ້ສຳເລັດ.
Users Today : 579
Users Yesterday : 494
This Month : 8420
This Year : 128457
Total Users : 514681
Who's Online : 43