ພະແນກສຶກສາທິການ ແລະ ກິລາແຂວງບໍລິຄຳໄຊ ຮ່ວມກັບການນໍາເມືອງປາກຊັນ ໄດ້ຈັດການແຂ່ງຂັນເຕະບານມິດຕະພາບນັດພິເສດ ໃນວັນທີ 23 ກຸມພາ 2023 ທີ່ເດີ່ນບານເຕະຂອງເມືອງປາກຊັນ, ນຳພາໂດຍ ທ່ານ ລົມ ແພງສຸກ ຫົວໜ້າພະແນກສຶກສາທິການ ແລະ ກິລາແຂວງບໍລິຄຳໄຊ, ການນໍາເມືອງປາກຊັນນໍາພາໂດຍ ທ່ານ ໂພຄຳ ຈັນທະສຸກ ຮອງເຈົ້າເມືອງປາກຊັນ ພ້ອມດ້ວຍນັກກິລາທັງສອງພາກສ່ວນ ເຂົ້າຮ່ວມ.
ການແຂ່ງຂັນກິລາເຕະບານມິດຕະພາບລະຫວ່າງສອງທີມໃນຄັ້ງນີ້ ແມ່ນເພື່ອເປັນການສ້າງຂະບວນການຊົມເຊີຍວັນສຳຄັນຕ່າງໆຂອງພັກ, ຂອງຊາດ ເວົ້າລວມ, ເວົ້າສະເພາະແມ່ນວັນສ້າງຕັ້ງແຂວງບໍລິຄຳໄຊ ໃນຄັ້ງວັນທີ 6 ມີນາ 1984 ຄົບຮອບ 39 ປີ (6 ມີນາ 1984 – 6 ມີນາ 2023 ) ໃຫ້ມີບັນຍາກາດຟົດຟື້ນ ແລະ ເບີກບານມ່ວນຊື່ນ. ນອກນັ້ນ, ກໍຍັງເປັນການສ້າງໂອກາດໃຫ້ກັບນັກກິລາທັງສອງພາກສ່ວນໄດ້ອອກກຳລັງກາຍເພື່ອສຸຂະພາບທີ່ດີ ແລະ ເປັນການຜູກສຳພັນທະໄມຕີໃຫ້ມີຄວາມສະໜິດແໜ້ນຂຶ້ນຕື່ມ.
ຜ່ານການແຂ່ງຂັນ ຜົນປະກົດວ່າ ສະເໜີກັນ 2 – 2 ປະຕູ ຊຶ່ງໃນໄລຍະການແຂ່ງຂັນແມ່ນເຕັມໄປດ້ວຍຄວາມເບີກບານມ່ວນຊື່ນ, ມີໄມຕີຈິດມິດຕະພາບ ແລະ ນັກກິລາທັງສອງຝ່າຍຫຼິ້ນກັນດ້ວຍນ້ຳໃຈ, ຮູ້ໃຫ້ອະໄພເຊິ່ງກັນ ແລະ ກັນ ສົມກັບວ່າການແຂ່ງຂັນກິລາເພື່ອມິດຕະພາບຢ່າງແທ້ຈິງ.
Users Today : 450
Users Yesterday : 494
This Month : 8291
This Year : 128328
Total Users : 514552
Who's Online : 28