ໃນລະຫວ່າງວັນທີ 15-20 ກຸມພາ 2023 ຢູ່ບ້ານຂອນຂ້ວາງ ເມືອງປາກກະດິງ ແຂວງບໍລິຄຳໄຊ ຫ້ອງການອຸດສາຫະກຳ ແລະ ການຄ້າເມືອງ ໄດ້ຈັດຝຶກອົບຮົມພາຍໄຕ້ຫົວຂໍ້ ” ສົ່ງເສີມ ແລະ ພັດທະນາຂະບວນການແປຮູບຜະລິດຕະພັນປາແດກສຸກ, ສົ້ມປາຄໍ່, ສ້າງມູນຄ່າເພີ່ມດ້ານການຫຸ້ມຫໍ່ ແລະ ການຕະຫຼາດ ຢູ່ເຂດພັດທະນາປາກທອນ ” ໂດຍມີການນຳຂັ້ນແຂວງ-ຂັ້ນເມືອງ, ຫ້ອງການທີ່ກ່ຽວຂ້ອງລົງຕິດຕາມ, ມີຄູຝຶກມາຈາກມະຫາວິທະຍາໄລແຫ່ງຊາດ ຄະນະກະເສດສາດ ວິທະຍາເຂດນາບົງ ພາກວິຊາເສດຖະກິດ ແລະ ເຕັກໂນໂລຊື່ອາຫານ, ມີສຳມະນາກອນແມ່ຍິງ ຈາກ 12 ບ້ານ ພາຍໃນເຂດ 4 ປາກທອນ ເຂົ້າຮ່ວມ.
ການຝຶກອົບຮົມຄັ້ງນີ້ ກໍ່ເພື່ອສົ່ງເສີມ ແລະ ພັດທະນາສີມື ການແປຮູບຜະລິດຕະພັນ, ສ້າງມູນຄ່າເພີ່ມດ້ານການຫຸ້ມຫໍ່ໃຫ້ມີຄວາມໂດດເດັ່ນ ກາຍເປັນສິນຄ້າສົ່ງອອກທັງພາຍໃນ ແລະ ພາຍນອກ, ໂດຍໄດ້ຮຽນຮູ້ທັງພາກທິດສະດີ ແລະ ປະຕິບັດຕົງຈິງ ເປັນຕົ້ນແມ່ນ: ຄວາມໝາຍຄວາມສຳຄັນຂອງການແປຮູບຜະລິດຕະພັນ, ເຕັກນິກການແປຮູບຜິດຕະພັນ, ການຈັດການຄວາມປອດໄພໃນອາຫານ, ເຕັກນິກການຫຸ້ມຫໍ່, ໂລໂກ່, ການສ້າງແຜນການຕະຫຼາດຜະລິດຕະພັນ ແລະ ໄດ້ປະຕິບັດຕົວຈິງການເຮັດປາແດກສຸກ ແລະ ສົ້ມປາຄໍ່.
ໂອກາດນີ້ ຍັງໄດ້ມີພິທີມອບໃບຢັ້ງຢືນໃຫ້ກັບນັກສຳມະນາກອນ ທີ່ເຂົ້າຮ່ວມການຝຶກອົບຮົມ ຈໍານວນ 36 ຄົນ ເປັນກຽດມອບໂດຍ ທ່ານ ສົມສະຫວັດ ມັງແກ້ວບິດາ ຮອງຫົວໜ້າຫ້ອງການອຸດສາຫະກຳ – ການຄ້າເມືອງ.
Users Today : 1200
Users Yesterday : 494
This Month : 9041
This Year : 129078
Total Users : 515302
Who's Online : 19