ໃນກອງປະຊຸມສະໄໝສາມັນ ເທື່ອທີ 4 ສະພາປະຊາຊົນແຂວງບໍລິຄຳໄຊ ຊຸດທີ II ທີ່ໄດ້ໄຂຂຶ້ນໃນວັນທີ 31 ມັງກອນ 2023 ຢູ່ຫ້ອງປະຊຸມສະພາປະຊາຊົນແຂວງ ທ່ານ ໄຊອໍາພອນ ສີຫາວົງ ຫົວໜ້າພະແນກການແຜນການ ແລະ ການລົງທຶນແຂວງ ໄດ້ລາຍການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2022.
ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຕິດພັນກັບວາລະແຫ່ງຊາດ ມີຢູ່ 6 ເປົ້າໝາຍ ຄື: ເສດຖະກິດຂອງແຂວງເຕີບໂຕຢ່າງມີຄຸນນະພາບ ແລະ ຕາມທິດສົມດຸນເທື່ອລະກ່າວ, ຊັບພະຍາກອນມະນຸດມີຄຸນນະພາບດີຂຶ້ນ, ທັງມີຄວາມສາມາດຄົ້ນຄວ້າ ແລະ ນໍາໃຊ້ວິທະຍາສາດ-ເຕັກໂນໂລຊີ ແລະ ພູມປັນຍາ ເພື່ອສົ່ງເສີມການຜະລິດ, ການບໍລະການໃຫ້ຫຼາກຫຼາຍ ແລະ ມີມູນຄ່າສູງຂຶ້ນ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈ ຂອງປະຊາຊົນໄດ້ຮັບການຍົກລະດັບໃຫ້ດີຂຶ້ນເທື່ອລະກ່າວ, ການພັດທະນາຕາມທິດສີຂຽວ ແລະ ເປັນມິດຕໍ່ສິ່ງແວດລ້ອມ, ກາຮ່ວມມື, ການເຊື່ອມໂຍງ ແລະ ການເຊື່ອມຈອດພາຍໃນປະເທດ ແລະ ສາກົນ ໃຫ້ມີຄວາມແຂງແຮງ, ທັນສະໄໝ ແລະ ການຄຸ້ມຄອງ-ບໍລິຫານລັດ ມີປະສິດພາບ ແລະ ສັງຄົມໄດ້ຮັບການປົກປ້ອງ ຕາມທິດລັດແຫ່ງກົດໝາຍຢ່າງມີຄວາມສັກສິດ.
ສຳລັບເປົ້າໝາຍ 1 ແມ່ນເສດຖະກິດຂອງແຂວງເຕີບໂຕຢ່າງມີຄຸນນະພາບ ແລະ ຕາມທິດສົມດຸນເທື່ອລະກ່າວ, ໃນ 1 ປີຜ່ານມາ ລວມຍອດຜະລິດຕະພັນພາຍໃນ GPP ບັນລຸ 7.962,4 ຕື້ກີບ ດ້ວຍອັດຕາຂະຫຍາຍຕົວ 5,10% ພົ້ນເດັ່ນແມ່ນມີມູນຄ່າສົ່ງອອກ 225,46 ລ້ານໂດລາ ທຽບໃສ່ໄລຍະດຽວກັນເພີ່ມຂຶ້ນ 25,55 %, ການປະຕິບັດລາຍຮັບພູດທ້ອງຖິ່ນລື່ນແຜນ 34,29%, ມູນຄ່າການລົງທຶນບັນລຸ 1.628,4 ຕື້ກີບ ເທົ່າກັບ 117,9% ຂອງແຜນການປີ ກວມ 20,4 ຂອງ GPP.
Users Today : 65
Users Yesterday : 409
This Month : 10328
This Year : 130365
Total Users : 516589
Who's Online : 34