ໃນຕອນບ່າຍຂອງວັນທີ 10 ກັນຍາ 2020 ນີ້ ທ່ານ ວັນວິໄລ ແດນພູຫຼວງ ຄະນະປະຈໍາພັກແຂວງ ປະທານແນວລາວສ້າງຊາດແຂວງ ທັງເປັນປະທານອະນຸກຳມະການໂຄສະນາ ແລະ ຂະບວນການຂັ້ນແຂວງ ພ້ອມດ້ວຍຄະນະ ໄດ້ລົງເຄື່ອນໄຫວຊີ້ນຳວຽກງານຂະບວນການ ຢູ່ທີ່ເມືອງ ທ່າພະບາດ ເພື່ອສ້າງຂະບວນການໃຫ້ກັບການດຳເນີນກອງປະຊຸມໃຫຍ່ຄັ້ງທີ VII ອົງຄະນະພັກ ແຂວງ ບໍລິຄຳໄຊ.
ຄະນະນຳຂັ້ນເມືອງ ໄດ້ລາຍງານ ການສ້າງຂະບວນການ ປະດັບປະດາ ອານາໄມເອຢ້ອງຢູ່ຕາມສຳນັກງານ-ອົງການ ສະຖານທີ່ສຳຄັນຕ່າງໆຂອງເມືອງ, ການພັດທະນາເສດຖະກິດ-ສັງຄົມ, ວຽກງານ ປກຊ-ປກສ ການປຸກລະດົມມວນຊົນພາຍໃນເມືອງໄດ້ຮັບຮູ້ ແລະ ເຂົ້າໃຈຕໍ່ກັບການຈັດຕັ້ງປະຕິບັດວຽກງານໃນດ້ານຕ່າງໆ ທັງນີ້ກໍ່ເພື່ອເຮັດໃຫ້ສະຖານທີສຳຄັນຂອງເມືອງ ໃຫ້ມີຄວາມສະອາດງາມຕາ ມີຄວາມເປັນລະບຽບຮຽບຮ້ອຍ ສວຍສົດງົດງາມ ມີຄວາມພ້ອມໃນທຸກໆດ້ານໃຫ້ແກ່ການດຳເນີນກອງປະຊຸມໃຫຍ່ຄັ້ງທີ VII ອົງຄະນະພັກແຂວງ ບໍລິຄຳໄຊ ທີ່ຈະໄຂຂື້ນໃນມໍ່ໆນີ້ ໃຫ້ກາຍເປັນປາງບຸນໃຫຍ່ຂອງມວນຊົນລາວຊາວແຂວງບໍລິຄຳໄຊ ທຸກທົ່ວໜ້າໄດ້ມີຈິດໜຶ່ງໃຈດຽວ ແລະ ເປັນເຈົ້າການຮັບຜິດຊອບວຽກງານໃນດ້ານຕ່າງໆຮ່ວມກັນ.
ໃນເວລາຕໍ່ມາ ທ່ານ ດວງຕາ ມໍລະຄາສຸກ ເຈົ້າເມືອງທ່າພະບາດ ພ້ອມດ້ວຍຄະນະ ຍັງໄດ້ເຊີນ ທ່ານ ວັນວິໄລ ແດນພູຫຼວງ ພ້ອມຄະນະ ລົງໄປຢ້ຽມຊົມເບີ່ງການລ້ຽງງົວທອມ ແລະ ການປູກພືດກະສິກຳເປັນສິນຄ້າຢູ່ພາຍໃນເມືອງທ່າພະບາດຕື່ມອີກ.
Users Today : 971
Users Yesterday : 494
This Month : 8812
This Year : 128849
Total Users : 515073
Who's Online : 99