ໃນວັນທີ 24 ທັນວາ 2022 ເມືອງວຽງທອງ ໄດ້ຈັດງານບູນກີນຈຽງ ( ນໍ່ເປ້ເຈົ່າ) ຂອງເຜົ່າມົ້ງ ຢູ່ເດີ່ນແຄມຄູກັນນ້ໍາ ບ້ານ້ໍາຢ້າງ ໂດຍເປັນກຽດເຂົ້າຮ່ວມຂອງ ທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ, ທ່ານ ບຸນຄໍ້າ ໄຊເຍ່ຍລໍວື່ ປະທານແນວລາວສ້າງຊາດແຂວງ ມີການນໍາເມືອງ, ແຂກຖືກເຊີນຂັ້ນແຂວງ, ຂັ້ນເມືອງ ແລະ ພໍ່ແມ່ປະຊາຊົນເຂົ້າຮ່ວມຢ່າງ.
ພິທີ ທ່ານ ສົມໃຈ ຊົງລ່າວ່າງ ປະທານກວດກາພັກລັດເມືອງວຽງທອງ ໄດ້ໃຫ້ກຽດຂຶ້ນເລົ່າປະຫວັດຄວາມເປັນມາຂອງງານບູນກີນຈຽງເຜົ່າມົ້ງ, ຊົນເຜົ່າມົ້ງເປັນຊົນເຜົ່າໜຶ່ງໃນ 50 ຊົນເຜົ່າ ໃນວົງຄະນະຍາດແຫ່ງຊາດລາວ ຈັດຢູ່ໃນໝວດພາສາມົ້ງ-ອີມຽນ ມີປະຫວັດຄວາມເປັນມາອັນຍາວນານຄ້າຍຄືກັບຊົນເຜົ່າອື່ນ, ຊົນເຜົ່າມົ້ງມີພາສາຂຽນເປັນເອກະລັກຂອງຕົນເອງ ສ່ວນພາສາປາກເວົ້າ ມີຄວາມແຕກຕ່າງກັນບາງເລັກໜ້ອຍ ແຕ່ສາມາດເຂົ້າໃຈເຊິ່ງກັນ ແລະ ກັນ, ມີເອກະລັກທາງດ້ານຮິດຄອງປະເພນີຄວາມເຊື່ອຖືວັດທະນາທຳຂອງຕົນເອງໄວ້ໃຫ້ແກ່ລຸ້ນ ລູກ-ລຸ້ນຫຼານຈົນເຖິງທຸກວັນນີ້ເຊັ່ນ: ເຊື່ອຖືຜີເຮືອນ, ເຊື່ອຖືຜູ້ເປັນພໍ່, ເປັນແມ່ ແລະ ບັນພະບູລຸດ.
ໃນງານບູນກີນຈຽງຂອງຊົນເຜົ່າມົ້ງ ມີຈຸດປະສົງກໍ່ເພື່ອເປັນການສະເຫຼີມສະຫຼອງ ຜົນງານການຜະລິດໃນຮອບປີ, ເປັນການຟື້ນຟູເຜີຍແຜ່ຮິດຄອງປະເພນີ ແລະ ວັດທະນະທຳອັນດີງາມຂອງຕົນ, ເປັນການສົມມາຄະລະວະຕໍ່ຜູ້ອາວຸໂສ, ເປັນພໍ່ເປັນແມ່ ແລະ ຜູ້ນຳພາໃນຕະກຸນ, ເປັນໂອກາດເຕົ້າໂຮມພໍ່ແມ່, ຍາດຕິພີນ້ອງທັງໃກ້ ແລະ ໄກເພື່ອໄປ-ມາຢ້ຽມຢາມພົບປະສ້າງສັນຄວາມສາມັກຄີ ແລະ ຮູ້ບູນຄູນເຊີ່ງກັນ ແລະ ກັນ, ອີກຢ່າງໜຶ່ງເພື່ອເປັນການສ້າງໂອກາດໃຫ້ພໍ່ແມ່ໄດ້ເລືອກລູກໄພ້, ເລືອກລູກເຂີຍ ຫຼື ຊາຍໝຸ່ມ-ຍິງສາວ ໄດ້ເລືອກຄູ່ຊິວິດຂອງຕົນ ແລະ ເປັນການເອ້ຢ້ອງ ສະແດງສີລະປະວັນນະຄະດີຂອງຕົນ ໃຫ້ຊົນເຜົ່າອື່ນໄດ້ຮັບຮູ້, ໃນງານຍັງໄດ້ມີການໂຍນໝາກຄອນ, ຕີໝາກຂ່າງ, ຕໍາເຂົ້າປ່ຽງ ແລະ ຮັບຊົມສີລະປະຂອງເຜົ່າມົ້ງຢ່າງມ່ວນຊື່ນ.
Users Today : 1211
Users Yesterday : 494
This Month : 9052
This Year : 129089
Total Users : 515313
Who's Online : 39