ກອງປະຊຸມກວດກາໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2022 ຂອງໜ່ວຍພັກຮາກຖານ ອົງການໄອຍະການປະຊາຊົນແຂວງ ບໍລິຄໍາໄຊ, ໄດ້ຈັດຂື້ນ ໃນຕອນເຊົ້າ ວັນທີ 22 ທັນວາ 2022 ໂດຍການເປັນປະທານຂອງ ສະຫາຍ ທອງໃບ ພຽນວົງ ເລຂາໜ່ວຍພັກຮາກຖານ ຫົວໜ້າອົງການໄອຍາການປະຊາຊົນເເຂວງ, ໃຫ້ກຽດເຂົ້າຮ່ວມຂອງ ສະຫາຍ ບຸນສົງ ເພັດຈະເລີນ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ, ມີຄະນະໜ່ວຍພັກຮາກຖານ, ຕະຫຼອດຮອດສະມາຊິກພັກ ສົມບູນ – ສໍາຮອງ ເຂົ້າຮ່ວມ.
ກອງປະຊຸມ ໄດ້ເຜີຍແຜ່ຄຳສັ່ງຂອງກົມການເມືອງ ສູນກາງພັກ ເລກທີ 01/ກມສພ, ລົງວັນທີ 03 ມັງກອນ 2018 ວ່າດວ້ຍການເພີ່ມທະວີໃນການກໍ່ສ້າງ ໜ່ວຍພັກປອດໃສ ເຂັ້ມແຂງ ໜັກແໜ້ນ, ຄໍາສັ່ງຄະນະປະຈໍາພັກແຂວງ ສະບັບເລກທີ 827/ຄປພ ຂບຊ, ລົງວັນທີ 23 ກໍລະກົດ 2018, ວ່າດ້ວຍການເພີ່ມທະວີການກໍ່ສ້າງ ແລະ ກວດກາໜ່ວຍພັກປອດໃສ ເຂັ້ມແຂງ ໜັກແໜ້ນ, ຄຳແນະນໍາຂອງຄະນະຈັດຕັ້ງສູນກາງພັກ ເລກທີ 291/ຄຈສພ, ລົງວັນທີ 26 ເມສາ 2018 ກ່ຽວກັບການຈັດຕັ້ງປະຕິບັດຄໍາສັ່ງຂອງ ກົມການເມືອງສູນກາງພັກ ວ່າດ້ວຍການເພີ່ມທະວີໃນການກໍ່ສ້າງ ໜ່ວຍພັກປອດໃສ ເຂັ້ມແຂງ ໜັກແໜ້ນ, ດໍາລັດວ່າດ້ວຍຈັນຍາບັນຂອງພະນັກງານ-ລັດຖະກອນ ໃຫ້ຄະນະໜ່ວຍພັກ ແລະ ສະມາຊິກພັກໄດ້ເຊື່ອມຊືມ, ພ້ອມທັງທາບທາມຄໍາເຫັນສົ່ງຂ່າວ.
ນອກນັ້ນ ຍັງໄດ້ດໍາເນີນການຜ່ານໃບສໍາຫຼວດຕີລາຄາຈັດປະເພດຕົນເອງ, ຕໍານິກໍ່ສ້າງຊ່ວຍເຫຼືອເຊີ່ງກັນ ແລະ ກັນ ເພື່ອພ້ອມກັນກ້າວໜ້າ, ຈຸດປະສົງ ກໍ່ເພື່ອເປັນການຕີລາຄາຄຸນນະພາບ ເພື່ອກວດກາໃຫ້ເຫັນຈຸດດີ-ຈຸດອ່ອນຂອງສະມາຊິກພັກ ແລະ ໜ່ວຍພັກຢ່າງຖືກຕ້ອງ ບົນພື້ນຖານຫຼັກການລວມສູນປະຊາທິປະໄຕ, ເປັນການສຶກສາອົບຮົມກໍ່ສ້າງ, ທັງເປັນການປັບປຸງຄວາມສາມັກຄີພາຍໃນພັກ, ປັບປຸງສະມາຊິກພັກ ແລະ ໜ່ວຍພັກໃຫ້ມີການເຕີບໃຫຍ່ເຂັ້ມແຂງ. ເດັດດ່ຽວແກ້ໄຂສະມາຊິກພັກຜູ້ທີ່ເສຍທາດຂາດຄຸນອອກຈາກການຈັດຕັ້ງພັກ, ທັງເປັນບ່ອນອິງໃນການປະຕິບັດນະໂຍບາຍຕໍ່ສະມາຊິກພັກຜູ້ທີ່ດີເດັ່ນ, ເພື່ອຄວາມເປັນເອກະພາບກັນຂອງບັນດາໜ່ວຍພັກ ນໍາໄປຈັດຕັ້ງປະຕິບັດໃຫ້ບັນລຸຕາມມາດຖານເງື່ອນໄຂ 05 ເນື້ອໃນ ຂອງພັກວາງອອກໃຫ້ເຂັ້ມງວດ ແລະ ມີຄຸນນະພາບສູງ.
Users Today : 1164
Users Yesterday : 494
This Month : 9005
This Year : 129042
Total Users : 515266
Who's Online : 27