ໃນຕອນເຊົ້າຂອງວັນທີ 09 ທັນວາ 2022 ຢູ່ຫ້ອງຮັບຮອງຫ້ອງວ່າການແຂວງບໍລິຄຳໄຊ ທ່ານ ໄຊຍະເພັດ ຈັນທິສອນ ປະທານສະພາການຄ້າ ແລະ ອຸດສາຫະກຳແຂວງ ໄດ້ນຳເອົາເງິນສົດ ຈຳນວນ 10 ລ້ານກີບ, ທ່ານ ສົມພອນ ໄຊຊະນະສົງຄາມ ຕາງໜ້າບໍລິສັດ ພອນທອງໂຊກຈະເລີນໄຊກໍ່ສ້າງ ແລະ ທ່ານ ພູຈິດ ວັດທະນາ ໃນນາມສ່ວນຕົວ ພາກສ່ວນລະ 5 ລ້ານກີບ ມາມອບໃຫ້ແຂວງບໍລິຄຳໄຊ ເພື່ອປະກອບສ່ວນຊຸກຍູ້ທັບນັກກິລາແຂວງບໍລິຄຳໄຊ ທີ່ເຂົ້າຮ່ວມງານມະຫາກຳກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ ຫຼື ຊຽງຂວາງເກມ ເປັນກຽດຮັບໂດຍທ່ານ ຄຳແຫວນ ປັນຍານຸວົງ ຮອງເຈົ້າແຂວງບໍລິຄຳໄຊ ມີພາກສ່ວນທີ່ກ່ຽວຂ້ອງທັງສາມຝ່າຍ ເຂົ້າຮ່ວມເປັນສັກຂີພິຍານ.
ໂອກາດນີ້ ທ່ານຮອງເຈົ້າແຂວງບໍລິຄຳໄຊ ໄດ້ກ່າວຄວາມຂອບໃຈມາຍັງ 3 ພາກສ່ວນ ທີ່ໄດ້ສະຫຼະທຶນຮອນປະກອບສ່ວນ ສ້າງສາພັດທະນາເສດຖະກິດ – ສັງຄົມແຂວງບໍລິຄຳໄຊ ໂດຍສະເພາະແມ່ນຊຸກຍູ້ທັບນັກກິລາ ທັງເປັນການສ້າງກຳລັງແຮງໃຈ ເຮັດໃຫ້ນັກກິລາມີຄວາມເຕີບໃຫຍ່ເຂັ້ມແຂງ ພ້ອມນັ້ນ ທ່ານຮອງເຈົ້າແຂວງຍັງໄດ້ມອບໃບຍ້ອງຍໍໃຫ້ທັງ 3 ພາກສ່ວນຢ່າງສົມກຽດ.
Users Today : 1158
Users Yesterday : 494
This Month : 8999
This Year : 129036
Total Users : 515260
Who's Online : 22