ກອງປະຊຸມວຽກງານສະຖິຕິ ປະຈໍາປີ 2022 ໄດ້ຈັດຂຶ້ນໃນວັນທີ 24 ພະຈິກ 2022 ຢູ້ຫ້ອງປະຊຸມພະແນກແຜນການ ແລະ ການລົງທຶນແຂວງ ເປັນປະທານໂດຍ ທ່ານ ນາງ ນິດດາພອນ ໄຊຍະພອນ ຮອງຫົວໜ້າພະແນກແຜນການ ແລະ ການລົງທຶນ ແຂວງບໍລິຄຳໄຊ, ມີສູນສະຖິຕິປະຈຳ 7 ຕົວເມືອງ, ພະແນກການອ້ອມຂ້າງແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນກອງປະຊຸມ ໄດ້ຮັບຟັງລາຍງານກ່ຽວກັບສະພາບລວມ, ການຈັດຕັ້ງປະຕິບັດວຽກງານທີ່ພົ້ນເດັ່ນ ຂອງວຽກງານສະຖິຕິໄລຍະ 10 ປີ ( 2012 – 2022 ) ເຫັນວ່າມີຫຼາຍງຽກງານຜົນເດັ່ນ ເປັນຕົ້ນແມ່ນການພັດທະນາລະບົບສະຖິຕິຂອງແຂວງ ໃຫ້ການເປັນສູນລວມບັນດາຕົວຊີ້ບອກດ້ານສະຖິຕິເສດຖະກິດ, ສັງຄົມ, ສິ່ງແວດລ້ອມ ແລະ ຄວາມໝັ້ນຄົງ ຈາກລະບົບການລາຍງານຂອງຂະແໜງການທັງຂັ້ນແຂວງ, ຂັ້ນເມືອງ ແລະ ຂັ້ນບ້ານ, ການສ້າງຖານຂໍ້ມູນບັນດາຕົວຊີ້ບອກ, ສ້າງແຜນຍຸດທະສາດ, ແຜນພັດທະນາໄລຍະສັ້ນ – ຍາວ, ເພື່ອເປັນຂໍ້ມູນອ້າງອິງໃນການຄົ້ນຄວ້າວິໄຈ ແລະ ວຽກງານອື່ນໆ.
ຈາກນັ້ນ ໄດ້ຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍໄລຍະເວລາການເກັບກໍາ ແລະ ລາຍງານຂໍ້ມູນສະຖິຕິທາງການ, ສະເໜີຕົວຊີ້ບອກດ້ານສັງຄົມ, ຕົວຊີ້ບອກເປົ້າໝາຍພັດທະນາແບຍືນຍົງ (SDGs) ຕິດພັນກັບຕົວຊີ້ບອກດ້ານສັງຄົມ ແລະ ເສດຖະກິດ, ສະເໜີຕົວຊີ້ບອກດ້ານເສດຖະກິດ, ພ້ອມນັ້ນ ຜູ້ແທນກອງປະຊຸມ ຍັງໄດ້ສະເໜີແລກປ່ຽນບົດຮຽນເຊິ່ງກັນ ແລະ ກັນ ເພື່ອສົ່ງເສີມວຽກງານດ້ານດີ ແລະ ແກ້ໄຂປັບປຸງດ້ານຄົງຄ້າງ ໃຫ້ໄດ້ຮັບການພັດທະນາໃຫ້ດີຂຶ້ນໃນຕໍ່ໜ້າ.
Users Today : 1217
Users Yesterday : 494
This Month : 9058
This Year : 129095
Total Users : 515319
Who's Online : 31