ກອງປະຊຸມ ຄົບຄະນະບໍລິຫານງານສະຫະພັນແມ່ຍິງ ເມືອງຄໍາເກີດ ຄັ້ງທີ 4 ສະໄໝທີ IX ໄດ້ຈັດຂຶ້ນໃນວັນທີ 18 ພະຈິກ 2022 ທີ່ຫ້ອງປະຊຸມຫ້ອງວ່າການເມືອງ, ເປັນປະທານໂດຍທ່ານ ນາງ ສຸກຜາລີ ແສງສົມພູ ກຳມະການພັກເມືອງ ຄະນະບໍລິຫານສະຫະພັນແມ່ຍິງແຂວງ ປະທານສະຫະພັນແມ່ຍິງເມືອງ, ເປັນກຽດເຂົ້າຮ່ວມໂດຍ ທ່ານ ຄຳໝັ້ນ ໄຊຍະວົງ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ມີຄະນະບໍລິຫານງານສະຫະພັນແມ່ຍິງ, ຄະນະປະທານສະຫະພັນແມ່ຍິງຮາກຖານ, ໜ່ວຍ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ກອງປະຊຸມ ໄດ້ຮັບຟັງການຜ່ານ ບົດສະຫຼຸບການເຄື່ອນໄຫວວຽກຮອບດ້ານ ປະຈໍາປີ 2022, ບົດສໍາຫຼວດການນໍາພາຂອງຄະນະບໍລິຫານງານສະຫະພັນແມ່ຍິງເມືອງ, ສະຫຼຸບຕີລາຄາການຈັດຕັ້ງປະຕິບັດແຜນພັດທະນາແມ່ຍິງເມືອງຄໍາເກີດ ປີ 2022 ແລະ ທິດທາງແຜນການພັດທະນາແມ່ຍິງເມືອງ ປີ 2023, ເຊິ່ງຄະນະບໍລິຫານງານສະຫະພັນແມ່ເມືອງ ໄດ້ເອົາໃຈໃສ່ສຶກສາອົບຮົມການເມືອງແນວຄິດ ໃຫ້ບັນດາສະມາຊິກແມ່ຍິງ ໃຫ້ມີຫຼັກໝັ້ນການເມືອງ, ເຕົ້າໂຮມຄວາມສາມັກຄີ, ຮັບຮູ້ເຊື່ອມຊຶມແນວທາງນະໂຍບາຍ, ເຊື່ອໝັ້ນຕໍ່ການນໍາພາຂອງພັກ-ລັດ, ປັບປຸງກົງຈັກການຈັດຕັ້ງສະຫະພັນແມ່ຍິງໃຫ້ມີຄວາມເຂັ້ມແຂງ, ເສີມຂະຫຍາຍບົດບາດຍິງ-ຊາຍ, ຈັດຕັ້ງປະຕິບັດຂໍ້ແຂ່ງຂັນ 3 ດີ ຕິດພັນກັບການສ້າງຄອບຄົວ ແລະ ບ້ານແມ່ຍິງ 3 ດີ ຕາມທິດ 3 ສ້າງ, ເຜີຍແຜ່ລະບຽບກອງທຶນທະນຸເຄາະຊ່ວຍເຫລືອເຊິ່ງກັນ ແລະ ກັນ ໃຫ້ທົ່ວເຖິງທຸກກຸ່ມເປົ້າໝາຍ.
ໃນຕອນທ້າຍຂອງກອງປະຊຸມ ຍັງໄດ້ຮັບຟັງການໂອ້ລົມ ຈາກທ່ານ ຄໍາໝັ້ນ ໄຊຍະວົງ ທ່ານໄດ້ກ່າວຍ້ອງຍໍຊົມເຊີຍຕໍ່ຜົນງານທີ່ຄະນະບໍລິຫານງານສະຫະພັນແມ່ຍິງຍາດມາໄດ້, ທີ່ໄດ້ເອົາໃຈໃສ່ໃນການນໍາພາ-ຊີ້ນໍາຕາມພາລະບົດບາດ, ສິດ, ຫນ້າທີ່ຂອງຕົນ ສາມາດສໍາເລັດຜົນໃນຫລາຍດ້ານ, ພ້ອມກັນນັ້ນ ທ່ານຍັງໄດ້ສະແດງຄວາມເປັນຫວ່ງໄຍຕໍ່ບັນດາຈຸດອ່ອນ, ຂໍ້ຄົງຄ້າງ ແລະ ໃຫ້ທິດຊີ້ນໍາຕໍ່ຄະນະບໍລິຫານງານສະຫະພັນແມ່ຍິງ ຈົ່ງໄດ້ພ້ອມກັນສືບຕໍ່ນໍາພາຈັດຕັ້ງປະຕິບັດວຽກງານໃນຕໍ່ຫນ້າໃຫ້ສໍາເລັດຕາມລໍາດັບຄາດໝາຍທີ່ວາງໄວ້.
Users Today : 1208
Users Yesterday : 494
This Month : 9049
This Year : 129086
Total Users : 515310
Who's Online : 42