ກອງປະຊຸມ ສະຫຼຸບຕີລາຄາການນໍາພາ-ຊີ້ນໍາ ແລະ ຈັດຕັ້ງປະຕິບັດມະຕິ ກອງປະຊຸມໃຫ່ຍຄັ້ງທີ III ຂອງຄະນະບໍລິຫານງານພັກ ກອງບັນຊາການ ປກສ ແຂວງບໍລິຄໍາໄຊ ກາງສະໄໝ ( 2 ປີ 6 ເດືອນ) ໄດ້ດໍາເນີນມາເປັນເວລາ 03 ວັນ, ແຕ່ວັນທີ 14-16 ພະຈິກ 2022 ຢູ່ທີ່ຫ້ອງປະຊຸມເບີ 1 ກອງບັນຊາການ ປກສ ແຂວງ, ໂດຍການເປັນປະທານຂອງ ສະຫາຍ ພັນເອກ ກົງຈັນ ໄຊປັນຍາ ກຳມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ, ເປັນກຽດເຂົ້າຮ່ວມຂອງ ສະຫາຍ ປອ ກອງແກ້ວ ໄຊສົງຄາມ ກຳມະການສູນກາງພັກ ເລຂາພັກແຂວງ ເຈົ້າແຂວງບໍລິຄໍາໄຊ.
ກອງປະຊຸມ ໄດ້ຜ່ານຮ່າງບົດສະຫຼຸບ ແລະ ບົດສໍາຫຼວດການນໍາພາລວມ ການນໍາພາ-ຊີ້ນຳການຈັດຕັ້ງປະຕິບັດມະຕິກອງປະຊຸມໃຫ່ຍກາງສະໄໝ ແລະ ທິດທາງແຜນການ, ກອງປະຊຸມຍັງໄດ້ເຊື່ອມຊືມເອກະສານ ເສີມຂະຫຍາຍມູນເຊື້ອ ແລະ ຄວາມສາມັກຄີເອກະພາບພາຍໃນພັກ, ເອກກະສານຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາພາໜ້າທີ່ຂອງພັກ, ເອກະສານ ການສະກັດກັ້ນ ແລະ ແກ້ໄຂປະກົດການຫຍໍ້ທໍ້ພາຍໃນພັກ ແລະ ເອກະສານ ຕັ້ງໜ້າຝືກຝົນຫຼໍ່ຫຼອມຄຸນທາດການເມືອງ, ຄຸນສົມບັດສີນທໍາປະຕິວັດ.
ພ້ອມນັ້ນຍັງໄດ້ຜ່ານຮ່າງທາບທາມບຸກຄະລິກກະພາບ ຢັ່ງຫາງສຽງຄວາມເຊື່ອໝັ້ນໄວ້ວາງໃຈຕໍ່ຄະນະບໍລິຫານງານພັກ, ເຊີ່ງໄດ້ມີການລົງຄະແນນສຽງ ແບບໂດຍກົງ ແລະ ປິດລັບ, ຜ່ານການທາບທາບຄະນະບໍລິຫານງານພັກ 08 ສະຫາຍ, ມາດຖານທີ 1 ໄດ້ 99%, ມາດຖານທີ 2 ໄດ້ 97%, ມາດຖານທີ 3 ໄດ້ 96% ແລະ ມາດຖານທີ 4 ໄດ້ 95%. ສາມາດຈັດປະເພດແຂງ 08 ສະຫາຍ.
ກອງປະຊຸມ ໄດ້ຜ່ານນຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ ສະບັບເລກທີ 1942, 1943, 1944/ປກສ ແລະ ຂໍ້ຕົກລົງ ຂອງກົມໃຫຍ່ການເມືອງ ປກສ ເລກທີ 4435/ກມປສ, ລົງວັນທີ 02 ພະຈິກ 2022 ວ່າດ້ວຍການ ເລື່ອນຊັ້ນ, ປະດັບຊັ້ນ ແລະ ດັດແປງຊັ້ນ ໃຫ້ນາຍ ແລະ ພົນຕໍາຫຼວດ ຜູ້ທີ່ມີມາດຖານເງຶ່ອນໄຂ ແລະ ມີຜົນງານໃນຂະບວນການວິຊາສະເພາະຕົວຈິງ ຈໍານວນ 68 ສະຫາຍ, ຍິງ 09 ສະຫາຍ, ໃນນີ້ເລື່ອນຊັ້ນ ພັນຕີ ຂື້ນຊັ້ນ ພັນໂທ 08 ສະຫາຍ, ຮ້ອຍເອກຂື້ນ ພັນຕີ 11 ສະຫາຍ, ຍິງ 01, ຮ້ອຍໂທ ຂື້ນຮ້ອຍເອກ 44 ສະຫາຍ, ຍິງ 07 ສະຫາຍ, ດັດແປງຊັ້ນ ສິບໂທ ຂື້ນເປັນຊັ້ນ ຮ້ອຍຕີ 05 ສະຫາຍ, ຍິງ 01 ສະຫາຍ.
Users Today : 418
Users Yesterday : 409
This Month : 10681
This Year : 130718
Total Users : 516942
Who's Online : 5