ເພື່ອເປັນການຊຸກຍູ້ສົ່ງເສີມຊາວກະສິກອນໃນການປູກພືດໃຫ້ກາຍເປັນສີນຄ້ານັ້ນໃນວັນທີ 8 ພະຈິກ 2022 ຜ່ານມາ ທ່ານ ອາດ ພົມມະສານ ຫົວໜ້າຫ້ອງການກະສິກໍາ ແລະ ປ່າໄມ້ ພ້ອມດ້ວຍໜ່ວຍງານທີ່ກ່ຽວຂ້ອງ ເມືອງ ວຽງທອງ ແຂວງ ບໍລິຄຳໄຊ ໄດ້ລົງໄປຊຸກຍູ້ ແລະ ເກັບກໍາຂໍ້ມູນຊາວກະສິກອນປູກໝາກສະຕໍເບີລີ ແລະ ປູກຜັກ ຂອງພໍ່,ແມ່ປະຊາຊົນ ບ້ານ ຜາບໍ່ ທີ່ເຄີຍມີມູນ ເຊື້ອປູກຜ່ານມາໃຫ້ກາຍເປັນກຸ່ມການຜະລິດເພື່ອສ້າງລາຍຮັບເຂົ້າຄອບຄົວ.
ຕາມການໃຫ້ສຳພາດຂອງທ່ານ ຊົວໄຍຢ່າງ ຕ່າງໜ້າປະຊາຊົນກຸ່ມປູກພືດເປັນສີ້ນຄ້າ ບ້ານ ຜາບໍ່ ໃຫ້ຮູ້ວ່າ ໃນປີນີ້ປະ ຊາຊົນ ບ້ານ ຜາບໍ່ ໄດ້ພ້ອມກັນປູກໝາກສະຕໍເບີລີ ຈຳນວນ 28 ຄອບຄົວ, ປີຜ່ານມາມີພຽງແຕ່12 ຄອບຄົວ,ປູກປີນີ້ໃນເນື້ອນທີ່ 7 ເຮັກຕ່າ, ໃນປີ 2021 ຜ່ານມາເນື້ອທີ່ມີພຽງແຕ່3,8 ເຮັກຕ່າແລະນອກຈາກປຸກໝາກສະຕໍເບີລີແລ້ວ ສຳມາຊິກພາຍໃນກຸ່ມຍັງໄດ້ປູກຜັກກະລໍໍ່າປີ, ຜັກກາດ ແລະ ພືດຜັກຕ່າງໆ ປະຈຸບັນການປູກເຫັນວ່າໄດ້ຮັບຜົນດີ ຄາດວ່າຕົ້ນເດືອນ 1 ຫຼືເດືອນ2 ເປັນຕົ້ນໄປຈະໄດ້ເລີມເກັບຜົນຜະລິດຂອງໝາກສະຕໍເບີລີ ເພື່ອສົ່ງອອກຂາຍສູ່ທ້ອງຕະຫຼາດ.
Users Today : 1211
Users Yesterday : 494
This Month : 9052
This Year : 129089
Total Users : 515313
Who's Online : 38