ໄຊຈຳພອນ ເຊື່ອມຊຶມ ມະຕິຂອງຄະນະບໍລິຫານງານສູນກາງພັກ

ໃນວັນທີ 1 ພະຈິກ 2022 ທີ່ຫ້ອງວ່າການເມຶືອງໄຊຈຳພອນ ແຂວງບໍລິຄຳໄຊ ໄດ້ຈັດກອງປະຊຸມເຜີຍແຜ່ – ເຊື່ອມຊືມ 3 ເອກະສານ ຄື: ມະຕິກອງປະຊຸມຄົບຄະນະຄັ້ງທີ 4 ຂອງຄະນະບໍລິຫານງານສູນພັກ ສະໄໝທີ XI, ມະຕິກອງປະຊຸມຄົບຄະນະບໍລິຫານງານພັກແຂວງຄັ້ງທີ 8 ສະໄໝທີ XII ແລະ ມະຕິກອງປະຊຸມອົງການປົກຄອງແຂວງ ຄັ້ງທີ I ປີ 2022 ຊຸດທີ 2 ຂອງເມືອງຂື້ນ ໃຫ້ກຽດເຜີຍແຜ່ເອກະສານຂອງທ່ານ ສ້ອຍມະນີ ຈັນເນັ່ງປາວ ຄະນະປະຈຳພັກເມືອງ, ປະທານກວດກາພັກ – ລັດເມືອງ, ມີຄະນະປະຈຳພັກເມືອງ, ສສຂ ປະຈຳເມືອງໄຊຈຳພອນ, ກຳມະການພັກເມືອງ, ກຳລັງ ປກສ – ປກຊ,  ຫົວໜ້າ, ຮອງຫ້ອງການ ພ້ອມດ້ວຍພະນັກງານລັດຖະກອນ ເຂົ້າຮ່ວມ.

ໃນກອງປະຊຸມ ທ່ານ ສ້ອຍມະນີ ຈັັນເນັ່ງປາວ ໄດ້ເຜີຍແຜ່ກ່ຽວກັບມະຕິກອງປະຊຸມຄົບຄະນະຄັ້ງທີ 4 ຂອງຄະນະບໍລິຫານງານສູນພັກ ສະໄໝທີ XI ແລະມະຕິກອງປະຊຸມຄົບຄະນະບໍລິຫານງານພັກແຂວງຄັ້ງທີ 8 ສະໄໝທີ ໂດຍໄດ້ໃຫ້ຮູ້ເຖິງສະພາບການຈັັັັັັັດຕັ້ງຜັນຂະຫຍາຍມະຕິກອງປະຊຸມໃຫຍ່ ອົງຄະນະພັກແຂວງ ສະໄໝທີ XII, ສະຫຼຸບວຽກງານຮອບດ້ານຂອງແຂວງ, ການລາຍງານຂອງຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງ ໃນການເຂົ້າຮ່ວມກອງປະຊຸມ ສະໄໝສາມັນ ເທື່ອທີ 3 ຂອງສະພາແຫ່ງຊາດ, ບັນດາພະແນກການ ແລະ ເມືອງໃນໄລຍະ 6 ເດືອນຕົ້ນປີ 2022.

ເຜີຍແຜ່ເອກະສານ ກອງປະຊຸມອົງການປົກຄອງແຂວງ ຄັ້ງທີ I ປີ 2022 ໂດຍໄດ້ເວົ້າເຖີງ ການສະຫຼຸບຕີລາຄາການຈັດຕັ້ງປະຕິບັດວຽກງານພົ້ນເດັ່ນໄລຍະ 6 ເດືອນຕົ້ນປີ 2022 ແລະ ທິດທາງແຜນການວຽກງານຈຸດສຸມ 6 ເດືອນທ້າຍປີ 2022 ຂອງແຂວງ, ກອງປະຊຸມເຫັນດີທາງດ້ານຫຼັກການ ຮັບຮອງເອົາບົດລາຍງານ ມາດຕະການຊຸກຍູ້ການຜະລິດ ເພື່ອທົດແທນການນຳເຂົ້າ ແລະ ການຜະລິດເພື່ອຄໍ້າປະກັນສະບຽງອາຫານ ຂອງພະແນກກະສິກຳ ແລະ ປ່າໄມ້ແຂວງ ສະບັບເລກທີ 1159/ກປຂ, ລົງວັນທີ 7 ກໍລະກົດ 2022, ບົດປະກອບຄຳເຫັນຂອງສະພາບປະຊາຊົນແຂວງ ຕາງໜ້າອົງການນິຕິບັດຍັດ ຕໍ່ອົງການປົກຄອງແຂວງ, ບົດລາຍງານການກະກຽມຮ່າງນິຕິກຳ ທີ່ຈະນຳເຂົ້າທາບທາມ ຢູ່ກອງປະຊຸມສະໄໝສາມັນ ເທື່ອທີ 3 ຂອງສະພາປະຊາຊົນແຂວງ ຊຸດທີ II ແລະ ການຜັນຂະຫຍາຍມະຕິກອງປະຊຸມອົງການປົກຄອງແຂວງ ເປີດກ້ວາງ ຄັ້ງທີ I ປີ 2022 ເພື່ອເປັນທິດທາງໃນການຈັດຕັ້ງປະຕິບັດວຽກງານຂອງແຕ່ລະພາກສ່ວນ ໃຫ້ມີປະສິດທິຜົນ ເຮັດໃຫ້ບັນດາວຽກງານຈຸດສຸມໄດ້ຮັບການຈັດຕັ້ງປະຕິບັດຢ່າງເປັນຮູບປະທຳ, ມອບໃຫ້ທຸກພາກສ່ວນຫັນເປັນແຜນປະຕິບັດງານລະອຽດ ລວມທັງມີການກວດກາ, ຕິດຕາມ ການຈັດຕັ້ງປະຕິບັດແຜນຈຸດສຸມດັ່ງກ່າວ ຢ່າງເປັນປົກກະຕິ.

• Facebook
• Twitter
• Line