ປະກາດສ້າງຕັ້ງຫ້ອງການກາແດງ ເມືອງວຽງທອງ

ໃນວັນທີ 21 ຕຸລາ 2022 ຢູ່ຫ້ອງປະຊຸມຫ້ອງວ່າການເມືອງວຽງທອງ ໄດ້ຈັດກອງປະຊຸມປະກາດສ້າງຕັ້ງຫ້ອງການກາແດງ ພ້ອມທັງແຕ່ງຕັ້ງຄະນະຫ້ອງການ ແລະ ຫົວໜ້າໜ່ວຍງານ, ເປັນກຽດເຂົ້າຮ່ວມຂອງທ່ານ ຄຳມອນ ໄຊພົມມີ ຮອງເລຂາພັກເມືອງ, ທ່ານ ນາງ ວັນເພັງ ໄຊສົງຄາມ ຫົວໜ້າອົງການກາແດງແຂວງ, ມີຄະນະປະຈຳພັກເມືອງ, ຫົວໜ້າຫ້ອງການອ້ອມຂ້າງເມືອງ ແລະພະ ນັກງານຫ້ອງການທີ່ກ່ຽວຂ້ອງ ເຂົ້າຮ່ວມ.

ໃນພິທີ ໄດ້ຜ່ານຂໍ້ຕົກລົງຂອງເຈົ້າເມືອງວຽງທອງ ເລກທີ 580 /ຈມວທ ວ່າດ້ວຍການສ້າງຕັ້ງຫ້ອງການກາແດງເມືອງ, ຂໍ້ຕົກລົງ ເລກທີ669 / ຈມວທ ວ່າດ້ວຍການແຕ່ງຕັ້ງຄະນະຫ້ອງການກາແດງເມືອງ ເຊີ່ງໄດ້ແຕ່ງຕັ້ງ ທ່ານ ນາງ ພອນສະຫວັນ ຄູນແກ້ວຈັນ ເປັນຫົວໜ້າຫ້ອງການ, ທ່ານ ແສງ ຍົດຄຳແສງ ແລະ ທ່ານ ນາງ ຜຸຍ ອິນຄຳມະວົງ ເປັນຮອງຫົວໜ້າຫ້ອງການ.

ຜ່ານຂໍຕົກລົງເຈົ້າເມືອງວຽງທອງ ເລກທີ 670/ຈມວທ ວ່າດ້ວຍການແຕ່ງຕັ້ງຫົວໜ້າໜ່ວຍງານຫ້ອງການກາແດງ ເຊີ່ງໄດ້ແຕ່ງຕັ້ງທ່ານ ສາວ ແກ້ວມຸນມີ ເປັນຫົວໜ້າໜ່ວຍງານປະຖົມພະຍາບານ ແລະ ເລືອດ, ທ່ານ ຈູ່ຄ້າງ ໄຊດົວຄ້າງ ເປັນຫົວໜ້າໜ່ວຍງານບໍລິຫານ – ຈັດຕັ້ງ ແລະ ທ່ານ ຈຶກວ່າງ ກ່າເກີ ເປັນຫົວໜ້າໜ່ວຍງານໂຄສະນາຂົນຂວາຍ ແລະ ບັນເທົາທຸກ.

• Facebook
• Twitter
• Line