ໃນວັນທີ 13 ຕຸລາ 2022 ຢູ່ຫ້ອງປະຊຸມຫ້ອງວ່າການເມືອງ ໄດ້ມີພິທີປະກາດການ ຈັດຕັ້ງຂອງຫ້ອງການ ສຶກສາທິການ ແລະ ກິລາ ແລະ ຫ້ອງການສາທາລະນະສຸກເມືອງ ໂດຍການປະທານຂອງ ທ່ານ ສົມສົດ ແສງອາພອນ ເຈົ້າເມືອງທ່າພະບາດ, ມີພະແນກການຂັ້ນແຂວງ, ຫ້ອງການ, ຜູ້ອຳນວຍການໂຮງຮຽນທົ່ວເມືອງ ຕະຫຼອດພະນັກງານວິຊາການອ້ອມຂ້າງເມືອງ ເຂົ້າຮ່ວມ.
ໃນພິທີ ໄດ້ຜ່ານຂໍ້ຕົກລົງ ຂອງທ່ານເຈົ້າເມືອງທ່າພະບາດ ສະບັບເລກທີ 1577 / ມທບ, ລົງວັນທີ 3 ຕຸລາ 2022 ວ່າດ້ວຍການແຕ່ງຕັ້ງ ທ່ານ ໄຊຈະເລີນ ໄຊຍະເດດ ຮອງຜູ້ອໍານວຍການໂຮງຮຽນ ມສ ປາກທວາຍ ຂື້ນຮັກສາການຫົວໜ້າຫ້ອງການ ສຶກສາທິການ ແລະ ກິລາເມືອງ ແລະ ມະຕິແຕ່ງຕັ້ງ ຂອງຄະນະປະຈຳພັກເມືອງ ສະບັບເລກທີ 1629 / ຄປຈ,ລົງວັນທີ 4 ຕຸລາ 2022 ວ່າດ້ວຍການແຕ່ງຕັ້ງ ສະຫາຍ ໄຊຈະເລີນ ໄຊຍະເດດ ຮັກສາການ ເລຂາຄະນະພັກຮາກຖານ ສຶກສາທິການ ແລະ ກິລາເມືອງ ແລະ ຂໍ້ຕົກລົງ ຂອງທ່ານເຈົ້າເມືອງ ສະບັບເລກທີ 1440/ມທບ, ລົງວັນທີ 12 ຕຸລາ 2022 ວ່າດ້ວຍການແຕ່ງຕັ້ງ ທ່ານ ນາງ ວິໄລພັນ ພົມວິໄລ ຫົວໜ້າໜ່ວຍງານອາຫານ ແລະ ຢາ ຫ້ອງການສາທາລະນະສຸກເມືອງ ຂື້ນເປັນຮອງຫົວໜ້າຫ້ອງການ ສາທາລະນະສຸກເມືອງ.
ໃນຕອນທ້າຍ ທ່ານປະທານໄດ້ມີຄຳໂອ້ລົມ ເຊິ່ງທ່ານໄດ້ຍົກໃຫ້ເຫັນເຖິງເຫດຜົນ ແລະ ຄວາມຈຳເປັນໃນການແຕ່ງຕັ້ງ ໂດຍລວມແລ້ວແມ່ນອິງໃສ່ຄວາມຮຽກຮອ້ງຕ້ອງການຂອງໜ້າທີ່ການເມືອງໃນໄລຍະປັດຈຸບັນ ທ່ານໄດ້ເນັ້ນເຖິງຜູ້ທີ່ໄດ້ຮັບຕຳແໜ່ງໃໝ່ ຈົ່ງໄດ້ເອົາໃຈໃສ່ສືບຕໍ່ນຳພາປັບປຸງແບບແຜນນຳພາ ແລະ ຮັກສາໄດ້ຄວາມສາມັກຄີເປັນປຶກແຜ່ນ, ຍົກສູງຄວາມຮັບຜິດຊອບທາງດ້ານການເມືອງ ທີ່ການຈັດຕັ້ງມອບໝາຍໃຫ້ນັບມື້ນັບສູງຂື້ນ.
Users Today : 1192
Users Yesterday : 494
This Month : 9033
This Year : 129070
Total Users : 515294
Who's Online : 13