ກອງບັນຊາການທະຫານ ເມືອງປາກກະດງ ເຜີຍແຜ່ເຊື່ອມຊືມແນວທາງການເມືອງຂອງພັກ

ໃນວັນວັນທີ 11 ຕຸລາ 2022 ຢູ່ກອງບັນຊາການທະຫານເມືອງປາກກະດິງ ໄດ້ມີກອງປະຊຸມເຜີຍແຜ່ເຊື່ອມຊືມ ເອກະສານແນວທາງການເມືອງຂອງພັກ ເປັນກຽດເຂົ້າຮ່ວມເຜີຍແຜ່ບັນຍາຍເອກະສານໂດຍທ່ານ ພັທ ບຸນຍັງ ມູນມະນີ ຫົວໜ້າການເມືອງກອງບັນຊາການທະຫານເມືອງປາກກະດິງ, ມີຄະນະພັກ-ຄະນະນຳ ພ້ອມດ້ວຍນາຍ ແລະ ພົນທະຫານພາຍໃນກົມກອງ ເຂົ້າຮ່ວມ.

ເອກະສານທີ່ນໍາມາເຜີຍແຜ່ຄັ້ງນີ້ ປະກອບດ້ວຍ: ເນື້ອໃນມະຕິກອງປະຊຸມ ວຽກງານຈັດຕັ້ງ, ກໍ່ສ້າງພັກ-ພະນັກງານທົ່ວກອງທັບ ຄັ້ງທີ 6, ແຈ້ງການຂອງກະຊວງປ້ອງກັນຄວາມສະຫງົບກ່ຽວກັບການເພີ່ມທະວີ ການຄວບຄຸມ ແລະ ສະກັດກັ້ນ, ຫ້າມ ປູກ, ຜະລິດ, ປຸງແຕ່ງ, ຊົມໃຊ້, ຄ້າຂາຍ, ຈຳໜ່າຍ, ຂົນສົ່ງ, ມີໄວ້ຄອບຄອງ, ນຳເຂົ້າ-ສົ່ງອອກ ພືດທີ່ມີສານເສບຕິດ ຫຼື ຜະລິດຕະພັນທີ່ມີສານຕັ້ງຕົ້ນ ແລະ ສານເສບຕິດປະເພດຕ່າງໆ ໂດຍບໍ່ຖືກຕ້ອງຕາມລະບຽບກົດໝາຍ.

ພ້ອມທັງເຜີຍແຜ່ບົດໂອ້ລົມຂອງສະຫາຍ ພົນເອກ ຈັນສະໝອນ ຈັນຍາລາດ ກຳມະການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ຕໍ່ກອງປະຊຸມວຽກງານຈັດຕັ້ງ, ກໍ່ສ້າງພັກ-ພະນັກງານທົ່ວກອງທັບຄັ້ງທີ VI. ເປັນການສຶກສາອົບຮົມການເມືອງ-ແນວຄິດ ໃຫ້ແກ່ສະມາຊິກພັກ-ພະນັກງານ-ນັກຮົບ ພາຍໃນກົມກອງ ໃຫ້ມີຄວາມໜັກແໜ້ນ ສາມາດປະຕິບັດວຽກງານວິຊາສະເພາະໃນສະເພາະໜ້າ ແລະ ຍາວນານ, ຮັບໃຊ້ໜ້າທີ່ການເມືອງວຽກງານປ້ອງກັນຊາດ ໃນໄລຍະໃໝ່ໃຫ້ໄດ້ຮັບຜົນດີ.

• Facebook
• Twitter
• Line