ໃນຕອນບ່າຍຂອງວັນທີ 10 ຕຸລາ 2022 ຢູ່ຫ້ອງການບ້ານຫີນໂງ່ນ, ເມືອງວຽງທອງ, ແຂວງບໍບິຄໍາໄຊ ໄດ້ຈັດພິທີ ມອບ – ຮັບໃບຢັ້ງຢືນ ບ້ານໜັກແໜ້ນ – ເຂັ້ມແຂງ ໃຫ້ບ້ານຫີນໂງ່ນ ແລະ ບ້ານນາດີ ໂດຍເປັນກຽດເຂົ້າຮ່ວມຂອງ ທ່ານ ບົວພັນ ອິນຄໍາມະວົງ ຮອງເຈົ້າເມືອງວຽງທອງ ຜູ້ຊີ້ນໍາວຽກງານຂົງເຂດວັດທະນະທໍາ – ສັງຄົມ, ມີຫົວໜ້າຫ້ອງການພາຍໃນເມືອງ, ຄະນະບ້ານ, ການຈັດຕັ້ງບ້ານ ຕະຫຼອດຮອດພໍ່ແມ່ປະຊາຊົນພາຍໃນ 2 ບ້ານ ແລະ ແຂກຖືກເຊີນ ເຂົ້າຮ່ວມ.
ບ້ານຫີນໂງ່ນ ແລະ ບ້ານນາດີ ປະກອບມີ 409 ຄອບຄົວ, ຈໍານວນພົນ 1.935 ຄົນ, ຍິງ 954 ຄົນ, ມີ 2 ເຜົ່າຢູ່ຮ່ວມກັນ ຄື: ເຜົ່າລາວລຸ່ມ ແລະ ເຜົ່າມົ້ງ. ຜ່ານການປະເມີນຕົວຈິງຂອງຄະນະຮັບຜິດຊອບ ເຫັນວ່າ ສອງບ້ານນີ້ໄດ້ມີການປະຕິບັດຕາມພາລະບົດບາດ, ສິດ ແລະ ໜ້າທີ່ຂອງບ້ານໄດ້ຄົບຕາມ 10 ມາດຕະຖານທີກໍານົດໄວ້ ໂດຍສະເພາະແມ່ນວຽກງານຕາມ 5 ໜ່ວຍງານ, ມີການປະກອບບຸກຄະລາກອນຕາມລະບຽບ, ມີລະບຽບຄຸ້ມຄອງບໍລິຫານບ້ານ, ມີຫ້ອງການບ້ານຖາວອນ, ມີການປະຈໍາການຂອງອົງການປົກຄອງບ້ານປົກກະຕິ, ມີແຜນພັດທະນາຕາມມາດຕະຖານ, ມີລາຍຮັບສາມາດກຸ້ມລາຍຈ່າຍ, ມີການເຜີຍແຜ່ເຊື່ອມຊືມແນວທາງຂອງພັກ, ລະບຽບກົດໝາຍຂອງລັດ, ມີການຈົດທະບຽນການເກີດ 80% ຂຶ້ນໄປ, ປະຊາຊົນມີຄວາມເພີ່ງພໍໃຈການບໍລິການທີ່ດີຂອງອົງການປົກຄອງບ້ານ ແລະ ແຕ່ລະມາດຖານແມ່ນໄດ້ 80% ຂຶ້ນໄປ.
ຈາກນັ້ນ ທ່ານ ຄໍາກອງ ພົມມີໄຊ ຫົວໜ້າຫ້ອງການພາຍໃນເມືອງ ໄດ້ເປັນກຽດຂຶ້ນມອບໃບຢັ້ງຢືນໜັກແໜ້ນ – ເຂັ້ມແຂງໃຫ້ 2 ບ້ານດັ່ງກ່າວເພື່ອເປັນຫຼັກຖານ.
Users Today : 434
Users Yesterday : 409
This Month : 10697
This Year : 130734
Total Users : 516958
Who's Online : 5