ໃນຕອນເຊົ້າວັນທີ 4 ຕຸລາ 2022 ຢູ່ຫ້ອງປະຊຸມກຸ່ມເສດຖະກິດ ເມືອງປາກກະດິງ ແຂວງບໍລິຄຳໄຊ ໄດ້ມີພິທີເປີດຝຶກອົບຮົມ ວຽກງານແກ້ໄຂຂໍ້ຂັດແຍ່ງຂັ້ນບ້ານ 7 ບ້ານລຸ່ມເຂື່ອນໄຟຟ້ານ້ຳເທີນ 1, ໂດຍໄດ້ຮັບການສະໜັບສະໜູນຈາກບໍລິສັດ ພອນສັກກຸບ, ເປັນກຽດເຂົ້າຮ່ວມໂດຍທ່ານ ບຸນຍັງ ອຸ່ນຊຽງໃໝ່ ຮອງເຈົ້າເມືອງປາກກະດິງ, ທ່ານ ອຸທອນ ສິງຫາດວງປັນຍາ ຕາງໜ້າໂຄງການ RMU, ທ່ານ ວື່ທ່າວ ເພຍຫຼວງ ຫົວໜ້າຫ້ອງການຍຸຕິທຳເມືອງ, ມີຄະນະໜ່ວຍໄກ່ເກ່ຍຈາກ 7 ບ້ານ ລຸ່ມເຂື່ອນໄຟຟ້ານ້ຳເທີນ 1: ບ້ານໂພນຈະເລີນ, ປາກຊຸນ, ຫາດຊາຍຄຳ, ດອນໄຊ, ປາກປາງ, ປາກກະດິງເໜືອ ແລະ ບ້ານປາກກະດິງໄຕ້ ເຂົ້າຮ່ວມ.
ຕາມແຜນຝຶກອົບຮົມ ຈະໄດ້ດຳເນີນເປັນເວລາ 3 ວັນ ( 4 – 6 ຕຸລາ 2022 ) ເຊີ່ງຈະໄດ້ຮຽນຮູ້ກ່ຽວກັບສິດ, ໜ້າທີ່ ແລະ ພາລະບົດບາດ ຂອງຄະນະໜ່ວຍໄກ່ເກ່ຍແກ້ໄຂຂໍ້ຂັດແຍ່ງຂັ້ນບ້ານ, ຮຽນຮູ້ຫຼັກການ – ຂະບວນການ ແລະ ວິທີການດຳເນີນການແກ້ໄຂຄຳຮ້ອງທຸກ ຂອງໂຄງການເຂື່ອນໄຟຟ້ານ້ຳເທີນ 1 ແລະ ຮຽນຮູ້ກົດໝາຍຄອບຄົວ, ປະມວນກົດໝາຍແພ່ງ, ກົດໝາຍສິ່ງແວດລ້ອມ, ກົດໝາຍວ່າດ້ວຍປ່າໄມ້, ພ້ອມທັງຈະໄດ້ລົງເຮັດສາທິດປະຕິບັດຕົວຈິງຢູ່ຂັ້ນບ້ານ.
ການຝຶກອົບຮົມຄັ້ງນີ້ ກໍ່ເພື່ອກຳນົດຫຼັກການ, ລະບຽບການ ແລະ ມາດຕະການກ່ຽວກັບການຈັດຕັ້ງ ແລະ ການເຄື່ອນໄຫວຂອງຄະໜ່ວຍໄກ່ເກ່ຍແກ້ໄຂຂໍ້ຂັດແຍ່ງຂັ້ນບ້ານ, ແນໃສ່ເສີມຂະຫຍາຍຄວາມສາມັກຄີປອງດອງ ລະຫວ່າງປະຊາຊົນບັນດາເຜົ່າຢູ່ພາຍໃນບ້ານ, ຫຼຸດຜ່ອນຄະດີຂື້ນໄປຫາສານ, ປະກອບສ່ວນເຂົ້າໃນການປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຄວາມຍຸຕິທຳໃນສັງຄົມ.
Users Today : 1155
Users Yesterday : 494
This Month : 8996
This Year : 129033
Total Users : 515257
Who's Online : 21