ກອງປະຊຸມຜູ້ບໍລິຫານການສຶກສາທົ່ວເມືອງທ່າພະບາດ

ກອງປະຊຸມຜູ້ບໍລິຫານການສຶກສາທົ່ວເມືອງທ່າພະບາດ ປະຈໍາປີ 2022 ໄດ້ຈັດຂຶ້ນໃນລະຫວ່າງວັນທີ 20-21 ກັນຍາ 2022 ຢູ່ທີ່ຫ້ອງປະຊຸມຫ້ອງການສຶກສາທິການ ແລະ ກິລາເມືອງ ພາຍໃຕ້ການເປັນປະທານຂອງທ່ານ ໂສພາ ບານທະວົງ ຮອງຫົວໜ້າຫ້ອງການສຶກສາທິການ ແລະ ກິລາເມືອງ ເປັນກຽດເຂົ້າຮ່ວມ ທ່ານ ພູວົງ ພີມມະສອນ ຮອງເລຂາເມືອງທ່າພະບາດ ແລະ ທ່ານ ສີທາ ແກ້ວດາລາວົງ ຮອງພະແນກສຶກສາທິການ ແລະ ກິລາແຂວງ ອໍານວຍການໂຮງຮຽນທຸກຂັ້ນພາຍໃນເມືອງເຂົ້າຮ່ວມ.

ກອງປະຊຸມ ໄດ້ສະຫຼຸບຕີລາຄາການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ສົກຮຽນ 2020-2021 ພ້ອມທັ່ງເປັນການຕິດຕາມຄວາມຄືບໜ້າໃນການຈັດຕັ້ງປະຕິບັດແຜນພັດທະນາການສຶກສາ 5 ປີ ຄັ້ງທີ IX (2021-2025) ທີ່ກອງປະຊຸມຍັງໄດ້ຜ່ານບົດສະຫຼຸບຜົນສໍາເລັດການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ໃນ 1 ປີຜ່ານມາ ເຊິ່ງໄດ້ຍົກໃຫ້ເຫັນຜົນສໍາເລັດດ້ານດີຫຼາຍດ້ານ, ດ້ານອ່ອນຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້ ແລະ ໄດ້ກໍານົດທິດທາງແຜນພັດທະນາການສຶກສາ ແລະ ກິລາ ປະຈໍາສົກຮຽນປີ 2022-2023 ແລະ ປີຜ່ານມາການຈັດຕັ້ງປະຕິບັດ ແຜນພັດທະນາຂະແໜງ ການສຶກສາ ແລະ ກິລາ ສາມາດບັນລຸຕາມແຜນໄດ້ 10 ຄາດໝາຍ ແລະ ບໍ່ສາມາດບັນລຸໄດ້ 4 ຄາດໝາຍ ແລະ ອີກ 1 ຄາດໝາຍ ຍັງບໍ່ມີຄວາມຄືບໜ້າ ແລະ ເຫັນໄດ້ວ່າອັດຕາປະລະການຮຽນ ແລະ ອັດຕາການເຂົ້າຮຽນຂອງນັກຮຽນຍັງບໍບັນລຸຄາດໝາຍ ເຫັນໄດ້ຜົນຂອງການຮຽນ ພາສາລາວ ແລະ ຄະນິດສາດ ຂອງນັກຮຽນຊັ້ນປະຖົມ ແລະ ມັດທະຍົມຈຳນວນໜື່ງຍັງຕ່ຳ ແລະ ຍັງໄດ້ຜ່ານບູລິມີສິດຄາດໝາຍຫຼັກສຳລັບສຳລັບສົກຮຽນ 2022 – 2023.

ນອກຈາກນີ້, ຜູ້ເຂົ້າຮ່ວມກອງປະຊຸມ ສະເໜີ, ລາຍງານ ແລກປ່ຽນປະກອບຄໍາຄິດຄໍາເຫັນ ໃສ່ບົດສະຫຼຸບ ແລະ ທິດທາງແຜນການຢ່າງກົງໄປກົງມາໂດຍຍົກເອົາບັນຫາຍຸງຍາກ ທີ່ພົບເຫັນໂຕຈິ່ງປຶສາຫາລືແລກປ່ຽນບົດຮຽນນຳກັນ ແລະ ລາຍງານຄຳຖາມເຈາະຈີ້ມຕາມການມອບໝາຍ ເປັນຕົ້ນແມ່ນການບຳລຸງ ນັກຮຽນອ່ອນ ທີ່ອ່ານບໍອອກ, ຂຽນບໍເປັນ ແລະ ບັນຫາຄູອາຈານບໍ່ແຕ່ງບົດສອນ, ການສະກັດກັ້ນ, ວິທີແກ້ໄຂປາກົດການຫຍໍ້ທໍ້ທີ່ຈະເກີດຂື້ນ.

• Facebook
• Twitter
• Line