ໃນວັນທີ 9 ກັນຍາ 2022 ຢູ່ຫ້ອງວ່າການເມືອງທ່າພະບາດ ແຂວງບໍລິຄຳໄຊ ໄດ້ຈັດພິທີປາຖະກະຖາ ເລົ່າຄືນມູນເຊື້ອແຫ່ງການເຕີບໃຫຍ່ຂະຫຍາຍຕົວຂອງ ສະຫະພັນນັກຮົບເກົ່າແຫ່ງຊາດລາວ ຕະຫຼອດໄລຍະ 20 ປີ ໃຕ້ຮົ່ມທຸງຂອງພັກ ໃຫ້ກຽດເຂົ້າຮ່ວມໂດຍ ທ່ານ ພັອ ອຸ່ນເຮືອນ ສີຈັນເດືອນ ຮອງປະທານກວດກາສະຫະພັນນັກຮົບເກົ່າແຂວງບໍລິຄໍາໄຊ ແລະ ທ່ານ ພັທ ຄໍາປ້ອງ ທິດພະຈັນ ປະທານສະຫະພັນນັກຮົບເກົ່າເມືອງ, ມີຄະນະປະທານສະຫະພັນນັກຮົບເກົ່າເມືອງ, ພະນັກງານ – ລັດຖະກອນ, ກໍາລັງ ປກຊ – ປກສ ຕະຫຼອດຮອດຖັນແຖວນັກຮົບເກົ່າພາຍໃນເມືອງ ເຂົ້າຮ່ວມ.
ໃນພິທີ ໄດ້ຮັບຟັງມູນເຊື້ອແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວຂອງ ສະຫະພັນນັກຮົບເກົ່າແຫ່ງຊາດລາວ ໃຕ້ຮົ່ມທຸງຂອງພັກ ເຊິ່ງເນື້ອໃນຍົກໃຫ້ເຫັນ ທາດແທ້ ແລະ ຜົນງານອັນພົ້ນເດັ່ນໃນການເຄື່ອນໄຫວປະກອບສ່ວນໃນພາລະກິດການປະຕິວັດຊາດ ປະຊາທິປະໄຕ, ປົກປັກຮັກສາ ແລະ ພັດທະນາປະເທດຊາດ, ໃນຕະຫຼອດໄລຍະ 20 ປີ ນັບແຕ່ກົມການເມືອງສູນກາງພັກ ໄດ້ອອກມະຕິສະບັບເລກທີ 68/ກມສພ ລົງວັນທີ 9 ກັນຍາ 2002 ວ່າດ້ວຍການສ້າງຕັ້ງ ສະຫະພັນນັກຮົມເກົ່າແຫ່ງຊາດ ພາຍໃຕ້ການນໍາພາ – ຊີ້ນໍາຂອງຄະນະບໍລິຫານງານສູນກາງພັກ ແລະ ກົມການເມືອງສູນກາງພັກ ໂດຍເຄື່ອນໄຫວພາຍໃຕ້ລັດຖະທໍາມະນູນ ແລະ ກົດໝາຍແຫ່ງ ສ ປ ປ ລາວ, ສະຫະພັນນັກຮົບເກົ່າ ໄດ້ຮັບການປັບປຸງ ແລະ ພັດທະນາໃນຫຼາຍດ້ານ ໃຫ້ມີການເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ ສາມາດເຄື່ອນໄຫວປະຕິບັດພາລະບົດບາດຂອງຕົນໃນແຕ່ລະໄລຍະໄດ້ເປັນຢ່າງດີິ, ເອົາໃຈໃສ່ປຸກລະດົມ, ຂົນຂວາຍ, ເຕົ້າໂຮມຄວາມສາມັກຄີ, ຈັດຕັ້ງ ແລະ ສຶກສາອົບຮົມຖັນແຖວນັກຮົບເກົ່າໃຫ້ຮັກສາທາດແທ້ມູນເຊື້ອອັນດີງາມຂອງການປະຕິວັດ, ປົກປ້ອງສິດຜົນປະໂຫຍດອັນຊອບທໍາຂອງນັກຮົບເກົ່າ ແລະ ປະຊາຊົນບັນດາເຜົ່າໃນຂອບເຂດທົ່ວປະເທດ.
ນອກນີ້ ໃນພິທີ ຍັງໄດ້ຮັບຟັງການເຜີຍແຜ່ກົດລະບຽບຂອງສະຫະພັນນັກຮົບເກົ່າລາວ ສະໄໝທີ 4 ແລະ ໄດຮັບຟັງການຜ່ານບົດສະຫຼຸບການເຄື່ອນໄຫວຂອງສະຫະພັນນັກຮົບເກົ່າເມືອງ ໃນໄລຍະ 2 ປີ 6 ເດືອນ ຜ່ານມາ ແລະ ພ້ອມທັງໄດ້ວາງທິດທາງແຜນການຂອງສະຫະພັນນັກຮົບເກົ່າເມືອງ ໃນຕໍ່ໜ້າ.
Users Today : 1209
Users Yesterday : 494
This Month : 9050
This Year : 129087
Total Users : 515311
Who's Online : 46