ໃນວັນທີ 7 ກັນຍາ 2022 ຢູ່ຫ້ອງປະຊຸມພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ທ່ານ ນາງ ບົວມະນີ ໄຊທິລາດ ກຳມະການພັກກະຊວງ ຫົວໜ້າກົມກວດກາ ກະຊວງ ຖວທ ພ້ອມຄະນະ ໄດ້ລົງມາເຄື່ອນໄຫວເຮັດວຽກຢູແຂວງບໍລິຄໍໄຊ, ໃຫ້ກຽດຕ້ອນຮັບໂດຍ ທ່ານ ພູວັນ ໄຊຍະສານ ຄະນະພັກພະແນກ ຮອງຫົວໜ້າພະແນກ ຖວທ ແຂວງບໍລິຄໍາໄຊ, ມີຂະແໜງການ, ກອງວິຊາການ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໂອກາດນີ້ ທ່ານຫົວໜ້າກົມ ພ້ອມຄະນະ ໄດ້ຮັບຟັງການລາຍງານຫຍໍ້ ກ່ຽວກັບວຽກງານທີ່ພົ້ນເດັ່ນໃນໄລຍະຜ່ານມາ ເຫັນວ່າ ຫຼາຍວຽກງານໄດ້ຮັບການຈັດຕັ້ງປະຕິບັດ ດ້ວຍຄວາມເອົາໃຈໃສ່ສູງ ແລະ ສໍາເລັດຕາມແຜນການທີ່ວາງໄວ້ ໂດຍສະເພາະແມ່ນການສຸ່ມໃສຄຸ້ມຄອງວຽກງານສື່ມວນຊົນ, ການສົ່ງເສີມວັດທະນະທຳ, ການຄຸ້ມຄອງ ແລະ ການປະຕິບັດນິຕິກໍາຕ່າງໆທີ່ກ່ຽວຂ້ອງ, ການຄຸ້ມຄອງສະຖານທີ່ບັນເທີງ ແລະ ອື່ນໆ, ໃນປີ 2022 ມີນັກທ່ອງທ່ຽວເຂົ້າແຂວງທັງໝົດ 15.254 ເທື່ອຄົນ, ສ້າງຄອບຄົວວັດທະນະທຳໄດ້ 262 ຄອບຄົວ, ບ້ານວັດທະນະທຳໄດ້ 3 ບ້ານ ເທົ່າກັບ 75%, ພ້ອມນັ້ນ ວຽກງານຕິດຕາມກວດກາການຈັດຕັ້ງ, ການເຄື່ອນໄຫວຂອງພະແນກ, ການປັບປຸງກົງຈັກການຈັດຕັ້ງ, ການກໍານົດພາລະບົດບາດ, ຕິດຕາມກວດກາ ການແກ້ໄຂປະກົດການຫຍໍ້ທໍ້ ກໍ່ໄດ້ຮັບການປັບປຸງແກ້ໄຂ ແລະ ພັດທະນາໃຫ້ດີຂຶ້ນເທື່ອລະກ້າວ.
ຫຼັງຈາກນັ້ນ ຍັງໄດ້ມີການສະເໜີລາຍງານ, ແລກປ່ຽນບົດຮຽນເຊີ່ງກັນ ແລະ ກັນ ໃນຫຼາຍວຽກງານສໍາຄັນ ເປັນຕົ້ນແມ່ນ ການເພີ່ມທະວີດືງດູດການທ່ອງທ່ຽວ ພາຍຫຼັງເປີດປະເທດ, ການຄຸ້ມຄອງປັບປຸງກົງຈັກການຈັດຕັ້ງ ໃຫ້ສອດຄ່ອງ ແລະ ແທດເໝາະກັບຕົວຈີງ, ການພັດທະນາຍົກລະດັບກອງທຶນການທ່ອງທ່ຽວ ແລະ ການສຸມໃສ່ປະຕິບັດດານນິຕິກໍາໃຫ້ໄດ້ຮັບຜົນດີ.
Users Today : 1212
Users Yesterday : 494
This Month : 9053
This Year : 129090
Total Users : 515314
Who's Online : 41