ດ່ານສາກົນນ້ຳພາວ ອວຍພອນວັນຊາດ ສສ ຫວຽດນາມ

ໃນວັນທີ 02 ກັນຍາ 2022 ຢູ່ທີ່ດ່ານສາກົນເກົ່າແຈວ ທ່ານ ພັທ ປອ ຄຳຜັນ ບຸນມີໄຊ ຫົວໜ້າຄຸ້ມຄອງດ່ານຊາຍແດນສາກົນນ້ຳພາວ ໄດ້ນຳພາຄະນະນຳແຕ່ລະຂະແໜງການພາຍໃນດ່ານ ເຂົ້າອວຍພອນສະຫາຍ ຟານດັງລອງ ຮອງຫົວໜ້າຄະນະຄຸ້ມຄອງເສດຖະກິດແຂວງ, ຄະນະຄຸ້ມຄອງດ່ານສາກົນເກົ່າແຈວພ້ອມຄະນະ ເນື່ອງໃນໂອກາດ ສະເຫຼີມສະຫລອງວັນຊາດ ສສ ຫວຽດນາມ ຄົບຮອບ 77 ປີ ( 2/9/1945 ຫາ 2/9/2022).

ປີ 2022 ເປັນປີທີ່ມີຄວາມໝາຍຄວາມສຳຄັນທີ່ 2 ພັກ 2 ລັດ ກໍ່ຄືປະຊາຊົນບັນດາເຜົ່າ ລາວ – ຫວຽດນາມ ພ້ອມກັນສະເຫຼີມສະຫຼອງ 2 ວັນປະຫວັດສາດສຳຄັນ ຄື: ວັນສ້າງຕັ້ງສາຍພົວພັນການທູດ ລາວ – ຫວຽດນາມ ຄົບຮອບ 60 ປີ ( 5/9/1962 – 5/9/2022 ) ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ – ຫວຽດນາມ ຄົບຮອບ 45 ປີ ( 18/7/1977 – 18/7/2022 ) ສະແດງເຖີງຈິດໃຈ ແລະ ຄວາມສາມັກຄີອັນຍີ່ງໃຫຍ່ ທີ່ບໍ່ມີສີ່ງໃດຈະສົມທຽບໄດ້.

ອວຍພອນໃຫ້ສາຍພົວພັນສາມັກຄີ ລາວ – ຫວຽດນາມ, ຫວຽດນາມ – ລາວ ຈົ່ງໝັ້ນຄົງທະນົງແກ່ນ ແລະ ສວຍສົດງົດງາມຕະຫຼອດໄປ.

• Facebook
• Twitter
• Line