ໃນວັນທີ 1 ກັນຍາ 2022 ຢູ່ຫ້ອງປະຊຸມຫ້ອງວ່າການເມືອງປາກກະດິງ ໄດ້ຈັດພິທີ ມອບ – ໂອນ ວຽກງານຊັບສິນທາງປັນຍາ ມາດຕະຖານ ແລະ ວັດແທກ ລະຫວ່າງພະແນກອຸດສາຫະກຳ – ການຄ້າ ແຂວງບໍລິຄຳໄຊ ແລະ ຫ້ອງການອຸດສາຫະກຳ – ການຄ້າ ເມືອງປາກກະດິງ ເປັນກຽດເຂົ້າຮ່ວມ ແລະ ເຊັນບົດບັນທຶກ ໂດຍທ່ານ ສິງຄຳ ສຸວັນຄຳ ຮອງຫົວໜ້າພະແນກອຸດສາຫະກຳ ແລະ ການຄ້າແຂວງ ແລະ ທ່ານ ພົງສະຫວັດ ຄຳສຸກຖາວົງ ຮອງເຈົ້າເມືອງປາກກະດິງ ຜູ້ຊີ້ນຳວຽກງານເສດຖະກິດ, ມີຕາງຫນ້າບາງຫ້ອງການອ້ອມຂ້າງເມືອງ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
ໃນພິທີ, ພາກສ່ວນທີ່ກ່ຽວຂ້ອງ ໄດ້ພັດປ່ຽນກັນເຜີຍແຜ່ເອກະສານແບ່ງຂັ້ນຄຸ້ມຄອງວຽກງານຊັບສິນທາງປັນຍາ, ມາດຕະຖານ ແລະ ວັດແທກ, ພ້ອມທັງເຜີຍແຜ່ເອກະສານ ໃຫ້ຄວາມຮູ້ພື້ນຖານກ່ຽວກັບການກວດສອບຫົວຈ່າຍນ້ຳມັນເຊື້ອໄຟ ແລະ ຊິງຊັ່ງທົ່ວໄປ ໂດຍແນໃສ່ເຮັດໃຫ້ພະນັກງານອຸດສາຫະກຳ ແລະ ການຄ້າຂັ້ນເມືອງ ມີຄວາມເຂົ້າໃຈເລິກເຊິ່ງຕໍ່ສິດ ແລະ ໜ້າທີ່ຕາມຂອບເຂດຄວາມຮັບຜິດຊອບຂອງຕົນ ເຮັດໃຫ້ການປະຕິບັດໜ້າທີ່ວຽກງານໃນຕໍ່ໜ້າສອດຄ່ອງກັບຄວາມເປັນຈິງ ແລະ ໄດ້ຮັບຜົນດີ.
Users Today : 1208
Users Yesterday : 494
This Month : 9049
This Year : 129086
Total Users : 515310
Who's Online : 39