ເພື່ອເປັນການຊຸກຍູ້ການເຄື່ອນໄຫວໜ້າທີ່ວຽກງານຂອງຫ້ອງການ ອຸດສາຫະກໍາ ແລະ ການຄ້າເມືອງ ໃຫ້ໄປຕາມພາລະບົດບາດ ຂອບເຂດສິດ ແລະ ໜ້າທີ່ຂອງຕົນ ຮັບປະກັນໃຫ້ສໍາເລັດໜ້າທີ່ ຂອງຂັ້ນເທິງມອບໝາຍ, ໃນວັນທີ 1 ກັນຍາ 2020 ຢູ່ຫ້ອງການສາທາລະນາສຸກ ເມືອງທ່າພະບາດ ແຂວງບໍລິຄຳໄຊ ໄດ້ຈັດກອງປະຊຸມຊຸກຍູ້ການຈັດຕັ້ງປະຕິບັດໜ້າທີ່ວຽກງານອຸດສາຫະກໍາ ແລະ ການຄ້າ ເມືອງ ໂດຍການເປັນປະທານຮ່ວມຂອງທ່ານ ໄກ່ສອນ ຈັນສີນາ ຫົວໜ້າພະແນກອຸດສາຫະກໍາ ແລະ ການຄ້າແຂວງ, ທ່ານ ບຸນເພັງ ຈັນທະວົງສຸກ ຮອງເຈົ້າເມືອງທ່າພະບາດ, ມີບັນດາຂະແໜງການທີ່ກ່ຽວຂ້ອງຈາກແຂວງ ແລະ ຄະນະກໍາມະການຄຸ້ມຄອງຂັ້ນເມືອງ ເຂົ້າຮ່ວມ.
ກອງປະຊຸມ ໄດ້ຮັບຟັງລາຍງານການເຄື່ອນໄຫວ ຈັດຕັ້ງປະຕິບັດວຽກງານຂອງຫ້ອງການອຸດສາຫະກໍາ ແລະ ການຄ້າໂດຍຫຍໍ້ໃນໄລຍະຜ່ານມາ ພ້ອມທັງທົບທວນຄືນ ການຕິດຕາມ, ການຊຸກຍູ້ການຈັດຕັ້ງປະຕິບັດ ແລະ ການເຄື່ອນໄຫວຂອງຄະນະກໍາມະການຕ່າງໆ ທີ່ກ່ຽວຂ້ອງກັບວຽກງານອຸດສາຫະກໍາ ແລະ ການຄ້າຂັ້ນເມືອງ ເປັນຕົ້ນແມ່ນ ການຄຸ້ມຄອງລາຄາສິນຄ້າ, ການຄຸ້ມຄອງຕະຫຼາດ, ການປົກປ້ອງຜູ້ຊົມໃຊ້, ການຊຸກຍູ້ການເຂົ້າຫາແຫຼງທຶນ SME ແລະ ການຊຸກຍູ້ວຽກງານໂອດ໋ອບ , ຜູ້ເຂົ້າຮ່ວມກອງປະຊຸມຍັງໄດ້ຄົ້ນຄ້ວາ, ປຶກສາຫາລື ແລະ ປະກອບຄໍາເຫັນ ພ້ອມທັງນໍາເອົາເນື້ອໃນຈິດໃຈໃນກອງປະຊຸມຄັ້ງນີ້ໄປຈັດຕັ້ງປະຕິບັດໃນຕໍ່ໜ້າໃຫ້ເກີດດອກອອກຜົນ.
Users Today : 876
Users Yesterday : 494
This Month : 8717
This Year : 128754
Total Users : 514978
Who's Online : 100