ກອງປະຊຸມປຶກສາຫາລືການສ້າງຕັ້ງຄະນະກຳມະການຄຸ້ມຄອງດິນບໍລິເວນນ້ຳຫ້ວຍປຶງ ໄດ້ຈັດຂຶ້ນໃນວັນທີ 26 ສິງຫາ 2022 ຢູ່ໂຮງແຮມດອກຈໍາປາ ບ້ານອານຸສອນໄຊ ເມືອງປາກຊັນ ເປັນປະທານໂດຍ ທ່ານ ສົມສະຫງວນ ສຸວັນນະລາດ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງບໍລິຄຳໄຊ ມີຄະນະກຳມະການຄຸ້ມຄອງດິນບໍລິເວນນ້ຳຫ້ວຍປຶງ, ພະແນກການ, ເມືອງ, ຄະນະປານສານງານຂອງບ້ານເປົ້າໝາຍ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນກອງປະຊຸມໄດ້ຮັບຟັງການນໍາສະເໜີແຜນຈັດຕັ້ງປະຕິບັດໂຄງການປະຈໍາປີ 2022, ແຜນບູລະມະສິດ ໄຕມາດ 3 ແລະ 4 ຂອງແຂວງບໍລິຄຳໄຊ ທີ່ໄດ້ຍົກຫຼາຍວຽກງານສຳຄັນ ໂດຍສະເພາະແມ່ນແຜນການສ້າງຕັ້ງຄະນະວິຊາການ ແລະ ຄະນະປະຕິບັດງານດ້ານກົນໄກສ້າງແຜນຍຸດທະສາດ, ການຈັດການດິນບໍລິເວນນ້ຳໜອງປືງ, ແຜນສຳຫຼວດຂອບເຂດອ່າງ, ຂອບເຂດນ້ຳ, ການປັກຫຼັກໝາຍ, ອານາໄມສິ່ງເສດເຫຼືອ ແລະ ຕະກອນ, ອານາໄມຫ້ວຍໜອງທຳມະຊາດ ແລະ ແຜນຄັດເລືອກພື້ນ ເພື່ອທົດລອງຕິດຕັ້ງວັດສະດຸນ້ຳຊືມຜ່ານໃນເຂດສາທາລະນະ ເພື່ອປະກອບສ່ວນຫຼຸດຜ່ອນນ້ຳຖ້ວມເມືອງປາກຊັນ, ພ້ອມນັ້ນຍັງ ຍົກໃຫ້ເຫັນມາດຖານ ແລະ ເງື່ອນໄຂ ຂອງຄະນະກໍາມະການຄຸ້ມຄອງ ດິນ ແລະ ຄະນະແກ້ໄຂຂໍ້ຂັດແຍ່ງຂັ້ນບ້ານ ແລະ ຮ່າງພາລະບົດບາດ, ສິດ ແລະ ໜ້າທີ່ຂອງຄະນະກໍາມະການຄຸ້ມຄອງດິນ ບໍລິເວນນໍ້າຫ້ວຍປຶງ ແລະ ຄະນະແກ້ໄຂຂໍ້ຂັດແຍ່ງຂັ້ນບ້ານ.
ພ້ອມນັ້ນຍັງໄດ້ຮັບຟັງການສະເໜີກ່ຽວກັບວຽກງານຄຸ້ມຄອງໂຄງການສ້າງຄວາມທົນທານໃຫ້ປະຊາກອນໃນຕົວເມືອງ ເພື່ອປັບໂຕເຂົ້າກັບການປ່ຽນແປງດິນຟ້າອາກາດ ໂດຍນໍາໃຊ້ທ່າແຮງ ແລະ ນໍາໃຊ້ລະບົບນິເວດ, ແນວຄວາມຄິດໃນການສ້າງຕັ້ງຄະນະກໍາມະການຄຸ້ມຄອງດິນບໍລິເວນນ້ຳຫ້ວຍປຶງ, ບົດບາດຍິງ-ຊາຍ ໃນການມີສ່ວນຮ່ວມກັບວຽກງານໂຄງການ, ຮ່າງພາລະບົດບາດ, ສິດ ແລະ ໜ້າທີ່ຄວາມຮັບຜິດຊອບຂອງຄະນະກຳມະການຄຸ້ມຄອງດິນບໍລິເວນນ້ຳຫ້ວຍປຶງ ແລະ ຄະນະແກ້ໄຂຂໍ້ຂັດແຍ່ງຂັ້ນບ້ານ.
ຫຼັງຈາກນັ້ນຍັງໄດ້ມີການສະເໜີ, ແລກປ່ຽນບົດຮຽນໃນຫຼາຍບັນຫາສຳຄັນ ເປັນຕົ້ນແມ່ນການປັບປຸງຄະນະກໍາມະການຄຸ້ມຄອງດິນ ບໍລິເວນນ້ຳຫ້ວຍປຶງ ຂັ້ນແຂວງ, ເມືອງ ແລະ ບ້ານ ໃຫ້ຄົບຖ້ວນເໝາະສົມ, ສິ່ງທ້າທາຍ ໃນການຈັດຕັ້ງປະຕິບັດໃນຕໍ່ໜ້າ, ການສ້າງກິດຈະກຳປີ່ນອ້ອມຂອງໂຄງການ ໃຫ້ມີຄວາມຍືນຍົງ, ການປຸກລະດົມ ການມີສ່ວນຮ່ວມຂອງທຸກພາກສ່ວນໃນສັງຄົມ ແລະ ວຽກງານອື່ນໆ ທັງນີ້ກໍ່ເພື່ອເຮັດໃຫ້ໂຄງການຄຸ້ມຄອງດິນບໍລິເວນນ້ຳຫ້ວຍປຶງ ໄດ້ຮັບການຈັດຕັ້ງປະຕິບັດດ້ວຍຜົນສຳເລັດ ແລະ ໄດ້ຮັບໝາກຜົນສູງສຸດ.
Users Today : 1197
Users Yesterday : 494
This Month : 9038
This Year : 129075
Total Users : 515299
Who's Online : 9