ກອງປະຊຸມທາບທາມຮ່າງບົດສະຫຼຸບວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດຮອບດ້ານ ແລະ ວຽກງານ 3 ສ້າງ ຄັ້ງວັນທີ 25-26 ສິງຫາ 2022 ພາຍໃຕ້ການເປັນປະທານຂອງ ທ່ານ ເພັດ ພົມພິພັກ ກຳມະການສູນກາງພັກ, ລັດຖະມົນຕີກະຊວງກະສິກຳ ແລະ ປ່າໄມ້ ທ່ານ ອານຸພາບ ຕູນາລົມ ຄະນະເລຂາທິການສູນກາງພັກ, ເລຂາຄະນະພັກນະຄອນຫຼວງວຽງຈັນ, ແລະ ທ່ານ ປອ ກອງແກ້ວ ໄຊສົງຄາມ ກໍາມະການສູນກ່ງພັກ ເລຂາພັກແຂວງ ເຈົ້າແຂວງບໍລິຄຳໄຊ ມີບັນດາສະຫາຍຜູ້ແທນ ແລະ ຄະນະຮັບຜິດຊອບ ຈາກສູນກາງ, ນະຄອນຫຼວງວຽງຈັນ, ແຂວງວຽງຈັນ, ໄຊສົມບູນ, ຊຽງຂວາງ, ຫົວພັນ ແລະ ແຂວງບໍລິຄຳໄຊ ເຂົ້າຮ່ວມ.
ໃນກອງປະຊຸມ ໄດ້ຮັບຟັງການຕີລາຄາການຈັດຕັັ້ງປະຕິບັດວຽກງານກໍ່ສ້າງຮາກຖານການເມືອງ ຕິດພັນກັບວຽກງານພັດທະນາຊົນນະບົດຮອບດັ້ານ ແກ້ໄຂຄວາມທຼຸກຍາກ ແລະວຽກງານ 3 ສັ້າງ ໃນໄລຍະຜ່ານມາ (2016 – 2021) ເຫັນວ່າຜ່ານການຈັດຕັ້ງປະຕິບັດຕົວຈິງ ຢ່າງເປັນລະບົບຕໍ່ເນື່ອງ, ມີລັກສະນະກວມລວມ ແລະ ມີຈຸດສຸມ ຮາກຖານການເມືອງຢູ່ແຕ່ລະບ່ອນ ໄດ້ຮັບການປັບປຸງ, ມີຖ່ວງທ່າບາດກ້າວທັນສະໄໝ ຢ່າງຮອບດ້ານ ຕາມທິດທາງ ແລະ ຈຸດປະສົງລະດັບຄາດໝາຍທີ່ວາງໄວ້ ໂດຍໄດ້ສຸມໃສ່ວຽກງານກໍ່ສ້າງຮາກຖານການເມືອງ ຍົກສູງດ້ານການເມືອງ-ແນວຄິດ, ປັງປຸງລະບົບການເມືອງ, ວຽກງານປ້ອງກັນຊາດ-ປ້ອງກັນຄວາມສະຫງົບ, ເອົາໃຈໃສ່ວຽກງານດ້ານວັດທະນະທຳ-ສັງຄົມ, ວຽກງານການພັດທະນາຊົນນະບົດ ແລະ ແກ້ໄຂຄວາມທຸກຍາກ
ໄດ້ຮັບການຈັດຕັ້ງປະຕິບັດ, ພັດທະນາ ຢ່າງແຂງແຮງ, ຕາມດຳລັດສະບັບເລກທີ 348/ລບ ໃນປີ 2021 ມີເມືອງບັນລຸມາດຕະຖານພົ້ນທຸກ 55 ເມືອງ, ບ້ານພົ້ນທຸກ 5.030 ບ້ານ, ຄອບຄົວພົ້ນທຸກ 985.053 ຄອບຄົວ, ບ້ານພັດທະນາ 1.009 ບ້ານ ແລະ ຄົວຄົວພັດທະນາ 761.294 ຄອບຄົວ, ວຽກງານ 3 ສ້າງ ຕາມຂໍ້ມູນປີ 2020 ບັນລຸການສ້າງແຂວງເປັນຫົວໜ່ວຍຍຸດທະສາດ ມີ 1 ນະຄອນຫຼວງ, 2 ແຂວງ, ບັນລຸການສ້າງເມືອງເປັນຫົວໜ່ວຍເຂັ້່ມແຂງຮອບດ້ານ ມີ 3 ນະຄອນ, 16 ເມືອງ ແລະ ບັນລຸການສ້າງບ້ານເປັນຫົວໜ່ວຍພັດທະນາ 3.038 ບ້ານ.
ພ້ອມນັ້ນຍັງໄດ້ຮັບຟັງຮ່າງບົດສະຫຼຸບການຈັດຕັ້ງປະຕິບັດຂະບວນການແຂ່ງຂັນຮັກຊາດ, ສ້າງບ້ານພັດທະນາ ແລະ ຜັນຂະຫຍາຍວຽກງານ 3 ສ້າງ ເຂົ້າສູ່ລວງເລິກ ທີ່ໄດຍົກໃຫ້ເຫັນສະພາບລວມໃນແຕ່ລະໄລ້ຍະ ແລະ ຜົນສໍາເລັດຂອງການຈັດຕັ້ງປະຕິບັດ, ຕີລາຄາດ້ານດີ, ດ້ານອ່ອນຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້. ຫຼັງຈາກນັ້ນຜູ້ແທນກອງປະຊຸມຍັງໄດ້ຜັດປ່ຽນກັນສະເໜີ, ລາຍງານ ແລະ ປະກອບຄໍາຄິດເຫັນ ໃນບາງບັນຫາສໍາຄັນ ເປັນຕົ້ນແມ່ນທິດທາງການຈັດຕັ້ງປະຕິບັດໃນຕໍ່ໜ້າ ເພື່ອຍົກລະດັບບັນດາວຽກງານໃຫ້ດີຂຶ້ນ, ການພັດທະນາ່ຄວາມຮູ້ຄວາມສາມາດໃຫ້ພະນັກງານກໍ່ສ້າງຮາກຖານ, ການສ້າງພື້ນຖານໂຄງລ່າງໃຫ້ເຂດຊົນນະບົດ, ສ້າງພັດທະນາ, ຍົກລະດັບຊີວິດການເປັນຢູ່ຂອງພໍ່ແມ່ປະຊາຊົນ ເຮັດຫຼຸດຊ່ອງຫວ່າງຂອງຕົວເມືອງ ແລະ ຊົນນະບົດ, ການປັບປຸງກົງຈັກການຈັດໃຫ້ຢູ່ຂັ້ນທ້ອງຖິນໃຫ້ມີຄວາມເໝາະສົມກັບສະພາບຄວາມເປັນຈິງ ແລະ ວຽກງານອື່ນໆ.
Users Today : 1211
Users Yesterday : 494
This Month : 9052
This Year : 129089
Total Users : 515313
Who's Online : 42