ພິທີສະເຫຼີມສະຫຼອງປີສາມັກຄີ ລາວ-ຫວຽດນາມ 2022 ວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 45 ປີ ( 18/7/1997-18/7/2022 ) ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ (05/09/1962-05/09/2022) ຢູ່ເມືອງຄຳເກີດ ແຂວງ ບໍລິຄຳໄຊ ໄດ້ຈັດຂື້ນໃນຕອນເຊົ້າຂອງວັນທີ 19 ສິງຫາ 2022 ຢູ່ອາຄານແກ້ວມີໄຊ ໂດຍເປັນກຽດຫວນຄືນ 2 ວັນສຳຄັນຂອງທ່ານ ເພັດສະໄໝ ໄຊຍະທິຈັກ ກຳມະການພັກແຂວງ ເລຂາພັກເມືອງ ເຈົ້າເມືອງ ຄຳເກີດ, ມີຄະນະບໍລິຫານງານພັກເມືອງ, ກຳລັງປ້ອງກັນຊາດ – ປ້ອງກັນຄວາມສະຫງົບຂັ້ນເມືອງ ແຂກຖືກເຊີນຈາກທະຫານຊາຍແດນຫວຽດນາມ, ອຳນາດການປົກຄອງຂັ້ນບ້ານ 62 ບ້ານ ພ້ອມດ້ວຍພະນັກງານຈາກຂະແໜງການຫ້ອງການອ້ອມຂ້າງເມືອງ ແລະ ຄະນະສະມາຄົມຫວຽດນາມທີ່ປະກອບການທຸລະກິດຢູ່ເມືອງເຂົ້າຮ່ວມ.
ທ່ານ ເພັດສະໄໝ ໄຊຍະທິຈັກ ໄດ້ຍົກໃຫ້ເຫັນເນື້ອໃນ ຄວາມໝາຍສໍາຄັນຂອງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ, ປະຫວັດສາດແຫ່ງການຕໍ່ສູ້ຂອງປະຊາຊົນສອງປະເທດ ໄລຍະປົກປັກຮັກສາ ແລະ ສ້າງສາພັດທະນາປະເທດຊາດ (1975 ເຖິງປະຈຸບັນ) 45 ປີ ແຫ່ງການປະຕິບັດສົນທິສັນຍາມິດຕະພາບ ແລະ ການຮ່ວມມືຮອບດ້ານ ລາວ-ຫວຽດນາມ,ສືບຕໍ່ເສີມຂະຫຍາຍມູນເຊື້ອສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ.ເຊີ່ງເນື້ອໃນບາງຕອນ ທ່ານໄດ້ຍົກ ໃຫ້ເຫັນແຈ້ງ ສາຍພົວພັນ, ຄວາມສາມັກຄີພິເສດ,ການຮ່ວມມືຮອບດ້ານລະຫວ່າງ ລາວ-ຫວຽດນາມ ບໍ່ແມ່ນເກີດຂຶ້ນເອງ, ແຕ່ຫາກເກີດຂຶ້ນໃນຂະບວນວິວັດອັນຍາວໄກ ບົນເສັ້ນທາງແຫ່ງການຕໍ່ສູ້ຕ້ານພວກລ່າເມືອງຝຣັ່ງ ແລະ ຈັກກະພັດອາເມຣິກາ ທີ່ເຕັມໄປດ້ວຍການເສຍສະຫຼະທັງຊີວິດ ແລະ ເລືອດເນື້ອ ລະຫວ່າງກອງທັບ ແລະ ປະຊາຊົນສອງຊາດ. ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານທີ່ມີຄວາມດູດດື່ມເລິກເຊິ່ງແໜ້ນແຟ້ນ, ໝັ້ນຄົງ ແລະ ມີຊີວິດຊີວາ ທີ່ເຕັມໄປດ້ວຍຄວາມເຫຼື່ອມໃສຫາສາຍພົວພັນໃດໃນໂລກນີ້ປຽບທຽບໄດ້, ຕະຫຼອດໄລຍະ 60 ປີ ແຫ່ງການສ້າງຕັ້ງສາຍພົວພັນການທູດລະຫວ່າງ ລາວ-ຫວຽດນາມ ແລະ 45 ປີ ແຫ່ງການປະຕິບັດສົນທິສັນຍາມິດຕະພາບ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ; ສອງຊາດລາວ-ຫວຽດນາມ ໄດ້ພ້ອມກັນເພີ່ມພູນຄູນສ້າງມິດຕະພາບແບບພິເສດ, ການພົວພັນຮ່ວມມືຮອບດ້ານນັບມື້ຍິ່ງຂະຫຍາຍຕົວກ້າວເຂົ້າສູ່ລວງເລິກ, ແທດເໝາະກັບສະພາບຕົວຈິງ ແລະ ມີປະສິດທິຜົນ, ສາມາດຕອບສະໜອງຄວາມມຸ້ງມາດປາຖະໜາຂອງປະຊາຊົນສອງຊາດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະໃນໂລກ.ສໍາລັບເມືອງຄໍາເກີດ:ໄດ້ມີສາຍພົວພັນຮ່ວມມືແຮກສ່ຽວກັບ ເມືອງເຮືອງເຊີນ, ເມືອງຫວູກວາງ ແລະ ຍັງໄດ້ມີການພົວພັນຮ່ວມມືມິດຕະພາບກັບບາງທ້ອງຖິ່ນ ຢູ່ແຂວງ ຮ່າຕີ່ງ ( ເປັນຕົ້ນແມ່ນການພົວພັນກັບ ຄະນະປະຊາຊົນຕາແສງເຊີນກີມ 1 ແລະ ຕາແສງເຊີນກີມ 2 ທີ່ເປັນບ້ານແຮກສ່ຽວກັບບ້ານທົ່ງແປ່ ແລະ ບ້ານນາແປ )ໄດ້ມີການພັດປ່ຽນຈັດກອງປະຊຸມລະຫວ່າງເມືອງຮ່ວມກັນໃນທຸກປີ.
ນອກນັ້ນ ບັນດາກົມກອງ, ຫ້ອງການອ້ອມຂ້າງເມືອງ ແລະ ບັນດາບ້ານລຽບຊາຍແດນ ໄດ້ໄປມາຢ້ຽມຢາມ, ຮ່ວມເຮັດວຽກ, ອວຍພອນ ແລະ ຊ່ວຍເຫຼືອເຊິ່ງກັນ ແລະ ກັນເປັນປົກກະຕິ.ພົ້ນເດັ່ນແມ່ນການລົງນາມບົດບັນທຶກການຮ່ວມມືລະຫວ່າງບ້ານທົ່ງແປ່ກັບ ຕາແສງເຊີນກີມ 1 ແລະ ຕາແສງເຊີນກີມ 2ສາມາດຮັກສາ ແລະ ເສີມຂະຫຍາຍມູນເຊື້ອຄວາມສາມັກຄີພິເສດລາວ-ຫວຽດນາມ ໄດ້ເປັນຢ່າງດີ. ກະຊວງປ້ອງກັນຄວາມສະຫງົບ ສສ ຫວຽດນາມ ໄດ້ຊ່ວຍເຫຼືອງົບປະມານປຸກສ້າງຫ້ອງການ ປກສ ບ້ານ ຕິດຊາຍແດນໄດ້ ຈຳນວນ 5 ຫຼັງ ມູນຄ່າທັງໝົດ 900 ລ້ານກີບ(ເກົ້າຮ້ອຍລ້ານກີບ),ເມືອງຄໍາເກີດໄດ້ປະກອບສ່ວນ ແລະ ອຳນວຍຄວາມສະດວກ ໃຫ້ແກ່ຄະນະປະຕິບັດງານພິເສດຂຸດຄົ້ນອັດຖິທະຫານອາສາສະໝັກ ສສ ຫວຽດນາມ ທີ່ໄດ້ເສຍສະຫຼະຊີວິດໃນປາງສົງຄາມຢູ່ລາວ. ໃນທ້າຍເດືອນກໍລະກົດ 2022 ຄະນະຜູ້ແທນເມືອງຄໍາເກີດ ໄດ້ເດີນທາງໄປຮ່ວມກອງປະຊຸມພົບປະແລກປ່ຽນກັບຄະນະຜູ້ແທນເມືອງວູ່ກວາງ, ແຂວງຮ່າຕິ່ງ ສສ ຫວຽດນາມ, ເຊິ່ງໄດ້ລົງນາມບົດບັນທຶກຊ່ວຍຈໍາຫຼາຍດ້ານ.
ເນື່ອງໃນໂອກາດທີ່ເມືອງຄຳເກີດສະເຫຼີມສະຫຼອງປີສາມັກຄີ 2022 ລາວ-ຫວຽດນາມໃນຄັ້ງນີ້ ທ່ານ ເພັດສະໄໝ ໄຊຍະທິຈັກ ຕາງໜ້າໃຫ້ຄະນະບໍລິຫານງານພັກເມືອງ ຍັງໄດ້ເປັນກຽດມອບໃບຍ້ອງຍໍ,ໃບຊົມເຊີຍ ແລະ ໃບຂອບໃຈຈຳນວນ 59 ໃບ,ໃນນັ້ນ ຂັ້ນຍ້ອງຍໍ 50 ໃບ,ຊົມເຊີຍ 3 ໃບ ແລະ ໃບຂອບໃຈ 6 ໃບ ໃຫ້ກົມກອງ,ບຸກຄົນ,ນິຕິບຸກຄົນ,ວິສາຫະກິດ,ຜູ້ປະກອບການທຸລະກິດ ທີ່ມີຜົນງານດີເດັ່ນປະກອບສ່ວນການສ້າງສາພັດທະນາເມືອງຄຳເກີດຕະຫຼອດໄລຍະຜ່ານມາ.
Users Today : 1182
Users Yesterday : 494
This Month : 9023
This Year : 129060
Total Users : 515284
Who's Online : 34