ວັນທີ 1 ກັນຍາ 2020 ໂຮງຮຽນສາມັນກິນນອນຊົນເຜົ່າ ເມືອງຄຳເກີດ ແຂວງບໍລິຄຳໄຊ ໄດ້ໄຂສົກຮຽນ 2020-2021 ຂື້ນ ພາຍໃຕ້ການເປັນປະທານຂອງ ທ່ານ ເຢີວື ຈົ່ງຕູ່ ວ່າການຜູ້ອຳນວຍການໂຮງຮຽນ, ມີບັນດາຄູອາຈານ, ສະມາຄົມພໍ່ແມ່ນັກຮຽນ ຕະຫລອດຮອດ ນ້ອງນັກຮຽນ ເຂົ້າຮ່ວມ.
ທ່ານ ເຢີວື ຈົ່ງຕູ່ ວ່າການຜູ້ອຳນວຍການໂຮງຮຽນ ສາມັນກິນນອນຊົນເຜົ່າ ໄດ້ຂີ້ນຜ່ານບົດສະຫຼຸບປະຈຳສົກຮຽນ 2019-2020 ແລະ ທິດທາງແຜນການ 2020-2021 ວ່າ: ສະພາບລວມຂອງໂຮງຮຽນ ແມ່ນໄດ້ກະກຽມປັບປຸງອາຄານຮຽນ, ໂຕະ, ຕັ່ງ ແລະ ຄູ-ອາຈານ ແບ່ງຕາຕະລາງໃຫ້ແຕ່ລະບຸກຄົນຕາມວິຊາສະເພາະຂອງຕົນລະອຽດ, ຄູ-ອາຈານແຕ່ລະສະຫາຍໄດ້ມີຄວາມພ້ອມແຜນການສອນ ພ້ອມອຸປະກອນສອນພຽງພໍ, ນັກຮຽນກໍ່ມີຄວາມພ້ອມ, ພາຍໃນໂຮງຮຽນ ມີຄູ-ອາຈານທັງໝົດ 39 ທ່ານ, ຍິງ 19 ທ່ານ, ຄູ-ອາຈານອາສາ 7 ທ່ານ, ຍິງ 5 ທ່ານ, ມີ 24 ຫ້ອງຮຽນ 3 ອາຄານຮຽນ ລວມມີ ນັກຮຽນທັງໝົດ 1614 ນ້ອງ, ຍິງ 607 ນ້ອງ.
Users Today : 1048
Users Yesterday : 494
This Month : 8889
This Year : 128926
Total Users : 515150
Who's Online : 83