ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ຍົກລະດັບການສ້າງນິຕິກຳ ແລະ ຫຼັກການສ້າງເອກະສານທາງລັດຖະການ

ພິທີຝຶກອົບຮົມການສ້າງນິຕິກຳ ແລະ ຫຼັກການສ້າງເອກະສານທາງລັດຖະການ ໄດ້ຈັດຂຶ້ນໃນຕອນເຊົ້າຂອງວັນທີ 11 ສິງຫາ 2022 ຢູ່ຫ້ອງປະຊຸມຂອງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງບໍລິຄຳໄຊ ( ຖວທ ) ເປັນກຽດເຂົ້າຮ່ວມຂອງທ່ານ ບົວສອນ ບຸດຊາວດອນ ຮອງຫົວໜ້າພະແນກ ຖວທ ແຂວງ, ມີຄະນະຮັບຜິດຊອບຈາກພະແນກພາຍໃນແຂວງ, ຫົວໜ້າ – ຮອງຫົວໜ້າຂະແໜງ ແລະ ພະນັກງານວິຊາການພາຍໃນພະແນກ ເຂົ້າຮ່ວມ.

ເອກະສານທາງລັດຖະການ ແມ່ນເອກະສານທີ່ຂຽນຈາກອົງການທີ່ເປັນນິຕິບຸກຄົນໃດໜື່ງ ທີ່ມີເນື້ອໃນພົວພັນເຖິງວຽກງານຂອງອົງການຈັດຕັ້ງ ຫຼື ວຽກງານທາງລັດຖະການ ເຊີ່ງຈະຕ້ອງເວົ້າເລື່ອງວຽກທາງລັດຖະການ ບໍ່ແມ່ນບັນຫາສ່ວນຕົວແອບແຝງ, ເຖິງວ່າຈະເວົ້າເຖິງບຸກຄົນໃດໜື່ງ ກໍ່ແມ່ນເລື່ອງທີ່ພົວພັນກັບວຽກງານການຈັດຕັ້ງ ຫຼື ທາງລັດຖະການ.

ເອກະສານທາງລັດຖະການ ຕ້ອງມີໂຄງປະກອບທີ່ຖືກຕ້ອງ ສອດຄ່ອງກັບປະເພດຂອງເອກະສານ ເຊັ່ນ: ເນື້ອໃນ, ພາສາ, ໂຄງສ້າງ ແລະ ຫລັກການຂຽນດ້ວຍເຄື່ອງມືທີ່ກຳນົດໄວ້.

ຈຸດປະສົງການຝຶກອົບຮົມ ເພື່ອເຮັດໃຫ້ການນຳໃຊ້ຮູບແບບເອກະສານທາງລັດຖະການ ມີຄວາມເປັນເອກະພາບກັນ ແລະ ສາມາດນໍາໃຊ້ເຂົ້າໃນວຽກງານຕົວຈິງ ໃຫ້ສອດຄ່ອງກັບກົນໄກການສື່ສານດ້ານບໍລິຫານ, ເຮັດໃຫ້ເອກະສານທາງລັດຖະການມີເນື້ອໃນສັ້ນ, ຈະແຈ້ງ, ຄົບຖ້ວນ ແລະ ເຂົ້າໃຈງ່າຍ, ເຮັດໃຫ້ພະນັກງານລັດຖະກອນ ຢູ່ໃນອົງການຈັດຕັ້ງຂັ້ນສູນກາງ ແລະ ທ້ອງຖີ່ນເຂົ້າໃຈ, ຮັບຮູ້ ແລະ ເປັນເອກະພາບ ໃນຮູບແບບເອກະສານທາງລັດຖະການ.

• Facebook
• Twitter
• Line