ໃນວັນທີ 5 ສິງຫາ 2022 ຢູ່ຫ້ອງການບ້ານໂພນໄຊ ເມືອງລ້ອງຊານ ແຂວງໄຊສົມບຸນ ບໍລິສັດຢາສູບຫົງຖາໂຊກດີລາວ-ຈີນ ຈຳກັດ ໄດ້ມອບເຄື່ອງຊ່ວຍເຫຼືອໃຫ້ແກ່ປະຊາຊົນບ້ານໂພນໄຊ ເມືອງລ້ອງຊານ ແຂວງໄຊສົມບຸນ ກ່າວມອບໂດຍ ທ່ານ ບຸນມີໄຊ ສີວົງຄຳ ຫົວໜ້າໜ່ວຍງານສົ່ງເສີມການຂາຍ ປະຈຳຢູ່ແຂວງບໍລິຄຳໄຊ ແລະ ກ່າວຮັບໂດຍທ່ານ ອາລີ ແສນພັນ ນາຍບ້ານໂພນໄຊ ແລະ ພ້ອມດ້ວຍພໍ່ແມ່ປະຊາຊົນພາຍໃນບ້ານ 117 ຄອບຄົວ ເຂົ້າຮ່ວມຮັບເອົາເຄື່ອງອຸປະໂພກ-ບໍລິໂພກ ຄັ້ງນີ້.
ເຄື່ອງອຸປະໂພກ-ບໍລິໂພກທີ່ນຳມາມອບໃນຄັ້ງນີ້ ລວມມີເຂົ້າສານ, ມີ່ສຳເລັດຮູບ, ປາກະປ໋ອງ, ນ້ຳສະອີວ ແລະ ອື່ນໆ ລວມມຸນຄ່າ 8.000.000 ກີບ ເພື່ອເປັນການຊ່ວຍເຫຼືອ ພໍ່ແມ່ປະຊາຊົນຢູ່ເຂດຫ່າງໄກ, ການມາມອບເຄື່ອງຊ່ວຍເຫຼືອໃນຄັ້ງນີ້ແມ່ນນະໂຍບາຍຂອງບໍລິສັດ ທີ່ໃຫ້ການສະໜັບສະໜູນເຄື່ອງດັ່ງກ່າວໃນ ຈຳນວນ 100 ບ້ານໃນທົ່ວປະເທດ.
Users Today : 1207
Users Yesterday : 494
This Month : 9048
This Year : 129085
Total Users : 515309
Who's Online : 41