ປກສ ເມືອງ ທ່າພະບາດ ສະຫຼຸບວຽກງານຄຸ້ມຄອງສໍາມະໂນຄົວ 6 ເດືອນ ຕົ້ນປີ

ກອງປະຊຸມສະຫຼຸບວຽກງານຄຸ້ມຄອງສໍາມະໂນຄົວ ແລະ ປກສ ກຸ່ມບ້ານ 06 ເດືອນຕົ້ນປີ ແລະ ວາງທິດທາງແຜນການ 06 ເດືອນທ້າຍປີ 2020 ຂອງກອງບັນຊາການ ປກສ ເມືອງທ່າພະບາດ ແຂວງ ບໍລິຄໍາໄຊ ໄດ້ ໄຂຂື້ນໃນຕອນເຊົ້າວັນທີ 28 ສິງຫາ 2020 ໂດຍການເຂົ້າຮ່ວມເປັນປະທານຂອງ ທ່ານ ພັນໂທ ຜາຂົງ ດອກມະນີຈັນ ຮອງຫົວໜ້າກອງບັນຊາການ ປກສ ແຂວງ ບໍລິຄໍາໄຊ.

ທ່ານ ພັນໂທ ບຸນເຕີມ ສີສຸກລາດ, ຮອງຫົວໜ້າກອງບັນຊາການ ປກສ ເມືອງ ທ່າພະບາດ ໄດ້ຜ່ານບົດສະຫຼູບຕີລາການເຄື່ອນໄຫວຈັດຕັ້ງປະຕິບັດວຽກງານຄຸ້ມຄອງສໍາມະໂນຄົວ ແລະ ປກສ ກຸ່ມບ້ານ 06 ເດືອນຕົ້ນປີວ່າ: ໄດ້ລົງປັບປຸງປ່ຽນສໍາມະໂນຄົວໃນການເຕົ້າໂຮມບ້ານນ້ອຍເປັນບ້ານໃຫຍ່ສໍາເລັດທົ່ວເມືອງ, ກວດກາຕິດຕາມໂຄງການສ້າງຄອບຄົວ ແລະ ບ້ານປ້ອງກັນຄວາມສະຫົງບດີທີ່ຂື້ນເປົ້າໝາຍ ຈໍານວນ 25 ບ້ານ, ໄດ້ຮັບຮອງຄອບຄົວ ແລະ ບ້ານປ້ອງກັນຄວາມສະຫງົບດີ ໄດ້ 01 ບ້ານ ຄື: ບ້ານປ່າໄລ່, ມີຈໍານວນ 428 ຄອບຄົວ, ມີຈໍານວນພົນທັງທັງໝົດ 2,129 ຄົນ, ຍິງ 937 ຄົນ, ໄດ້ຮັບໃບຢັ້ງຢືນຄອບຄົວ ແລະ ບ້ານປ້ອງກັນຄວາມສະຫງົບດີ 412 ຄອບຄົວ, ເທົ່າກັບ 96,71% , ທົ່ວເມືອງມີ 03 ກຸ່ມບ້ານ, ມີ 26 ບ້ານ, 06 ເດືອນຜ່ານມາມີ ຄົນເພີ່ມເກີດໃໝ່ 21 ຄົນ, ຍິງ 14 ຄົນ, ຄົນຫຼຸດ 20 ຄົນ, ຍິງ 09 ຄົນ, ອອກໃບຄໍາຮ້ອງຂໍຂື້ນສໍາມະໂນຄົວໄດ້ 137 ໃບ, ອອກປື້ມບັນທຶກແຈ້ງຄົນມີໜ້າ(ຮ່າງໃຫຍ່) ໄດ້ 114 ຫົວ, ອອກປື້ມທະບຽນປະຫວັດບຸກຄົນ(ຮ່າງນ້ອຍ) ໄດ້ 246 ຫົວ, ປ່ຽນປື້ມສໍາມະໂນຄົວ 42 ຫົວ, ທົດລອງອອກບັດປະຈໍາຕົວທັນສະໄໝ ໄດ້ 10 ບັດ, ປ້ອນຂໍ້ມູນເຂົ້າລະບົບທັນສະໄໝ ສໍາເລັດ 01 ບ້ານ, ໄດ້ລົງເກັບກໍາສະຖິຕິບັນດາບໍລິສັດ, ຮ້ານອາຫານ, ເຮືອນພັກ, ໂຮງແຮງ, ຮ້ານບັນເທິງ, ຮ້ານກິນດື່ມ, ຮ້ານຄາລາໂອເກະ ແລະ ບັນດາບຸກຄົນທີ່ມາປະກອບອາຊີບຕ່າງໆ, ປະສານສົມທົບກັບພາກສ່ວນກ່ຽວຂ້ອງລົງກວດກາຄືນເພື່ອຄຸ້ມຄອງໃຫ້ຖືກຕ້ອງຕາມລະບຽບກົດໝາຍ, ໄດ້ລົງກວດກາລາດຕະເວນຕາມຊາຍແດນລາວບໄທ 102 ຄັ້ງ, ເກັບກໍາພົນລະເມືອງທີ່ມາພັກເຊົາ 179 ຄົນ, ຍິງ 72 ຄົນ, ມ້າງລາຍຄະດີໄດ້ 15 ເລື່ອງ, ປ້ອງກັນງານບຸນປະເພນີ 24 ຄັ້ງ, ກັກຕົວຜູ້ເສບຢາເສບຕິດໄປຝາກດັດສ້າງໄດ້ 09 ຄົນ, ສຶກສາອົບຮົມເປົ້າໝາຍຄ້າຂາຍ ແລະ ເສບຢາເສບຕິດ 08 ຄັ້ງ, ມີ 36 ຄົນ, ລົງຊັນນະສູດຊາກສົບ 02 ຄັ້ງ, ສົມທົບກັບອໍານາດການປົກຄອງບ້ານໄກ່ເກຍບັນຫາທີ່ດິນ 01 ຄັ້ງ, ລົງເກັບກໍາສະຖິຕິແຮງງານລາວທີ່ກັບມາຈາກຕ່າງປະເທດ ເພື່ອກວດເຊື້ອພະຍາດໂຄວິດ – 19 ຈໍານວນ 347 ຄົນ, ຍິງ 232 ຄົນ, ເຂົ້າຮ່ວມ ບໍາລຸງສິດ ແລະ ໜ້າທີ່ຂອງ ປກສ ບ້ານ 01 ຄັ້ງ, ມີຜູ້ເຂົ້າຮ່ວມ 112 ຄົນ, ລົງປັບປຸງ ປກສ ບ້ານສໍາເລັດ 03 ບ້ານ.

• Facebook
• Twitter
• Line