ກອງປະຊຸມຄະນະອະນຸກໍາມະການ ຮ່ວມມືຮັກສາມຄວາມສະຫງົບຮຽບຮ້ອຍຕາມຊາຍແດນ ລາວ – ໄທ ແຂວງບໍລິຄໍາໄຊ – ຈັງຫວັດບຶງການ ໄດ້ຈັດຂຶ້ນໃນວັນທີ 4 ສິງຫາ 2022 ຢູ່ຫ້ອງປະຊຸມຫ້ອງວ່າການແຂວງ, ຝ່າຍແຂວງບໍລິຄຳໄຊນຳໂດຍ ທ່ານ ອຸດົມ ວົງໄກສອນ ຫົວໜ້າພະແນກການປະເທດ ແຂວງບໍລິຄໍາໄຊ ສປປ ລາວ ແລະ ຈັງຫວັດບຶງການ ນໍາໂດຍ ທ່ານ ສົມຫວັງ ອາລີເອື້ອ ຫົວໜ້າສຳນັກງານຈັງຫວັດບຶງການ, ມີຄະນະອານຸກຳມະການທັງສອງຝ່າຍ ເຂົ້າຮ່ວມ.
ຈຸດປະສົງກອງປະຊຸມ ກໍ່ເພື່ອເປັນການປືກສາຫາລື, ແລກປ່ຽນຄໍາຄິດຄໍາເຫັນ ເພື່ອແກ້ໄຂບັນຫາຮ່ວມກັນ ກ່ຽວກັບວຽກງານການຮັກສາຄວາມສະຫງົບ ຄວາມເປັນລະບຽບຮຽບຮ້ອຍຕາມຊາຍແດນ ລະຫວ່າງ ແຂວງບໍລິຄໍາໄຊ – ຈັງຫວັດບຶງການ ກ່ອນກອງປະຊຸມຄະນະກໍາມະການຮ່ວມມື ຮັກສາຄວາມສະຫງົບຮຽບຮ້ອຍຕາມຊາຍແດນ ລາວ – ໄທ ແຂວງບໍລິຄໍາໄຊ-ຈັງຫວັດບຶງການ ຄັ້ງທີ 6 ທີ່ຈະຈະຂື້ນຢູ່ທີ່ແຂວງບໍລິຄໍາໄຊ ໃນມໍ່ໆນີ້.
ໃນກອງປະຊຸມຄັ້ງນີ້ ໄດ້ຮັບຟັງການທົບທວນຄືນ ຜົນການຈັດຕັ້ງປະຕິບັດເນື້ອໃນບົດບັນທຶກກອງປະຊຸມຄະນະກຳມະການຮ່ວມມື ຮັກສາຄວາມສະຫງົບຮຽບຮ້ອຍຕາມຊາຍແດນ ລາວ – ໄທ ແຂວງບໍລິຄໍາໄຊ – ຈັງຫວັດບຶງການ ຄັ້ງທີ 5 ວັນທີ 18 ກັນຍາ 2019 ທີ່ຈັງຫວັດບຶງການ ໃນໄລຍະຜ່ານມາ ເຫັນວ່າທັງສອງຝ່າຍ ໄດ້ມີຄວາມພະຍາຍາມຢ່າງຕັ້ງໜ້າ ໃນການຈັດຕັ້ງປະຕິບັດຫຼາຍວຽກງານສໍາຄັນ ໂດຍພື້ນຖານແມ່ນໄດ້ຮັບໝາກຜົນທີ່ດີ.
ຫຼັງຈາກນັ້ນ ທັງສອງຝ່າຍ ໄດ້ພ້ອມກັນປືກສາຫາລື, ແລກປ່ຽນຄໍາຄິດ – ຄໍາເຫັນ ໃນຫຼາຍວຽກງານສຳຄັນ ເປັນຕົ້ນແມ່ນວຽກງານການອໍານວຍຄວາມສະດວກທາງດ້ານການຄ້າ, ການບໍລິການ, ການຄົມມະນາຄົມຂົນສົ່ງ, ການຮັກສາຄວາມສະຫງົບຮຽບຮ້ອຍຕາມຊາຍແດນ ແລະ ວຽກງານອື່ນໆ.
Users Today : 1205
Users Yesterday : 494
This Month : 9046
This Year : 129083
Total Users : 515307
Who's Online : 41