ໃນວັນທີ່ 1 ສິງຫາ 2022 ຢູ່ຫ້ອງວ່າການ ເມືອງວຽງທອງ ແຂວງບໍລິຄຳໄຊ ໄດ້ຈັດກອງປະຊຸມປະເມີນເມືອງເຂັ້ມແຂງຮອບດ້ານ 5 ດ້ານ, 47 ຕົວຊີ້ບອກ ຕາມທິດ 3 ສ້າງ ປະຈໍາປີ 2022 ໂດຍເປັນກຽດເຂົ້າຮ່ວມເປັນປະທານຂອງ ທ່ານ ຄໍາມອນ ໄຊພົມມີ ຮອງເລຂາພັກເມືອງວຽງທອງ ຜູ້ຊີ້ນໍາວຽກພັກ – ພະນັກງານຂັ້ນເມືອງ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ ແລະ ຄະນະຮັບຜິດຊອບຈາກແຂວງ ເຂົ້າຮ່ວມ.
ກອງປະຊຸມໄດ້ຜ່ານ ຄໍາແນະນໍາຂອງເຈົ້າແຂວງ ສະບັບເລກທີ 03/ຂບຊ, ລົງວັນທີ 12 ມີນາ 2020 ກ່ຽວກັບການປະເມີນຜົນການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ, ດໍາເນີນປະເມີນເມືອງ 5 ດ້ານ ຕາມເນື້ອໃນ 47 ຕົວຊີ້ບອກ, ຜ່ານບົດປະເມີນບ້ານເປັນຫົວໜ່ວຍພັດທະນາ 4 ດ້ານ.
ຜູ້ເຂົ້າຮ່ວມກອງປະຊຸມ ໄດ້ຜັດປ່ຽນກັນປະກອບຄຳເຫັນຢ່າງກົງໄປກົງມາ ໃສ່ຟອມປະເມີນຜົນມາດຕະຖານ 5 ດ້ານ, 47 ຕົວຊີ້ບອກຂອງຂະແໜງການຕ່າງໆ ເພື່ອຄວາມເປັນເອກະພາບ ແລະ ຮັບຮອງເອົາ.
Users Today : 1200
Users Yesterday : 494
This Month : 9041
This Year : 129078
Total Users : 515302
Who's Online : 23