ການແຂ່ງຂັນກິລາບານສົ່ງ ຍິງ-ຊາຍ ກົມກອງແຮກສ່ຽວ ເມືອງທ່າພະບາດ

ງານແຂ່ງຂັນກິລາບານສົ່ງຍິງ-ຊາຍ 4 ເສົ້າ ກົມກອງແຮກສ່ຽວ ໄດ້ຈັດຂຶ້ນໃນວັນທີ 28 ກໍລະກົດ 2022 ຢູ່ເດີນຫ້ອງວ່າການປົກຄອງເມືອງທ່າພະບາດ ໃຫ້ກຽດເຂົ້າຮ່ວມໂດຍ ທ່ານ ວົງດອນ ປັນຍານຸວົງ ປະທານແນວລາວສ້າງຊາດເມືອງທ່າພະບາດ ມີການນໍາຂອງເມືອງ, ຫ້ອງການ, ພະນັກງານລັດຖະກອນ ແລະ ພາກສ່ວນກ່ຽວຂ້ອງເຂົ້າຮ່ວມ.

ງານກິລາບານສົ່ງຍິງ-ຊາຍ ໄດ້ແບ່ງອອກເປັນ 2 ປະເພດ ຄື: ປະເພດບານສົ່ງ ຊາຍມີທັງໝົດ 4 ທີມ ແລະ ປະເພດບານສົ່ງຍິງ ມີ 4 ທີມ.

ຜົນການແຂ່ງຂັນກິລາບານສົ່ງຊາຍ ອັນດັບທີ 1 ແມ່ນທີມໂຮງຮຽນ 301 ໄດ້ຮັບຂັນ 1 ໜ່ວຍ ພ້ອມເງິນສົດ 250.000, ອັນດັບທີ 2 ທີມໂຮງຮຽນ 303 ໄດ້ຮັບເງີນລາງວັນ 200.000 ກີບ, ອັນດັບທີ 3 ໂຮງຮຽນທະຫານຊາຍແດນ ໄດ້ຮັບລາງວັນ 150.000 ແລະ ອັນດັບທີ 4 ທີມຊາວໜຸ່ມເມືອງ ໄດ້ຮັບລາງວັນຊົມເຊີຍ 100.000 ກີບ.

ປະເພດບານສົ່ງຍິງ ທີມອັນດັບທີ 1 ແມ່ນທີມ ໂຮງຮຽນ 303 ໄດ້ຮັບຂັນລາງ 1 ໜ່ວຍ ພ້ອມເງິນສົດ 250.000 ກີບ, ອັນດັບທີ 2 ແມ່ນທີມໂຮງຮຽນ 301 ໄດ້ຮັບເງິນລາງວັນ 200.000 ກີບ, ອັນດັບທີ 3 ໂຮງຮຽນ ທະຫານຊາຍແດນ ໄດ້ຮັບລາງວັນ 150.000 ກີບ ແລະ ອັນດັບທີ 4 ຊາວໜຸ່ມເມືອງ ໄດ້ຮັບລາງວັນຊົມເຊີຍ 100.000 ກີບ, ໃຫ້ກຽດມອບລາງວັນໂດຍທ່ານ ສົມສົດ ແສງອາພອນ ເຈົ້າເມືອງທ່າພະບາດ.

ງານແຂ່ງຂັນກິລາຄັ້ງນີ້ ເພື່ອປຸກຈິດສໍານຶກຂອງຊາວໜຸ່ມພະນັກງານ, ຊາວໜຸ່ມກົມກອງແຮກສ່ຽວໃຫ້ມີຄວາມຮັດແໜ້ນຄວາມສາມັກຄີ, ຫຼິ້ນກິລາເພື່ອສຸຂະພາບ ແລະ ເພື່ອສ້າງຂະບວນຂໍ່ານັບຮັບຕ້ອນ ປີສາມັກຄີມິດຕະພາບລາວ-ຫວຽດນາມ ວັນສົນທິສັນຍາມິດຕະພາບ-ການຮ່ວມມືຄົບຮອບ 45 ປີ, ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ, ວັນສ້າງຕັ້ງເລົ່າລົບທະຫານຊາຍແດນ ຄົບຮອບ 10 ປີ ແລະ ຂໍ່ານັບຊົມເຊີຍວັນສ້າງຕັ້ງສະຫະພັນແມ່ຍິງລາວ ຄົບຮອບ 67 ປີ.

• Facebook
• Twitter
• Line