ໃນວັນທີ 27 ກໍລະກົດ 2022 ຮາກຖານສະຫະພັນແມ່ຍິງຫ້ອງວ່າການແຂວງ ໄດ້ຈັດພິທີປາຖະກະຖາວັນສ້າງຕັ້ງອົງການສະຫະພັນແມ່ຍິງລາວ ຄົບຮອບ 67 ປີ 20 ກໍລະກົດ 1955 – 20 ກໍລະກົດ 2022 ຂື້ນ ໂດຍການເລົ່າປະຫວັດມູນເຊື້ອໂດຍ ທ່ານ ສາຍຄຳ ວົງຄຳທອງ ຮອງຫົວໜ້າຫ້ອງວ່າການແຂວງ ມີຄະນະແມ່ຍິງຮາກຖານ ແລະ ສະມາຊິກແມ່ຍິງເຂົ້າຮ່ວມ.
ໃນພິທີ ທ່ານ ສາຍຄຳ ວົງຄຳທອງ ໄດ້ເຫຼົ່າເຖິງປະຫວັດມູນເຊື້ອການກຳເນີດ, ເຕີບໃຫ່ຍຂະຫຍາຍຕົວ ແລະ ບົດບາດຂອງເອື້ອຍນ້ອງແມ່ຍິງລາວ ທີ່ມີມູນເຊື້ອຕໍ່ສູ້ອັນພີລະອາດຫານບໍ່ຍອມຈຳນົນ, ແມ່ຍິງລາວໄດ້ຄຽງບ່າຄຽງໄຫຼ່ກັບເພດຊາຍ ຕໍ່ສູ້ຢ່າງເດັດດ່ຽວຕ້ານພວກສັກດີນາ ແລະ ພວກລ່າເມືອງຂຶ້ນແບບເກົ່າແລະໃໝ່ ເພື່ອໃຫ້ຊາດລາວ, ຄົນລາວໄດ້ຫຼຸດພົ້ນອອກຈາກການຖືກເກນໄປເປັນກຸລີໂດຍບໍ່ໄດ້ຮັບຄ່າຈ້າງ ແລະ ຈາກການທຸບຕີທໍລະມານຢ່າງໂຫດຮ້າຍປ່າເຖື່ອນຂອງພວກຈັກກະພັດລ່າເມືອງຂື້ນແບບເກົ່າ, ຂະບວນການເຄື່ອນໄຫວຂອງແມ່ຍິງໄດ້ຂະຫຍາຍໄປທຸກແຫ່ງໃນທົ່ວປະເທດພາຍໃຕ້ການນຳພາຂອງພັກແຄວ້ນລາວ, ມາຮອດວັນທີ 20 ກໍລະກົດ 1955 ພັກໄດ້ຈັດຕັ້ງໜ່ວຍຄົ້ນຄວ້າວຽກງານແມ່ຍິງຂຶ້ນຢ່າງເປັນທາງການ ໂດຍແມ່ນ ທ່ານ ນາງ ຄໍາຫຼ້າ ວົງສັກ ເປັນຫົວໜ້າ, ເຊິ່ງເຮັດໜ້າທີ່ເບິ່ງແຍງລ້ຽງດູ, ປ້ອງກັນຮັກສາກອງທະຫານກູ້ຊາດ ເພື່ອເຄື່ອນໄຫວສືບຂ່າວ ແລະ ສົ່ງຂ່າວໃຫ້ກຳລັງປະຕິວັດ, ປຸກລະດົມຂົນຂວາຍຊາວໝຸ່ມ, ລູກຫຼານອອກຮັບໃຊ້ປະເທດຊາດ, ເພີ່ມພູນຜະລິດຜົນ, ອົງການຈັດຕັ້ງສະຫະພັນແມ່ຍິງລາວນັບແຕ່ມື້ສ້າງຕັ້ງເປັນຕົ້ນມາທີ່ໄດ້ນຳພາເຄື່ອນໄຫວຕາມພາລະບົດບາດ, ສິດໜ້າທີທີ່ໄດ້ກຳນົດໄວ້ໃນກົດລະບຽບນັບມື້ເຕິບໃຫຍ່ຂະຫຍາຍຕົວ.
ມາຮອດປັດຈຸບັນດຳເນິນກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ VIII ແມ່ຍິງຈໍານວນຫຼາຍໄດ້ມີບົດບາດເຂົ້າໃນການນຳຂັ້ນຕ່າງໆນັບມື້ນັບຫລາຍຂື້ນ, ພ້ອມທັງຍົກໃຫ້ເຫັນປະຫວັດການເຄື່ອນໄຫວຂອງອົງການຈັດຕັ້ງສະຫະພັນແມ່ຍິງແຂວງບໍລິຄຳໄຊ, ຜ່ານການເຄື່ອໄຫວຕະຫຼອດໄລຍະ 67 ປີ ຜ່ານມາ ອົງການຈັດຕັ້ງສະຫະພັນແມ່ຍິງລາວແຕ່ສູນກາງຮອດທ້ອງຖິ່ນໄດ້ຕັ້ງໜ້າປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ ປະກອບສ່ວນເຂົ້າໃນການປະຕິບັດແຜນພັດທະນາເສດຖະກິດ-ສັງຄົມຂອງລັດແຕ່ລະຂັ້ນ, ໃນຕອນທ້າຍທ່ານຍັງໄດ້ມອບໃບຍ້ອງຍໍໃຫ້ສະມາຊິກຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ຈຳນວນ 14 ໃບ ໃຫ້ແກ່ສະມາຊິກແມ່ຍິງພາຍໃນຮາກຖານ
Users Today : 1218
Users Yesterday : 494
This Month : 9059
This Year : 129096
Total Users : 515320
Who's Online : 33