ໃນຕອນບ່າຍຂອງວັນທີ 28 ສິງຫາ 2020 ຢູ່ໂຮງໝໍແຂວງບໍລິຄຳໄຊ ໄດ້ມີຂະບວນການອອກແຮງງານຢູ່ພາຍໃນໂຮງໝໍແຂວງ ໂດຍການເຂົ້າຮ່ວມຂອງທ່ານ ລັດຕະນະ ພຣະສະຫວັດ ເລຂາຊາວໜຸ່ມຮາກຖານໂຮງໝໍແຂວງ, ມີສະມາຊິກຊາວໜຸ່ມ, ສະມາຊິກກຳມະບານ ແລະ ສະມາຊິກແມ່ຍິງພາຍໃນຮາກຖານ ເຂົ້າຮ່ວມ.
ກິດຈະກຳໃນຄັ້ງນີ້ ເລີ່ມຕົ້ນດ້ວຍການນຳພາຊາວໜຸ່ມປູກຫຍ້າອ້ອມຂ້າງຂອງໂຮງໝໍແຂວງ, ຕິດທຸງທິວ ແລະ ທາສີຂອບທາງບໍລິເວນທາງເຂົ້າໂຮງໝໍ. ທ່ານ ລັດຕະນະ ພຣະສະຫວັດ ເລຂາຊາວໜຸ່ມຮາກຖານໂຮງໝໍແຂວງ ໄດ້ໃຫ້ສຳພາດວ່າ: ຈຸດປະສົງຂອງກິດຈະກຳຄັ້ງນີ້ ເພື່ອເປັນການສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ຜູ້ແທນ ຄັ້ງທີ VII ຂອງອົງຄະນະພັກແຂວງບໍລິຄຳໄຊ ທີ່ຈະມາເຖິງ ໃຫ້ເປັນຂະບວນການຟົດຟື້ນ ແລະ ມີຄວາມໝາຍຄວາມສໍາຄັນ, ພ້ອມດຽວກັນ ຍັງເປັນການປູກຈິດສໍານຶກແກ່ສະມາຊິກຊາວໜຸ່ມ ໃຫ້ຮັບຮູ້ເຖິງຄວາມສາມັກຄີປອງດອງ, ຮັກການອອກແຮງງານ, ການປະກອບສ່ວນເຫື່ອແຮງ ເຂົ້າໃນຂະບວນການອອກແຮງງານລວມ ແລະ ການຊ່ວຍເຫຼືອສັງຄົນ.
Users Today : 1120
Users Yesterday : 494
This Month : 8961
This Year : 128998
Total Users : 515222
Who's Online : 100