ບັ້ນດຳເນີນການສອບເສັງຈົບຊັ້ນມັດທະຍົມສຶກສາ ຊັ້ນ ມ.7 ປະຈຳສົກຮຽນ 2021 – 2022 ໄດ້ຈັດຂຶ້ນໃນວັນທີ 14 ກໍລະກົດ 2022 ຢູ່ໂຮງຮຽນ ມ.ສ ສີທ່ານາໄຊ, ໃຫ້ກຽດມອບ ແລະ ຕັດຫົວບົດການສອບເສັງ ໂດຍທ່ານ ໂພຄຳ ຈັນທະສຸກ ຮອງເຈົ້າເມືອງ – ເມືອງປາກຊັນ, ມີຄະນະພະແນກສຶກສາທິການ ແລະ ກິລາແຂວງ, ເມືອງ, ຄະນະອຳນວຍການໂຮງຮຽນພ້ອມດ້ວຍຄູອາຈານພາຍໃນໂຮງຮຽນ ເຂົ້າຮ່ວມ.
ຊັ້ນມັດທະຍົມສຶກສາຕອນປາຍ ມ.7 ທົ່ວແຂວງ ປະກອບມີ 11 ສູນສອບເສັງ ແບ່ງເປັນ 125 ຫ້ອງ ມີນັກສອບເສັງທັງໝົດ 2.552 ຄົນ ຍິງ 1.193 ຄົນ ສະເລ່ຍ 19 – 23 ຄົນຕໍ່ຫ້ອງ, ມີ 5 ວິຊາສອບເສັງ ຄື: ພາສາລາວ + ວັນນະຄະດີ, ຄະນິດສາດ, ວິທະຍາສາດສັງຄົມ, ວິທະຍາສາດທຳມະຊາດ ແລະ ວິຊາ ພາສາອັງກິດ.
ໃນນັ້ນ, ເມືອງ ປາກຊັນ ມີ 2 ສູນສອບເສັງ ນັກສອບເສັງ 593 ຄົນ ຍິງ 312 ຄົນ ມີ 29 ຫ້ອງ, ເມືອງທ່າພະບາດ ມີ 1 ສູນສອບເສັງ ນັກສອບເສັງ 240 ຄົນ ຍິງ 122 ຄົນ ມີ 12 ຫ້ອງ, ເມືອງປາກກະດິງ ມີ 1 ສູນສອບເສັງ ນັກສອບເສັງ 332 ຄົນ ຍິງ 157 ຄົນ ມີ 16 ຫ້ອງ, ເມືອງ ບໍລິຄັນ ມີ 2 ສູນສອບເສັງ ນັກສອບເສັງ 427 ຄົນ ຍິງ 169 ຄົນ ມີ 20 ຫ້ອງ, ເມືອງ ຄຳເກີດ ມີ 2 ສູນສອບເສັງ ນັກສອບເສັງ 671 ຄົນ ຍິງ 336 ຄົນ ມີ 33 ຫ້ອງ, ເມືອງວຽງທອງ ມີ 1 ສູນສອບເສັງ ນັກສອບເສັງ 228 ຄົນ ຍິງ 75 ຄົນ ມີ 12 ຫ້ອງ ແລະ ເມືອງໄຊຈຳພອນ ມີ 1 ສູນສອບເສັງ ນັກສອບເສັງ 61 ຄົນ ຍິງ 22 ຄົນ ມີ 3 ຫ້ອງ. ການສອບເສັງຈະເລີ່ມແຕ່ວັນທີ 14 – 16 ກໍລະກົດ 2022 ຈຶ່ງຈະສໍາເລັດ.
ວັນທີ 21 – 23 ກໍລະກົດ 2022 ຈະໄດ້ສອບເສັງຄືນ ໃຫ້ນັກຮຽນ ມໍ.7 ທີ່ຂາດການສອບເສັງຈົບຊັ້ນ ທີ່ມີເຫດຜົນຈຳເປັນ.
Users Today : 1166
Users Yesterday : 494
This Month : 9007
This Year : 129044
Total Users : 515268
Who's Online : 27