ໃນວັນທີ 6 ກໍລະກົດ 2022 ທີ່ຜ່ານມານີ້ ຢູ່ບໍລິສັດ ລັດພັດທະນາຊົນນະບົດ ໄດ້ຈັດຕັ້ງກອງປະຊຸມ ເຊື່ອມຊື່ມມະຕິກອງປະຊຸມ ຄົບຄະນະບໍລິຫານງານ ສູນກາງສະຫະພັນກຳມະບານລາວ ຄັ້ງທີ II ສະໃໝທີ VIII ຂື້ນ ພາຍໃຕ້ ການເປັນປະທານ ຂອງ ທ່ານ ພັທ ໜູດຳ ສຸລິໄຊ ຮອງຫົວໜ້າຫ້ອງການກຳມະບານກອງທັບ, ເຂົ້າຮ່ວມມີຄະນະ ກຳມະບານຮາກຖານ ແລະ ສະມາຊິກກຳມະບານ ທົ່ວບໍລິສັດ ເຂົ້າຮ່ວມ.
ໃນກອງປະຊຸມໄດ້ຮັບພັງ ການຂື້ນຜ່ານ ມະຕິກອງປະຊຸມ ຄົບຄະນະບໍລິຫານງານ ສູນກາງສະຫະພັນກຳມະບານລາວ ຄັ້ງທີ II ສະໃໝທີ VIII ຈາກ ທ່ານ ພັທ ນາງ ເພັດສີດາ ວິໄລດາ ຫົວໜ້າພະແນກ ຈັດຕັ້ງພະນັກງານ ແລະ ຄົ້ນຄວ້າ- ສັງລວມ ,ເຊີ່ງຊີ້ເຫັນໄດ້ ຄວາມໝາຍຄວາມສຳຄັນ ອັນເຮັດໃຫ້ສະມາຊິກ ກຳມະບານ ໄດ້ຮັບຮູ້ ເຊື່ອມຊື່ມ ມະຕິດັ່ງກ່າວ ຢ່າງ ເລິກເຊິ່ງ ເຖີງຖອງຂຶ້ນຕື່ມອີກ. ພ້ອມກັນນີ້ ກອງປະຊຸມຍັງໄດ້ຮັບຟັງການຜ່ານບົດສະຫຼຸບ ການເຄື່ອນໄຫວວຽກງານ ກຳມະບານປະຈຳປີ 2021 ທິດທາງແຜນການ 2022 ຢູ່ ພາຍໃນບໍລິສັດ ເຊິ່ງສາມາດຕີລາຄາໄດ້ເຖິງຜົນງານໃນປີທີ່ຜ່ານມາ ສະແດງອອກ ພະນັກງານ-ສະມາຊິກກຳມະບານ ມີຄວາມອຸ່ນອຽນທຸ່ນທ່ຽງ ທາງດ້ານແນວຄິດການເມືອງ, ມີຜົນສຳເລັດໃນໜ້າທີ່ວຽກງານວິຊາສະເພາະ ທີ່ການຈັດຕັ້ງມອບໝາຍໃຫ້ເປັນຢ່າງດີ , ຄະນະກຳມະບານຮາກຖານ ມີຄວາມເປັນເຈົ້າການໃນການປົກປ້ອງ ສິດ ແລະ ຜົນປະໂຫຍດ ຂອງພະນັກງານ-ສະມາຊິກກຳມະບານ ແລະ ກຳມະກອນຜູ້ອອກແຮງງານໄດ້ດີ ສະແດງອອກໃນປີ ທີ່ຜ່ານມາຄະນະກຳມະບານຮາກຖານສາມາດຍາດໄດ້ໜ່ວຍກຳມະບານ 5 ເປັນເຈົ້າໄດ້ ຈໍານວນ 6 ໜ່ວຍ.
ພົ້ນເດັ່ນອີກຢ່າງໜຶ່ງກໍ່ແມ່ນຄະນະກໍາມະບານຮາກຖານ ບໍລິສັດ ສາມາດຈັດຕັ້ງ ກອງທຶນ ທານຸເຄາະເປັນຂອງຕົນເອງໄດ້ ປະຈຸບັນມີເງິນກອງທຶນສະສົມທັງໝົດ 14,820,000 ກີບ, ແບ່ງໃຫ້ສະມາຊິກກູ້ຢືມ 4,000,000 ກີບ , ກອງທຶນດັ່ງກ່າວ ຊ່ວຍແກ້ໄຂໃຫ້ສະມາຊິກກູ້ຢືມ ດອກເບ້ຍຕ່ຳ ເພື່ອແກ້ໄຂ ຊີວິດຄອບຄົວເວລາມີຄວາມຈຳເປັນ ແລະ ເງິນດັ່ງກ່າວມີໄວ້ມອບໃຫ້ຄອບຄົວ ພະນັກງານໃນເວລາທີ່ມີສະມາຊິກກອງທຶນເສຍຊີວິດ.
ນອກນີ້, ກອງປະຊຸມຍັງໄດ້ມີການຜ່ານວິທີການສະຫຼຸບຂໍ້ແຂ່ງຂັນ 5 ເປັນເຈົ້າ ຂອງກໍາມະບານລາວ ແລະ ໄດ້ເຊີນຜູ້ຕາງໜ້າແຕ່ລະໜ່ວຍຂື້ນຈັບມືແຂ່ງຂັ້ນ ເຊິ່ງກັນ ແລະ ກັນ ອັນມີເນື້ອໃນ, ເຕັມໄປດ້ວຍບັນຍາກາດຟົດຟື້ນ.
Users Today : 1215
Users Yesterday : 494
This Month : 9056
This Year : 129093
Total Users : 515317
Who's Online : 45