ພະແນກຍຸຕິທໍາແຂວງບໍລິຄໍາໄຊ ເປີດບັ້ນດຳເນີນກວດກາໜ່ວຍພັກປອດໃສ, ເຂັ້ມແຂງ, ໜັກແໜ້ນ 6 ເດືອນຕົ້ນປີ 2022

ບັ້ນດຳເນີນຊີວິດການເມືອງ ກວດກາໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງໜ່ວຍພັກຮາກຖານພະແນກຍຸຕທໍາແຂວງບໍລິຄຳໄຊ ປະຈຳ 6 ເດືອນຕົ້ນປີ 2022 ແລະ ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2021 ໄດ້ຈັດຂຶ້ນໃນຕອນເຊົ້າຂອງວັນທີ 06 ກໍລະກົດ 2022 ຢູ່ຫ້ອງປະຊຸມຂອງຕົນ ໂດຍການເປັນປະທານຂອງ ສະຫາຍ ນາງ ວັນນາ ປະເສີດກຸນ ເລຂາຄະນະພັກຮາກຖານພະແນກຍຸຕິທໍາແຂວງ, ມີຄະນະພັກ, ສະມາຊິກພັກພະນັກງານພາຍໃນພະແນກ ເຂົ້າຮ່ວມ.

ກອງປະຊຸມ ໄດ້ເຊື່ອມຊຶມເອກະສານ 3 ບົດ ຄື: ຄຳສັ່ງກົມການເມືອງສູນກາງພັກ ເລກທີ 01/ກມສພ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ພ້ອມທັງຜ່ານຮ່າງບົດສະຫຼຸບ ແລະ ປະກອບຄຳຄິດເຫັນໃສ່ໃນວຽກງານການເຄື່ອນໄຫວໃນ 6 ເດືອນຕົ້ນປີ ແລະ ທິດທາງແຜນການໃນ 06 ເດືອນທ້າຍປີ 2022.

      ພາຍຫຼັງສຳເລັດການເຊື່ອມຊືມເອກກະສານຕ່າງໆແລ້ວ ບັນດາສະຫາຍສະມາຊິກພັກ ຈະໄດ້ຂຽນໃບສຳຫຼວດຕົນເອງ ພ້ອມທັງຜ່ານໃບສຳຫຼວດເພື່ອຕີລາຄາຕົນເອງ, ສົ່ງຂ່າວ, ຕໍານິຕິຊົມສະມາຊິກພັກພາຍໃນໜ່ວຍ, ກໍ່ສ້າງຊ່ວຍເຫຼືອເຊີ່ງກັນ ແລະ ກັນ, ພ້ອມນັ້ນ ກໍ່ຍັງມີການຈັດແບ່ງປະເພດສະມາຊິກພັກ ໂດຍອີງໃສ່ 5 ເນື້ອໃນຂອງພັກວາງອອກ.

ໃນພິທີຍັງໄດ້ຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 124/ຄປພຂ, ລົງວັນທີ 03 ພືດສະພາ 2022 ວ່າດ້ວຍການຮັບຮອງເອົາໜ່ວຍພັກຮາກຖານພະແນກຍຸຕິທຳແຂວງບໍລິຄຳໄຊ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2021.

• Facebook
• Twitter
• Line