ກອງປະຊຸມຄົບຄະນະພັກຮາກຖານ ຫ້ອງການເມືອງ ກອງບັນຊາການ ປກສ ແຂວງບໍລິຄໍາໄຊ ຄັ້ງທີ 03 ສະໄໝທີ III ໄດ້ຈັດຂື້ນ ໃນຕອນເຊົ້າ ວັນທີ 09 ມີຖຸນາ 2022 ໂດຍການເປັນປະທານຂອງ ສະຫາຍ ພັນໂທ ອວດ ວົງໄຊ ຄະນະພັກກອງບັນຊາການ, ເລຂາຄະນະພັກຮາກຖານ, ຫົວໜ້າຫ້ອງການເມືອງ, ມີຄະນະພັກຮາກຖານ, ເລຂາໜວ່ຍພັກ, ຕະຫຼອດຮອດສະມະຊິກພັກສົມບູນ – ສໍາຮອງ ເຂົ້າຮ່ວມ.
ທີ່ປະຊຸມ ໄດ້ຜ່ານບົດສໍາຫຼວດການນໍາພາລວມ ການເຄື່ອນໄຫວຊີ້ນໍາ – ນໍາພາຂອງຄະນະພັກໃນໄລຍະ 03 ເດືອນຜ່ານມາ ແລະ ທິດທາງແຜນການ 03 ເດືອນໃນຕໍ່ໜ້າ, ເຊີ່ງໄດ້ຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້.
ໄລຍະຜ່ານມາ ຄະນະພັກໄດ້ເອົາໃຈໃສ່ສຶກສາອົບຮົມການເມືອງ – ແນວຄິດໃຫ້ແກ່ສະມາຊິກພັກ, ພະນັກງານ – ນັກຮົບ, ນໍາພາຮ່ວມຊີວິດພັກຢ່າງເປັນປົກກະຕິ, ເຮັດໃຫ້ສະມາຊິກພັກ, ພະນັກງານ – ນັກຮົບ ມີແນວຄິດການເມືອງໜັກແໜ້ນ, ມີຄວາມເຊື່ອໝັ້ນຕໍ່ການນໍາພາຂອງພັກ – ລັດ, ການຈັດຕັ້ງ, ມີຄວາມຈົງຮັກພັກດີຕໍ່ພັກ – ປະເທດຊາດ.
ໄດ້ເພີ່ມທະວີຊີ້ນໍາ-ນໍາພາວຽກງານວິຊາສະເພາະຢ່າງຕັ້ງໜ້າ ເພື່ອເປັນເສນາທິການໃຫ້ແກ່ຄະນະພັກຂັ້ນເທິງ, ເປັນເຈົ້າການການເຂົ້າຮວ່ມໃນຕ້ານ, ສະກັດກັ້ນ ແລະ ແກ້ໄຂບັນດາປະກົດການຫຍໍ້ທໍ້ຕ່າງໆທີ່ເກີດຂື້ນໃນສັງຄົມ, ນໍາພາປັບປຸງການຈັດຕັ້ງພັກ, ສະມາຊິກພັກ ມີຄວາມເຂັ້ມແຂງ, ໜັກແໜ້ນ, ມີຄຸນະພາບ, ມີລະບຽບວິໄນທີ່ເຂັ້ມງວດ, ຍ້ອງຍໍ ແລະ ປະຕິບັດນະໂຍບາຍ ຕໍ່ສະມາຊິກພັກ, ພະນັກງານ – ນັກຮົບ ຜູ້ທີ່ມີຜົນງານ, ຕິດຕາມກວດກາມະຫາຊົນ ຜູ້ທີ່ມີຄວາມກ້າວໜ້າ ເພື່ອຂະຫຍາຍເຂົ້າພັກຕາມກົດລະບຽບຂອງພັກວາງອອກ, ຊຸກຍູ້ຂະບວນການກໍ່ສ້າງກົມກອງເຂັ້ມແຂງ, ໜ່ວຍພັກປອດໃສ, ເຂັ້ມແຂງ, ໜັກແໜ້ນ ເພື່ອປັບປຸງກໍ່ສ້າງພັກ ແລະ ຂະຫຍາຍພັກ ຕາມ 05 ຫຼັກການ ແລະ 03 ທິດນໍາ.
ປັບປຸງແບບແຜນວິທີເຮັດວຽກຂອງຄະນະພັກໃຫ້ມີຄວາມທັນສະໄໝ, ປະຕິບັດຫຼັກການລວມສູນປະຊາທິປະໄຕ, ປະຕິບັດກົດລະບຽບຂອງພັກຢ່າງເຂັ້ມງວດ, ໄລຍະ 03 ເດືອນຜ່ານມາ ສາມາດຂະຫຍາຍມະຫາຊົນກ້າວໜ້າ ເຂົ້າຮຽນສະໜັບສະໜູນ 03 ສະຫາຍ, ຍິງ 01 ສະຫາຍ, ຮຽນກົດລະບຽບພັກ 04 ສະຫາຍ, ເຂົ້າພັກສໍາຮອງ 03 ສະຫາຍ, ຍິງ 01 ສະຫາຍ, ສົ່ງພະນັກງານໄປຍົກລະດັບວີຊາສະເພາະໄລຍະສັ້ນ ຍີງ 01 ສະຫາຍ, ນອກນັ້ນ ຍັງໄດ້ອໍານວຍຄວາມສະດວກ ໃຫ້ອົງການຈັດຕັ້ງມະຫາຊົນຊາວໜຸ່ມ-ແມ່ຍິງ ໄດ້ເຄື່ອນໄຫວວຽກງານຕາມພາລະບົດບາດ, ສິດ ແລະ ໜ້າທີ່ ໂດຍຕິດພັນກັບການເຮັດໜ້າທີ່ວິຊາສະເພາະຕາມການມອບໝາຍສຳເລັດຜົນຢ່າງຮອບດ້ານ ແລະ ມີປະສິດທິພາບສູງ.
ຕອນທ້າຍ ທີ່ປະຊຸມກໍ່ໄດ້ເປັນກຽດຕ້ອນຮັບການເຂົ້າຮວ່ມຂອງ ສະຫາຍ ພັນເອກ ກົງຈັນ ໄຊປັນຍາ ກໍາມະການພັກແຂວງ, ເລຂາຄະນະບໍລິຫານງານພັກ, ຫົວໜ້າກອງບັນຊາການ ປກສ ແຂວງ ບໍລິຄໍາໄຊ ເພື່ອມີຄໍາເຫັນໂອ້ລົມ ແລະ ໃຫ້ທິດຊີ້ນໍາຕໍ່ທີ່ປະຊຸມ, ເຊິ່ງສະຫາຍໄດ້ເນັ້ນໜັກໃຫ້ຄະນະພັກທຸກຂັ້ນ ຈົ່ງເອົາໃຈໃສ່ສືກສາອົບຮົມການເມືອງ-ແນວຄິດ ໃຫ້ສະມາຊິກພັກ, ພະນັກງານ-ນັກຮົບ ດວ້ຍຫຼາຍຮູບແບບໃຫ້ເລິກເຊິ່ງ, ຕິດຕາມກວດກາ ສະມາຊິກພັກ, ພະນັກງານ – ນັກຮົບຢ່າງເປັນປົກກະຕິຕໍ່ເນື່ອງ, ປັບປຸງແບບແຜນວິທີນໍາພາ – ວິທີເຮັດວຽກຂອງຄະນະພັກໃຫ້ມີວິທະຍາສາດ, ເຊີດຊູບົດບາດການນໍາພາຂອງພັກໃຫ້ສູງຂື້ນ, ສ້າງພະນັກງານສືບທອດປ່ຽນແທນ, ຄຽງຄູ່ກັບການປັບປຸງການຈັດຕັ້ງພັກ, ຄຸນນະພາບຂອງສະມາຊິກພັກ ແນ່ໃສ່ເຮັດໃຫ້ກໍາລັງ ມີຄວາມເຕີບໃຫ່ຍເຂັ້ມແຂງ, ມີລະບຽບວິໄນຢ່າງເຂັ້ມງວດ.
Users Today : 534
Users Yesterday : 409
This Month : 10797
This Year : 130834
Total Users : 517058
Who's Online : 10