ກອງປະຊຸມທາງໄກຜ່ານລະບົບ ວີດີໂອ ຄອນເຟີເລັ່ນ ຂອງໜ່ວຍປະສານງານປະຈຳພື້ນທີ່ ເພື່ອສະກັດກັ້ນ ແລະ ແກ້ໄຂບັນຫາຢາເສບຕິດຕາມຊາຍແດນ ຄັ້ງທີ 7 ລະຫວ່າງ ແຂວງບໍລິຄຳໄຊ ສປປ ລາວ ແລະ ແຂວງ ບຶງການ ຣາຊາອານາຈັກໄທ ໄດ້ໄຂຂື້ນ ໃນວັນທີ 31 ພຶດສະພາ 2022 ທີ່ຫ້ອງປະຊຸມ ດ່ານຊາຍແດນສາກົນ ປາກຊັນ, ຝ່າຍລາວນຳໂດຍທ່ານ ພັນເອກ ຄໍາແພງ ນໍາພາວັນ ປະທານກວດກາພັກ ຮອງຫົວໜ້າກອງບັນຊາການ ປກສ ແຂວງ ຮອງຫົວໜ້າໜ່ວຍປະສານງານປະຈໍາພຶ້ນທີ່ແຂວງ ບໍລິຄໍາໄຊ ພ້ອມຄະນະ ແລະ ຝ່າຍຣາຊາອານາຈັກໄທ ນຳໂດຍທ່ານ ພັນເອກ ຈັກກະພົງ ໂພນາແຄ ຜູ້ບັງຄັບການກອງບັງຄັບການຄວບຄຸມທີ 2 ຜູ້ແທນບັນຊາການກໍາລັງສຸລະສັກມົນຕີ ຫົວໜ້າໜ່ວຍປະສານງານປະຈຳພື້ນທີ່ແຂວງບຶງການ ພ້ອມຄະນະ.
ໄລຍະ 05 ເດືອນຜ່ານມາ ໜ່ວຍປະສານງານປະຈໍາພື້ນທີ່ ເພື່ອສະກັດກັ້ນ ແລະ ແກ້ໄຂບັນຫາຢາເສບຕິດຕາມຊາຍແດນ, ໄດ້ລົງຕິດຕາມ, ກວດກາ, ລາດຕະເວນ ເພື່ອສະກັດກັ້ນ ແລະ ປາບປາມຢາເສບຕິດ ເລາະລຽບຕາມຊາຍແດນ.
ຜ່ານການຈັດຕັ້ງປະຕິບັດ ສາມາດມ້າງລາຍຄະດີການຄ້າ – ຂາຍຢາເສບຕິດ ໄດ້ 69 ເລື່ອງ, ກັກຕົວຜູ້ຖືກຫາໄດ້ 92 ຄົນ, ຍືດຂອງກາງປະເພດຢາບ້າໄດ້ 83.806 ເມັດ, ຄັນຊາ 1.032 ກິໂລກຼາມ, ຢາອີ 196 ເມັດ, ລົດໃຫ່ຍ 03 ຄັນ, ລົດຈັກ 06 ຄັນ.
ໂອກາດດຽວກັນ ບັນດາຜູ້ແທນກອງປະຊຸມ ກໍ່ໄດ້ແລກປ່ຽນຄໍາຄິດຄໍາເຫັນຮ່ວມກັນ ບົນພື້ນຖານລະບຽບຫຼັກການ, ຄວາມສາມັກຄີ, ການຊ່ວຍເຫຼືອເຊີ່ງກັນ ແລະ ກັນ ລະຫວ່າງ 02 ແຂວງ, 02 ປະເທດ.
ສ່ວນທິດທາງແຜນການໃນຕໍ່ໜ້າທັງ 2 ຝ່າຍຈະສືບຕໍ່ປະສານສົມທົບຮ່ວມມືກັນໃນການເຄື່ອນໄຫວວຽກງານວິຊາສະເພາະ, ການສືບຂ່າວ, ເກັບກໍາສະພາບ, ລົງກວດກາຈຸດຂ້າມລອຍ, ອອກກວດກາລາດຕະເວນທາງບົກ ແລະ ທາງນໍ້າຮ່ວມກັນ, ໃນກໍລະນີມີບັນຫາໃດໜື່ງທີ່ເກີດຂື້ນໃນຂອບເຂດບໍລິເວນຊາຍແດນ 2 ຝ່າຍຈະປະສານສົມທົບປືກສາຫາລືເພື່ອພ້ອມກັນແກ້ໄຂໃຫ້ມີຄວາມເປັນເອກະພາບ, ຖືກຕ້ອງ, ສອດຄ່ອງ ບົນພື້ນຖານລະບຽບຫຼັກການ ແລະ ກົດໝາຍຂອງ 2 ປະເທດ, ເອົາໃຈໃສ່ຕ້ານ ແລະ ສະກັດກັ້ນ ບັນຫາອາດສະຍາກໍາຂ້າມຊາດ, ການຄ້າ – ຂາຍຢາເສບຕິດ, ຄ້າ – ຂາຍເຖື່ອນ, ການລັກເຂົ້າ – ອອກເມືອງຜິດກົດໝາຍ, ການເຄື່ອນຍ້າຍຊັບພະຍາກອນທໍາມະຊາດ ທີ່ຜິດຕໍ່ລະບຽບກົດໝາຍ ແນ່ໃສ່ເຮັດໃຫ້ບໍລິເວນຂອບເຂດຊາຍແດນຂອງ 02 ແຂວງ ບໍລິຄໍາໄຊ – ບຶງການ ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍດີຂື້ນເລື້ອຍໆ.
Users Today : 1206
Users Yesterday : 494
This Month : 9047
This Year : 129084
Total Users : 515308
Who's Online : 37