ໃນວັນທີ 26 ພຶດສະພາ 2022 ທີ່ຫ້ອງປະຊະມຊັ້ນ III ຫ້ອງວ່າການເມືອງວຽງທອງ, ແຂວງບໍລິຄໍາໄຊ ໄດ້ຈັດພິທີປິດຊຸດຝຶກອົບຮົມທິດສະດີການເມືອງ – ການປົກຄອງ ລະບົບບໍາລຸງ 45 ວັນ ຊຸດທີ V ຂອງເມືອງວຽງທອງ ໂດຍເປັນກຽດເຂົ້າຮ່ວມຂອງ ທ່ານ ຄໍາມອນ ໄຊພົມມີ ຮອງເລຂາພັກເມືອງ ຜູ້ຊີ້ນໍາວຽກງານພັກພະນັກງານ, ມີຄູອາຈານ, ນັກສໍາມະນາກອນ ແລະ ແຂກຖືກເຊີນ ເຂົ້າຮ່ວມ.
ໃນພິທີ ທ່ານ ທອງລິດ ສິດທິອຳພາ ຄະນະປະຈໍາພັກເມືອງ, ຫົວໜ້າຄະນະຈັດຕັ້ງເມືອງໄດ້ໃຫ້ກຽດຂື້ນຜ່ານບົດສະຫຼູບການຮຽນ – ການສອນໃນບັ້ນຝຶກອົບຮົມທິດສະດີການເມືອງ – ການປົກຄອງລະບົບ 45 ວັນ ເຊີ່ງໄດ້ເລີ່ມຮຽນມາແຕ່ວັນທີ 29 ມີນາ 2022 ເຊີ່ງໃຊ້ເວລາຮຽນທັງໝົດ 45 ວັນເຕັມ.
ການຝຶກອົບຮົມໃນຄັ້ງນີ້ ມີສຳມະນາກອນຈາກບັນດາຫ້ອງການ, ກົມກອງຂອງເມືອງເຂົ້າຮ່ວມທັງໝົດ 62 ທ່ານ, ຍິງ 12 ທ່າ, ໃນການຮຽນທິດສະດີການເມືອງ – ການປົກຄອງ ຄັ້ງນີ້ນັກສຳມະນາກອນ ໄດ້ຮຽນຮູ້ກ່ຽວກັບຫຼັກສູດລະບົບບໍາລຸງ 45 ວັນ ມີ: 5 ກຸ່ມວິຊາຮຽນ, ມີ 41 ບົດ, ໃນນັ້ນມີຊົ່ວໂມງບັນຍາຍ 162 ຊົ່ວໂມງ, ຄົ້ນຄວ້າ – ສຳມະນາ 29 ຊົ່ວໂມງ ແລະ ແກ້ຂໍ້ຂ້ອງໃຈ 17 ຊົ່ວໂມງ ເຊີ່ງບັນດານັກສຳມະນາກອນ ລ້ວນແຕ່ມີຄວາມກະຕືລືລົ້ນຕໍ່ການຄົ້ນຄ້ວາຮໍ່າຮຽນດ້ວຍຄວາມເປັນເຈົ້າການ ເຊີ່ງສະແດງອອກໃນການປະເມີນຜົນລະດັບຄວາມຮູ້ໃນທຸກກຸ່ມວິຊາຮຽນ ຄື: ເກຼດ A 50 %, ເກຼດB+ 39,35 %, ເກຼດB 8,38 % , ເກຼດC+ 0,95 % ແລະ ເກຼດ C 1,29 %.
ຈາກນັ້ນ ກໍ່ໄດ້ມອບໃບຢັ້ງຢືນ ໂດຍເປັນກຽດມອບຂອງທ່ານ ຄຳມອນ ໄຊພົມມີ ຮອງເລຂາພັກເມືອງ ພ້ອມທັງມອບໃບຍ້ອງຍໍ, ໃບຊົມເຊີຍໃຫ້ບັນດານັກສໍາມະນາກອນທີ່ດີເດັ່ນ.
Users Today : 1201
Users Yesterday : 494
This Month : 9042
This Year : 129079
Total Users : 515303
Who's Online : 39