ພິທີປະກາດການຈັດຕັ້ງ ຮອງຫົວໜ້າພະແນກການຕ່າງປະເທດ ແຂວງບໍລິຄຳໄຊ ໄດ້ຈັດຂຶ້ນໃນຕອນເຊົ້າຂອງວັນທີ 25 ພຶດສະພາ 2022 ຢູ່ຫ້ອງຫ້ອງປະຊຸມຂອງຕົນ, ເປັນກຽດເຂົ້າຮ່ວມຂອງທ່ານ ຄຳແຫວນ ປັນຍານຸວົງ ຮອງເຈົ້າແຂວງບໍລິຄຳໄຊ, ມີຄະນະພະແນກ, ພະນັກງານລັດຖະກອນພາຍໃນພະແນກ ແລະ ແຂກຖືກເຊີນ ເຂົ້າຮ່ວມ.
ໃນພິທີ ໄດ້ຮັບຟັງການຜ່ານຂໍ້ຕົກລົງຂອງທ່ານເຈົ້າບໍລິຄຳໄຊ ສະບັບເລກທີ 248/ຂບຊ ລົງວັນທີ 12 ພຶດສະພາ 2022 ວ່າດ້ວຍການແຕ່ງຕັ້ງ ທ່ານ ສີສະຫວັດ ບຸນວົງໄຊ ເປັນຮອງຫົວໜ້າພະແນກການຕ່າງປະເທດແຂວງບໍລິຄຳໄຊ.
ໂອກາດນີ້ ທ່ານຮອງເຈົ້າແຂວງ ຍັງໄດ້ໂອ້ລົມ ແລະ ຊີ້ນຳໃນຫຼາຍວຽກງານ ເປັນຕົ້ນ ເອົາໃຈໃສ່ສຶກສາອົບການເມືອງ – ແນວຄິດ ໃຫ້ແກ່ສະມາຊິກພັກ ແລະ ພະນັກງານ ໃຫ້ເລິກເຊີ່ງກວ້າງຂວາງ, ກຳແໜ້ນໃຫ້ໄດ້ເຖິງສິດ, ໜ້າທີ່ ແລະ ພາລະບົດບາດຂອງຕົນ ໃນການເປັນເສນາທິການໃຫ້ແກ່ໃນການນຳ, ຕັ້ງໜ້າຍົກລະດັບພະນັກງານໃນການຊອກຮູ້ຮ່ຳຮຽນທາງດ້ານວິສະເພາະ, ຍົກສູງຄວາມເປັນແບບຢ່າງນໍາໜ້າທາງດ້ານຄຸນທາດການເມືອງ, ມີແບບແຜນການນໍາພາ, ໃຫ້ຮັກສາຄວາມສາມັກຄີເປັນເອກະພາບ ບົນຫຼັກການລວມສູນປະຊາທິປະໄຕ ແລະ ຮັບປະກັນໄດ້ໃນຄວາມຮັບຊອບຂອງຕົນ ທີ່ໄດ້ຮັບໝອບໝາຍໃນການພົວພັນຮ່ວມມືກັບຕ່າງປະເທດ.
ທ່ານ ສີສະຫວັດ ບຸນວົງໄຊ
Users Today : 438
Users Yesterday : 409
This Month : 10701
This Year : 130738
Total Users : 516962
Who's Online : 7