ໃນວັນທີ 21 ເມສາ 2022 ທີ່ຫ້ອງປະຊຸມຊັ້ນ III ຫ້ອງວ່າການເມືອງວຽງທອງ ແຂວງບໍລິຄຳໄຊ ໄດ້ຈັດພິທີປາຖະກະຖາລະນຶກ ວັນສ້າງຕັ້ງ ຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 67 ປີ ຂື້ນ (14 ເມສາ1955–14 ເມສາ2022) ໂດຍການໃຫ້ກຽດເຂົ້າຮ່ວມເປັນປະທານ ປາຖະກາຖາ ເລົ່າມູນເຊື້ອຂອງ ທ່ານ ສົມໃຈ ຊົ່ງລາວ່າງ ຮອງເລຂາພັກເມືອງ ປະທານກວດກາພັກ-ລັດເມືອງ ມີເລຂາຄະນະບໍລິຫານງານຊາວໜຸ່ມເມືອງມີບັນດາເລຂາ-ຮອງເລຂາ, ຄະນະປະຈຳ, ຄະນະບໍລິຫານງານຊາວໜຸ່ມເມືອງ, ເລຂາຮາກຖານ – ໜ່ວຍຊາວໜຸ່ມ ຕະຫຼອດຮອດສະມາຊິກຊາວໜຸ່ມອ້ອມຂ້າງເມືອງເຂົ້າຮ່ວມ.
ທ່ານ ປະທານ ໄດ້ຍົກໃຫ້ເຫັນຕະຫຼອດໄລຍະຫຼາຍຮ້ອຍປີແຫ່ງການເຕົ້າໂຮມ, ການປົກປັກຮັກສາ ແລະ ສ້າງສາພັດທະນາປະເທດ ຊາດນັ້ນຊາວໜຸ່ມຈຳນວນບໍ່ໜ້ອຍໄດ້ເສຍສະຫຼະຊີວິດ ແລະເລືອດເນື້ອເພື່ອປົກປັກຮັກສາເອກະລາດ ແລະ ຜືນແຜ່ນດິນອັນແສນຮັກຂອງຕົນໄວ້, ຜ່ານຂະບວນການດັ່ງກ່າວນັ້ນໄດ້ເກີດມີບັນພະບູລຸດທີ່ມີຊື່ສຽງຫຼາຍທ່ານ ນຳພາປວງຊົນລາວທັງຊາດຕໍ່ສູ້ຕ້ານການຮຸກຮານຂອງສັດຕູພາຍນອກ, ໄດ້ນຳເອົາປະເທດຊາດຜ່ານພົ້ນພາຍຸລົມແດງໃນແຕ່ລະຍຸກ ແຕ່ລະສະໄໝ ແລະ ຮັກສາດິນແດນໄວ້ໄດ້ຢ່າງໝັ້ນຄົງ, ພັກປະຊາຊົນປະຕິວັດລາວໄດ້ຂະໜານນາມໃຫ້ຊາວໜຸ່ມວ່າ: “ຊາວໜຸ່ມເປັນແຂນຂວາຂອງພັກ ເປັນກະດູກສັນຫຼັງຂອງປະເທດຊາດ ເປັນຜູ້ສືບທອດມູນເຊື້ອ ແລະ ວິລະກໍາປະຫວັດ ສາດທີ່ຈົ່ງຮັກພັກດີຕໍ່ພັກ” ການປາຖະກະຖາເລົ່າມູນເຊື້ອໃນຄັ້ງນີ້ ເປັນການລະນຶກເຖິງມູນເຊື້ອປະຫວັດສາດແຫ່ງການຕໍ່ສູ້ການເຕີບໃຫຍ່ຂະຫຍາຍຕົວຂອງ ຄະນະຊາວໜຸ່ມປະຊາຊົນປະຕິວັດລາວ ທັງເປັນການປູກຈິດສຳນຶກ ແລະ ສຶກສາອົບຮົມໃຫ້ສະມາຊິກຊາວໜຸ່ມ-ໄວໜຸ່ມ-ເຍົາວະຊົນມີນ້ຳໃຈ ຮັກຊາດ, ມີຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ, ມີນ້ຳໃຈຮັກຊາດ, ຮັກລະບອບໃໝ່, ມີຄວາມເອກອ້າງນະນົງໃຈຕໍ່ຄວາມເປັນລາວ, ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີການຂະຫຍາຍ ຕົວຮອບດ້ານ, ກຽມພ້ອມສືບທອດມູນເຊື້ອອັນພິລະອາດຫານຂອງພັກ, ຂອງຊາດ, ຕັ້ງໜ້າເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ ແລະ ໄດ້ຜ່ານຂະບວນວິວັດແຫ່ງການຕໍ່ສູ້ຂອງຊາວໜຸ່ມມາເຖີງ 4 ຮຸ່ນດ້ວຍກັນຈົນໄດ້ຮັບການປົດປ່ອຍປະເທດຊາດສະຖາປະນາເປັນປະເທດ ສປປ ລາວ ຢ່າງ ອົງອາດກ້າຫານມີໄຊມາເຖີງປະຈຸບັນ ແລະ ຊາວໜຸ່ມຍັງໄດ້ຮັບຂະໜານນາມ ວ່າ: ຊາວໜຸ່ມຈົ່ງເປັນດັ່ງນົກອິນຊີທີ່ບໍ່ຫວັ່ນກົວຕໍ່ພາຍຸລົມແດງຈົ່ງກາຍເປັນສິນໄຊແຫ່ງຍຸກສະໄໝຕະຫຼອດໄປ ແລະ ໄດ້ປະຕິບັດຄໍາຂັວນ ທີ່ວ່າ: “ບ່ອນໃດຍາກຊາວໜຸ່ມເຮົາບຸກ ບ່ອນໃດທຸກຊາວໜຸ່ມຜ່ານຜ່າ ບ່ອນໃດຊາດຕ້ອງການຊາວໜຸ່ມຂານອາສາ”. ເນື່ອງໃນໂອກາດພິທີປາຖະກະຖາເລົ່າມູນ ເຊື້ອ ວັນສ້າງຕັ້ງ ຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 67 ປີ ໃນຄັ້ງນີ້ຍັງໄດ້ມອບໃບຍ້ອງຍໍຂອງຄະນະບໍລິຫານງານ ຊປປລ ແຂວງ ໃຫ້ສະມາຊິກຊາວໝຸ່ມທີ່ມີຜົນ ງານດີເດັ່ນທີ່ປະກອບສ່ວນໃນຂະບວນການປະຕິບັດວາລະແຫ່ງຊາດຕ້ານຢາເສບຕິດ.
Users Today : 188
Users Yesterday : 611
This Month : 11062
This Year : 131099
Total Users : 517323
Who's Online : 17