ກອງປະຊຸມໃຫຍ່ຄັ້ງທີ VII ຂອງບ້ານ ແລະ ໜ່ວຍພັກບ້ານນ້ຳທອນ ເມືອງປາກກະດິງ ແຂວງບໍລິຄຳໄຊ ໄດ້ຈັດຂື້ນ ແລະ ສຳເລັດລົງໃນວັນທີ 16 ມີນາ 2022 ຢູ່ທີ່ອາຣາມວັດຂອງບ້ານ, ພາຍໃຕ້ການເປັນປະທານຂອງທ່ານ ຄຳສິງ ລໍມະນີ ເລຂາພັກບ້ານ ນາຍບ້ານນ້ຳທອນ, ໃຫ້ກຽດເຂົ້າຮ່ວມໂດຍທ່ານ ພົງສະຫວັດ ຄຳສຸກຖາວົງ ຄະນະປະຈຳພັກເມືອງ ຮອງເຈົ້າເມືອງປາກກະດິງ, ມີພະນັກງານກໍ່ສ້າງຮາກຖານ, ແຂກຖືກເຊີນ, ສະມາຊິກພັກ ກ ານຈັດຕັ້ງ ແລະ ປະຊາຊົນພາຍໃນບ້ານ ເຂົ້າຮ່ວມ.
ກອງປະຊຸມ ໄດ້ສະຫຼຸບຕີລາຄາຄືນການຊີ້ນຳ – ນຳພາໄລຍະ 5 ປີຜ່ານມາ, ບ້ານນ້ຳທອນ ປະກອບມີ 8 ຊົນເຜົ່າ, ມີ 161 ຄອບຄົວ, ມີພົນລະເມືອງທັງໝົດ 1.008 ຄົນ, ຍິງ 516 ຄົນ, ໃນນັ້ນມີ ສະມາຊິກພັກ 15 ສະຫາຍ, ຍິງ 1 ສະຫາຍ, ປະຊາຊົນສ່ວນຫຼາຍ ມີອາຊີບທຳການຜະລິດ, ປູກຝັງ – ລ້ຽງສັດ ແລະ ຄ້າຂາຍຈຳນວນໜຶ່ງ.
ໄລຍະຜ່ານມາ ຄະນະພັກ ແລະ ອຳນາດການປົກຄອງບ້ານໄດ້ເອົາໃຈໃສ່ຊີ້ນຳ – ນຳພາ ການຈັດຕັ້ງບ້ານ 5 ຕຳແໜ່ງງານ ແລະ ພໍ່ແມ່ປະຊາຊົນ ຈັດຕັ້ງປະຕິບັດໜ້າທີ່ວຽກງານທີ່ຖືກມອບໝາຍຢ່າງຕັ້ງໜ້າ ແລະ ດຳລົງຊີວິດຕາມແນວທາງນະໂຍບາຍໃນແຕ່ລະໄລຍະ ພາຍໃຕ້ກົດໝາຍບ້ານເມືອງວາງອອກ, ເຮັດໃຫ້ພາຍໃນບ້ານມີຄວາມສະຫງົບໂດຍພື້ນຖານ, ສັງຄົມມີຄວາມເປັນລະບຽຮຽບຮ້ອຍ, ເຖິງຈະໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ເສດຖະກິດຄອບຄົວຂອງປະຊາຊົນພາຍໃນບ້ານກໍ່ຍັງມີການຂະຫຍາຍຕົວຢ່າງຕໍ່ເນື່ອງ.
ພາຍຫລັງຄະນະພັກ ແລະ ຄະນະບ້ານຊຸດເກົ່າກ່າວອຳລາໜ້າທີ່, ກອງປະຊຸມ ໄດ້ຜ່ານມະຕິຕົກລົງຂອງຄະນະປະຈຳພັກເມືອງ ວ່າດ້ວຍການແຕ່ງຕັ້ງບົ່ງຕົວ ຄະນະພັກ ແລະ ຄະນະບ້ານຊຸດໃໝ່ ໂດຍແຕ່ງຕັ້ງ ສະຫາຍ ຄຳສິງ ລໍມະນີ ເປັນເລຂາພັກບ້ານ ເປັນນາຍບ້ານນ້ຳທອນ, ສະຫາຍ ໄມແບ່ງ ໄຊຍະທອງສີ ເປັນຮອງເລຂາ ຮອງນາຍບ້ານ ແລະ ແຕ່ງຕັ້ງສະຫາຍ ຄຳແດງ ລາດທຳມະວົງ ເປັນຜູ້ກວດກາໜ່ວຍພັກ ແລະ ເປັນຮອງນາຍບ້ານ.
Users Today : 460
Users Yesterday : 1225
This Month : 9526
This Year : 129563
Total Users : 515787
Who's Online : 32