ກອງປະຊຸມສ້າງແຜນກຳນົດພະນັກງານນຳພາ – ບັນຊາ ກອງບັນຊາການ ປກສ ເມືອງທ່າພະບາດ ແຂວງບໍລິຄຳໄຊ ໄດ້ໄຂຂຶ້ນໃນຕອນເຊົ້າຂອງວັນທີ 7 ມີນາ 2022 ຢູ່ທີ່ຫ້ອງປະຊຸມກອງບັນຊາການ ປກສ ເມືອງ ທ່າພະບາດ ພາຍໃຕ້ການເປັນປະທານຮ່ວມຂອງ ທ່ານ ພັທ ສົມສົດ ແສງອາພອນ ເຈົ້າເມືອງທ່າພະບາດ ແລະ ທ່ານ ພັອ ຜາຂົງ ດອກມະນີຈັນ ຮອງກອງບັນຊາການ ປກສ ແຂວງ, ມີຄະນະພັກກອງບັນຊາການ ປກສ ແຂວງ – ເມືອງ, ຄະນະພັກພາຍໃນເມືອງ ເຂົ້າຮ່ວມ
ທີ່ກອງປະຊຸມ ໄດ້ເຜີຍແຜ່ມະຕິກົມການເມືອງ ເລກທີ 032/ກມສ ວ່າດ້ວຍການສ້າງແຜນພະນັກງານນໍາພາ-ຄຸ້ມຄອງ, ມະຕິກົມການເມືອງ ເລກທີ 030/ກມສພ ວ່າດ້ວຍມາດຖານຂອງພະນັກງານນໍາພາ-ບັນຊາຄຸ້ມຄອງ, ຄໍາແນະນໍາຂອງນະຈັດຕັ້ງສູນກາງພັກ ເລກທີ 292/ຄຈສພ ວຽກງານຄຸ້ມຄອງພະນັກງານ ແລະ ວຽກງານສ້າງແຜນກໍານົດພະນັກງານນໍາພາ-ຄຸ້ມຄອງ ແລະ ມະຕິບໍລິຫານງານພັກກະຊວງ ປ້ອງກັນຄວາມສະຫງົບ ເລກທີ 38/ຄພ ວ່າດ້ວຍມາດຖານ ພະນັກງານນໍາພາ-ບັນຊາໃນກໍາລັງ.
ຈຸດປະສົງ ເພື່ອເຊື່ອມຊືມໃຫ້ນາຍຕໍາຫຼວດທີ່ເຂົ້າຮ່ວມໄດ້ມີຄວາມເຂົ້າໃຈ, ພ້ອມກັນຕັ້ງໜ້າຝຶກຝົນຫຼໍ່ຫຼອມພັດທະນາຕົນເອງໃຫ້ມີຄວາມຮູ້, ຄວາມສາມາດ, ຄຸນສົມບັດໃນດ້ານຕ່າງໆ ທີ່ເໝາະສົມ ແລະ ເປັນບ່ອນອີງໃຫ້ແກ່ການຄັດເລືອກເອົາພະນັກງານນໍາພາ-ບັນຊາຄຸ້ມຄອງ ທີ່ມີຫຼັກໝັ້ນທາງດ້ານແນວຄິດ – ການເມືອງ, ມີຄຸນສົມບັດສິນທໍາປະຕິບັດ, ມີຄວາມຊື່ສັດບໍລິສຸດ, ມີແບບແຜນວິທີເຮັດວຽກ ແລະ ຢຶດໝັ້ນຫລັກການລວມສູນປະຊາທິປະໄຕ ເຫັນແກ່ປະໂຫຍດສ່ວນລວມຫຼາຍກ່ວາປະໂຫຍດສ່ວນຕົວ ແລະ ອື່ນໆ.
ກອງປະຊຸມຍັງໄດ້ປ່ອນບັດຄັດເລືອກເຟັ້ນເອົາພະນັກງານສືບທອດນໍາພ – ບັນຊາ ເພື່ອເກັບຂໍ້ມູນເບື້ອງຕົ້ນໄວ້ເຂົ້າເປັນເປົ້າໝາຍກໍ່ສ້າງ ເປັນພະນັກງານສືບທອດ – ປ່ຽນແທນ ໃນຕຳແໜ່ງທີ່ເໝາະສົມໃນສະເພາະໜ້າ ແລະ ຍາວນານ.
Users Today : 406
Users Yesterday : 1225
This Month : 9472
This Year : 129509
Total Users : 515733
Who's Online : 29