ຕອນເຊົ້າຂອງວັນທີ 23 ກຸມພາ 2022 ຢູ່ຫ້ອງການບ້ານ ນາເພີນ ເມືອງວຽງທອງ ແຂວງບໍລິຄໍາໄຊ ໄດ້ຈັດພິທີເປີດຝຶກອົບຮົມການເມືອງ-ການທະຫານໃຫ້ກໍາລັງກອງຫຼອນ ກຸ່ມບ້ານທອງມີໄຊ ໂດຍເປັນກຽດເຂົ້າຮ່ວມເປີດຂອງທ່ານ ຄໍາມອນ ໄຊພົມມີ ຮອງເລຂາພັກເມືອງ ຜູ້ຊີ້ນໍາວຽກພັກ-ພະນັກງານ ຮອງປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ, ມີທ່ານຫົວໜ້າກອງບັນຊາການທະຫານເມືອງ, ຄະນະຮັບຜິດຊອບ, ນາຍບ້ານ, ກໍາລັງກອງຫຼອນຈາກ 4 ບ້ານຄື: ບ້ານໂຮມຈະເລີນ, ບ້ານທອງມີໄຊ, ບ້ານ ສີວິໄລ, ບ້ານນາເພີນ ແລະ ແຂກຖືກເຊີນເຂົ້າຮ່ວມ.
ພາຍຫຼັງເປີດພິທີຢ່າງເປັນທາງການແລ້ວກອງຫຼອນຢູ່ກຸ່ມທອງມີໄຊທີ່ເຂົ້າຮ່ວມຝືກອົບຮົມຈະໄດ້ພ້ອມກັນເຊື່ອມຊືມບັນດາເອກະສານທີ່ສຳຄັນຄື: ເອກະສານມູນເຊື້ອຂອງກອງທັບ, ເອກະສານທີ່ຕັ້ງ ພາລະບົດບາດຂອງກອງຫຼອນ, ເອກະສານຕ້ານການຫັນປ່ຽນໂດຍສັນຕິຂອງສັດຕູ, ບົດຮຽນຄຸນຄ່າສະມັດຕະພາບການປະກອບສ້າງ ແລະ ການປົກປັກຮັກສາອາວຸດ AK, CKC, ບົດຮຽນ 7 ຈັງຫວະພື້ນຖານບຸກຄົນ, ຈຸໝູ່ປ້ອງກັນເວນຍາມບ້ານ, ໝວດປ້ອງກັນເວນຍາມບ້ານ ແລະ ເຄື່ອນໄຫວຊອກຄົ້ນຕີສັດຕູ, ຮຽນເລັງປືນ ບົດເປີດສາກພ້ອມທັງປະຕິບັດຍີງລູກແທ້. ຈຸດປະສົງການຝືກອົບຮົມກໍ່ເພື່ອສ້າງໃຫ້ກອງຫຼອນມີຄວາມເຂົ້າໃຈຕໍ່ບົດຮຽນ ແລະ ກໍ່ເປັນການສ້າງຄວາມເຂັ້ມແຂງ ໃນໜ້າທີ່ຄວາມຮັບຜິດຊອບທີ່ຖືກມອບໝາຍແລ້ວພ້ອມກັນເຮັດໜ້າທີ່ຢ່າງມີຜົນສຳເລັດເຮັດໃຫ້ບ້ານມີຄວາມສະຫງົບສັງຄົມມີຄວາມເປັນລະບຽບຮຽບຮ້ອຍດີ. ບັ້ນຝືກອົບຮົມຄັ້ງນີ້ຈະດຳເນີນໄປເປັນເວລາ 7 ວັນຈື່ງຈື່ງສຳເລັດ.
Users Today : 535
Users Yesterday : 1225
This Month : 9601
This Year : 129638
Total Users : 515862
Who's Online : 28