ໃນວັນທີ 28 ມັງກອນ 2022 ເມືອງ ວຽງທອງ ແຂວງ ບໍລິຄຳໄຊ ໄດ້ຈັດພິທີປາຖະກະຖາຫວນຄືນມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 73 ປີ ( 20 ມັງກອນ 1949 – 20 ມັງກອນ 2022 ) ຢູ່ຫ້ອງປະຊຸມຊັ້ນ III ຫ້ອງວ່າການເມືອງ ໂດຍເປັນກຽດເຂົ້າຮ່ວມ ແລະປາຖະກະຖາຂອງສະຫາຍ ຄໍາມອນ ໄຊພົມມີ ຮອງເລຂາພັກເມືອງ, ມີຄະນະປະຈໍາ, ກຳມະການພັກເມືອງ, ຫົວໜ້າກອງບັນຊາການ ປກຊ – ປກສ ເມືອງ ພ້ອມຄະນະ, ຫົວໜ້າຫ້ອງການ, ລັດວິສາຫະກິດ, ແລະ ພະນັກງານຫຼັກແຫຼ່ງເມືອງ ເຂົ້າຮ່ວມ.
ກອງທັບປະຊາຊົນລາວ ໄດ້ຮັບການສ້າງຕັ້ງຂື້ນຢ່າງເປັນທາງການ ໃນວັນທີ 20 ມັງກອນ 1949 ຢູ່ເຂດລາວຮູ່ງພຽງສາ ເມືອງຊຽງຄໍ້ ແຂວງຫົວພັນ ໂດຍແມ່ນ ປະທານ ໄກສອນ ພົມວິຫານ ເປັນຜູ້ບັນຊາໂດຍກົງ.
ພາຍໃຕ້ການນຳພາຂອງພັກທີ່ສະຫຼາດສ່ອງໃສ ກອງທັບປະຊາຊົນລາວ ເວລາໃດກໍ່ໄດ້ນໍາໜ້າທຸກວຽກງານ, ເດັດດ່ຽວໜຽວແໜ້ນຜ່ານຜ່າອຸປະສັກ ສຳເລັດທຸກໜ້າທີ່ ຕີຊະນະສັດຕູທຸກໂຕ, ສົມແລ້ວເປັນກຳລັງແກ່ນສານທີ່ເຂັ້ມແຂງຂອງການປະຕິວັດ, ເປັນເຄື່ອງມືອັນແຫຼມຄົມຂອງພັກ, ເຮັດສຳເລັດພາລະກຳປະຫວັດສາດ ທີ່ພັກ ແລະ ປະຊາຊົນມອບໝາຍໃຫ້ຢ່າງມີໄຊ, ສາມາດປົດປ່ອຍປະເທດຊາດໄດ້ຢ່າງສົມບູນ ສະຖາປານາເປັນປະເທດສາທາລະນະລັດ ປະຊາທິປະໄຕປະຊາຊົນລາວຂື້ນ ໃນວັນທີ 2 ທັນວາ 1975 ຢ່າງສະຫງ່າຜ່າເຜີຍ.
ພາຍຫລັງທີ່ປະເທດຊາດໄດ້ຮັບການປົດປ່ອຍ ກອງທັບປະຊາຊົນລາວ ໄດ້ເຮັດໜ້າທີ່ປົກປັກຮັກສາ ແລະ ສ້າງສາປະເທດຊາດ ນຳພາຊາດລາວເຮັດສຳເລັດຫລາຍໜ້າທີ່ສຳຄັນ ທີ່ພັກ ແລະ ປະຊາຊົນມອບໝາຍໃຫ້ ຈົນເຮັດໃຫ້ຊາດລາວ ມີບົດບາດໃນເວທີການເມືອງ – ເສດຖະກິດ ໃນພາກພື້ນ ແລະ ສາກົນ.
Users Today : 267
Users Yesterday : 1225
This Month : 9333
This Year : 129370
Total Users : 515594
Who's Online : 21