ໃນວັນທີ 27 ມັງກອນ 2022 ຢູ່ທີ່ຫ້ອງປະຊຸມຄະນະບໍລິຫານງານຊາວໜຸ່ມ ແຂວງບໍລິຄໍາໄຊ ໄດ້ຈັດກອງປະຊຸມເຊື່ອມຊຶມເອກະສານ ແລະ ທາບທາມບຸກຄະລາກອນ ຕໍາແໜ່ງປະເພດ 5 ແລະ ປະເພດ 6 ພາຍໃນຫ້ອງການຄະນະບໍລິຫານງານຊາວໜຸ່ມແຂວງ ໂດຍການເປັນປະທານຂອງ ທ່ານ ທອງມະນີ ໂຄດປັນຍາ ເລຂາຄະນະບໍລິຫານງານຊາວໜຸ່ມແຂວງ.
ກອງປະຊຸມ ໄດ້ຮັບຟັງການເຊື່ອມຊຶມ 2 ເອກະສານ ຄື: ດໍາລັດເລກທີ 461/ລບ, ລົງວັນທີ 9 ຕຸລາ 2012 ວ່າດ້ວຍມາດຕະຖານຕໍາແໜ່ງບໍລິຫານຂອງລັດຖະກອນແຫ່ງ ສປປ ລາວ, ເອກະສານເລກທີ 626/ລຂ, ລົງວັນທີ 30 ພະຈິກ 2021 ວ່າດ້ວຍທີ່ຕັ້ງພາລະບົດບາດ ແລະ ການເຄື່ອນໄຫວຂອງຊາວໜຸ່ມປະຊາຊົນປະຕິວັດລາວ.
ຈາກນັ້ນ ຄະນະຮັບຜິດຊອບປັບປຸງການຈັດຕັ້ງຂັ້ນແຂວງ ກໍ່ໄດ້ແນະນໍາວິທີຈັດຕັ້ງປະຕິບັດ ເພື່ອເຮັດໃຫ້ການທາບທາມບຸກຄະລາກອນຄັ້ງນີ້ ດໍາເນີນໄປດ້ວຍຄວາມໂປ່ງໃສ ແລະ ຄັດເລືອກໄດ້ພະນັກງານທີ່ມີຄວາມຮູ້, ຄວາມສາມາດຕາມມາດຖານເງື່ອນໄຂຂອງຂັ້ນເທິງວາງອອກ ພ້ອມທັງດໍາເນີນການທາບທາມຕາມຫຼັກການປະຊາທິປະໄຕ.
Users Today : 355
Users Yesterday : 1225
This Month : 9421
This Year : 129458
Total Users : 515683
Who's Online : 24