ພະແນກສຶກສາທິການ ແລະ ກິລາແຂວງບໍລິຄໍາໄຊ ຈັດຝຶກອົບຮົມການນໍາໃຊ້ລາຍຊື່ບັນຊີ Microsoft Teams ແລະ Office 365 A1

ໃນຕອນເຊົ້າຂອງວັນທີ 26 ມັງກອນ 2022 ຢູ່ຫ້ອງປະຊຸມ ສູນໄອຊີທີ ແຂວງບໍລິຄໍາໄຊ ໄດ້ຈັດກອງປະຊຸມຝຶກອົບຮົມວິທີການນຳໃຊ້ ລາຍຊື່ບັນຊີ Microsoft Teams ແລະ Office 365 A1 (ລາຍເຊັນ) ຂອງຂະແໜງການສຶກສາ. ພາຍໃຕ້ການເປັນປະທານຂອງທ່ານ ຄໍາເພັດ ໄຊປັນຍາ ຮອງຫົວໜ້າພະແນກສຶກສາທິການ ແລະ ກິລາແຂວງ, ມີຄະນະພະແນກ, ຫົວໜ້າຂະແໜງ ແລະ ຫົວໜ້າຫ້ອງການສຶກສາທິການ ແລະ ກິລາເມືອງ ທັງ 7 ຕົວເມືອງທີ່ຮ່ວມທາງອອນໄລ ໃນຮູບແບບທາງໄກ.

ຈຸດປະສົງຂອງການຈັດຝຶກອົບຮົມໃນຄັ້ງນີ້ ເພື່ອແນະນຳການນຳໃຊ User Account office 365 A1 ໃນການເຮັດວຽກທາງອອນລາຍ ຮ່ວມກັບຜູ້ບໍລິຫານການສຶກສາ – ກິລາ ທົ່ວປະເທດ, ເຊິ່ງເປັນ User ລາຍເຊັນ ສາມາດນຳໃຊ້ໄດ້ແບບບໍ່ຈຳກັດເວລາ.

ໃນກອງປະຊຸມທີມງານຄູຝຶກຈາກສູນ ICT ຂອງແຂວງແມ່ນໄດ້ຕັ້ງຫນ້າເອົາໃຈໃສ່ນໍາພາແຕ່ລະຂັ້ນຕອນຂອງວິທີການນຳໃຊ້ ລາຍຊື່ບັນຊີ Microsoft Teams ແລະ Office 365 A1 (ລາຍເຊັນ) ໃນການເຮັດວຽກທາງອອນລາຍ ຂອງຜູ້ບໍລິຫານການສຶກສາທົ່ວແຂວງ ຮ່ວມກັບຜູ້ບໍລິຫານການສຶກສາ-ກິລາ ທົ່ວປະເທດ.

ໃນການຝຶກອົບຮົມຄັ້ງນີ້ ແມ່ນເລັ່ງໃສ່ໃຫ້ຜູ້ບໍລິຫານການສຶກສາທົ່ວແຂວງ ສາມາດນໍາໃຊ້ລາຍຊື່ບັນຊີ Microsoft Teams ແລະ Office 365 A1 (ລາຍເຊັນ), ກອງປະຊຸມແມ່ນໄດ້ຮັບຄວາມສົນໃຈ ແລະ ເອົາໃຈໃສ່ຈາກຜູ້ແທນກອງປະຊຸມພາຍໃນຫ້ອງ ແລະ ທາງອອນໄລ ພ້ອມທັງສົນທະນາແລກປ່ຽນບົດຮຽນເຊິ່ງກັນ ແລະ ກັນ ຢ່າງເປັນຂະບວນຟົດຟື້ນ ແລະ ສໍາເລັດຕາມຄາດໝາຍທີ່ວາງໄວ້.

ພາຍຫລັງທີ່ຝຶກອົບຮົມສໍາເລັດແລ້ວ ຜູ້ບໍລິຫານການສຶກສາແຕ່ລະຂັ້ນ ຈະໄດ້ນໍາເອົາບົດຮຽນດັ່ງກ່າວເຂົ້າໄປໝູນໃຊ້ໃນໜ້າທີ່ວຽກງານ ແລະ ຜັນຂະຫຍາຍພາຍໃນກົມກອງຂອງຕົນໃຫ້ຮູ້ທົ່ວເຖີງ.

• Facebook
• Twitter
• Line